VOV4.Jarai - Na nao amăng hơdôm thun hăng anai, noa kơtăk kơsu trun, ngă kơ lu anom bruă bơwih  [ong huă s^ mơdrô sư\ rơbư\, hơdôm plah anom bruă pla kơsu tơnap tap. Tơlơi hơdip mơda mơnuih [on sang pla kơsu, [ing ngă bruă [ong prăk blan pla kơsu bơbe] yua soh. Khă tui anun, [ơi hơdôm anom mă bruă bơwih  [ong huă gah Binh đoàn 15 Ding jum ling tơhan dêh ]ar ta wai lăng, mơnuih [on sang ngă hmua, [ing ngă bruă [ong prăk blan gir run djă bong bruă pla kơsu, wai lăng đang kơsu, abih bang hrom hơbit găn rơgao tơlơi tơnap.

            Mơnuih [on sang Jarai ta pơ plơi Ge, să Ia Dơ\k, tơring glông Đưk Kơ, Gialai, ngă bruă pla kơsu kơ Kông ty 74, Binh Đoàn 15 truh ră anai krep 20 thun laih. Tha plơi ơi Kpuih Diom brơi thâo, dong mơng lo\n glai, lo\n [u jing mơnong, hơmâo [ing ling tơhan, bo# đo#i pơtô brơi, ană plơi pla pla rai đang kơsu đ^ hiam mơtah mơda biă mă. Ăt yua hơmâo phun kơsu mơn, mơnuih [on sang ngă hmua hơđong tơlơi hơdip mơda, laih dong tơlơi do\ dong [ong huă plơi Ge bơblih đ^ tui. Prăk kăk pơkrem tui mơng bruă ngă kơsu, mơnuih [on sang tuh pơ alin pla kơphê, pla tiu. Truh ră anai, lu sang ano\, pơdong sang prong, hiam, tơlơi hơdip đ^ baih. Tha plơi ơi Kpuih Diom lăi:

            “Dong mơng hrơi neh wa gum hrom mă bruă [ơi đang kơ su hrom hăng Gru\p ling tơhan mrô 15, neh wa [u bơngot kơ rơpa, [un rin dong tah. Ling tơhan djru gum neh wa bơwih [ong huă, rơngiao kơ bruă [ơi đang kơ su neh wa do# pla kơ phê, tiu dong. Kâo pơ ala kơ ană plơi bơni kơ Gru\p ling tơhan mrô 15 lu biă.”

            Pơklaih laih mơng tơlơi ư\ rơpa, [un rin, tơlơi hơdip mơda bơblih yua mơng bruă pla kơsu, kơnang kơ ling tơhan djru ană plơi pla, anun yơh mơnuih [on sang plơi Ge đăo kơnang biă mă kơ kông ty, hăng Binh Đoàn 15, khă hơdôm thun hăng anai, na nao kơsu trun noa, prăk pơhrui glăi aset tui. Amai Rahlan H’Blơn, plơi Ge, mơnuih ngă bruă kơsu kông ty 74, brơi thâo, truh kơ `u jing mơnuih ngă bruă rơnuk tal dua baih amăng sang ano\ ngă bruă kơ Binh Đoàn 15 laih anun truh ră anai `u ngă bruă kơsu 6 thun laih, 3-4 thun giăm anai, prăk blan mơng [ing ngă bruă kơsu trun tui, samơ\ ăt do\ hơnong mơng 4 klăk truh kơ 5 klăk prăk mơn sa blan. Lơ\m noa kơtăk kơsu trun, hloh kơ arăng yơh, `u pô gir run tong ten hăng kông ty, hăng anom bruă `u kiăng găn rơgao h^ tơlơi lông lăng tơnap tap. Amai Rhalan H’Blơn lăi:

            “Hlâo adih aka mut ngă bruă kơsu tơlơi hơdip mơda sang ano\ tơnap tap biă mă. Truh mut ngă bruă kơsu, reh kơtăk kơsu yơh tơlơi hơdip mơda sang ano\ gơmơi plai [iă pơkă hăng hlâo. Thun blan giăm anai, jai tơnap tui, gơmơi jai kraih gir run, kơtưn hloh, ngă hiư\m pă dưi ngă djơ\ tu\ yua, găn rơgao tơlơi tơnap tap anai, hrom pran jua, sa ai hơtai hăng kông ty pơđ^ kyar hơđong kjăp hloh.”

            Ơi Rmah Thin, Khoa git gai ping gah să Ia Dơ\k, tơring glông Đưk Kơ brơi thâo, să hơmâo dua boh plơi ngă bruă pla kơsu hăng Bình Đoàn 15, anun le\ plơi Ge hăng plơi Đo, hơmâo 300 ]ô mơnuih ngă bruă kơsu. Wơ\t tơdah noa kơsu trun, tơlơi hơdip mơda [u hơđong ôh samơ\ gir run mă bruă pơđ^ kyar bơwih [ong huă hăng pơgang lo\n ia yua Binh Đoàn 15 ba jơlan hlâo, mơnuih [on sang ăt hơđong đô]. Ơi Rmah Thin lăi le\, Binh Đoàn pok prong dong đơ đam pla kơsu [udah phun kyâo pơko\n pioh pơtrut mơnuih [on sang ngă hrom, `u lăi:

            “Noa kơsu trun Binh Đoàn, kông ty ăt djru kơ ană plơi pla ]an prăk pioh tuh pơplai kơ bruă ngă hmua pla pơjing pơsir bruă mă pơkon. Tơlơi kâo ]ang rơmang tui anai: pơ anai hơmâo 13 boh plơi, mrô mơnuih [on sang 8000 ]ô, 2000 boh sang ano\, ăt kiăng kông ty hơmâo dong hơdră pla kơsu phrâo dong. Kông ty hăng Binh Đoàn 15 djru kơ ană plơi pla hơmâo dong bruă mă, kiăng hơđong tơlơi hơdip mơda.”

            Kông ty sa ding kơna 74 ră anai hơmâo giăm ha mơkrah mơnuih mă bruă jing djuai ania aset, amăng mrô 3.400 ]ô mơnuih mă bruă.  Pơtong lăng bruă mă  kah hăng ră anai, anom bruă hơmâo pok lu bruă mă kiăng găn rơgao tơlơi tơnap tap, pơgang kjăp gru grua jing Anih anom tơhakhin hơtai mă bruă. Trung tá, ơi Nguyễn Mạnh Cường, Khoa git gai ping gah kông ty sa ding kơna 74 lăi tui anai:

            “Dong [ơi anăp tơlơi tơnap tap ping gah, khoa moa git gai kông ty hơmâo pơdah thâo lu hơdră mă bruă, git gai kiăng kông ty hơđong na nao laih anun pơđ^ kyar. Kah hăng ngă klă bruă pơtô pơblang, jak iâu mơnuih mă bruă, kah hăng djru ngă adơi ayong, lăng ba, lir hơbit tơlơi bơwih  [ong huă tui r^m boh sang ano\. {ơi anăp kơ tơlơi tơnap tap noa kơsu đ^ trun, kông ty ngă tui lu hơdră pơtrun rơnoh prăk tuh pơ alin mă bruă, pơđ^ tui boh tơhnal mă bruă, pơtrun noa s^ mơdrô.”

                                                                        Nay Jek: Pô ]ih hăng pôr