VOV4.Jarai - Amăng hơdôm hrơi je# hăng anai tơlơi blơi s^, du\ pơgiăng hot jrao mơng dêh ]ar Lao rai pơ\ dêh ]ar Việt Nam [ơi glông jơlan guai dêh ]ar gah tơring ]ar Kontum, biă `u kual bah amăng jang jar kơmar Bờ Y ngă dleh tơnap biă.

Bôh than ba truh yua kơ khul apăn bruă ngă kơja\p [ơi hơdôm bôh tơring ]ar gah kual Pơngo\ dêh ]ar anun [ing s^ ho\t jrao pơ plih anih anom blơi s^ amăng hơdôm bôh tơring ]ar gah kual Dơnung amăng anun hmâo tơring ]ar Kontum.

{ơi anăp tơlơi anai, Khul ling tơhan pơgang guai lo\n ia tơring ]ar Kontum hmâo gơgrong hlâo pok pơhai hơdôm bruă mă gir run pơgăn hot jrao [ơi glông guai dêh ]ar.

Kơnong amăng blan 4 hăng blan 5 phrâo rơgao, khul ling tơhan pơgang guai lo\n ia tơring ]ar Kontum phă pơrai 2 mơta tơlơi s^ mdrô hot jrao mă pơko\ng 4 ]ô mơnuih, mă pơhrui 60.000 asar hot jrao luk lu mơta hăng 2 kg ma tuý khăng.

Abih bang mrô hot jrao anai glăk dưi hmâo [ing s^ mdrô du\ pơgiăng mơng dêh ]ar Lao mut amăng dêh ]ar Việt Nam s^.

Đại tá Phạm Ngọc Phú, Khoa git gai Khul ling tơhan pơgang guai lo\n ia tơring ]ar Kontum brơi thâo, tơlơi [ing ngă soh gah hot jrao [ơi glông guai lo\n ia tơring ]ar Kontum jai ngă dleh tơnap.

{ing blơi s^, du\ pơgiăng hot jrao mơng Lao rai pơ\ dêh ]ar Việt Nam jai hơgom, thâo mơne] le] đuăi:

“Bruă du\ pơgiăng, răk pioh, blơi s^ hot jrao ngă dleh tơnap. Mơnuih du\ pơgiăng, răk pioh, blơi s^ hot jrao ră anai hmâo lu jơlan gah hơgom, thâo mơne]. Pơplih na nao gơnam yua pioh pơgiăng, pơplih anih anom, hrơi mông jao gơnam”.

Khul ling tơhan pơgang guai lo\n ia hăng Anom wai lăng bruă rô nao rai hăng dêh ]ar ta] rơngiao jar kơmar Bờ Y pel e\p rơdêh mut tơbiă mơng Lao rai pơ\ Việt Nam

Dong mơng thun 2017, rơgao kơ thâo tơlơi [ơi tơring ]ar ăt kah hăng lu tơlơi pơhing pha ra, khul ling tơhan pơgang guai lo\n ia tơring ]ar Kontum hmâo pơsit laih, [ing blơi s^ hot jrao glăk pơplih anih anom mă bruă mơng hơdôm bôh tơring ]ar pơngo\ hăng pơngo\ to\ng krah kual }ư\ Siăng.

Hmâo glông jơlan guai lo\n ia dua bôh dêh ]ar Lao hăng Kur, hmâo bah amăng jang guai lo\n ia Bờ Y tô nao rai gêh gal, [ing ngă soh gah hot jrao ruah Kontum pioh du\ pơgiăng hot jrao mơng dêh ]ar Lao rai pơ\ dêh ]ar Việt Nam.

{ơi anăp lu tui tơlơi [ing ngă gah hot jrao , khul ling tơhan Pơgang guai lo\n ia tơring ]ar Kontum gơgrong hlâo pok pơhai lu bruă kiăng kơdo\ng glăi, pơgăn.

Thiếu tá Nguyễn Văn Sỹ, Khoa Anom wai lăng amăng jang jar kơmar Bờ Y, Puih kơđông pơgang guai lo\n ia bah amăng jang jar kơmar Bờ Y, brơi thâo:         

“{ing gơmơi hmâo kơtưn ngă bruă thâo tơlơi mơng gah rơngiao guai gah dêh ]ar Lao. Kơtưn mơnuih hăng gơnam mă yua hyu tir wai lăng.

Biă `u bruă pel e\p, wai lăng, lăng tui bruă blơi s^ hăng mut tơbiă [ơi bah amăng jang kiăng hmao thâo tơlơi pơmin, bruă mă mơng [ing ngă soh, biă `u hăng mơnuih ngă soh gah hot jrao”.

Tlâo ]ô mơnuih hăng 60.000 asar hot jrao luk lu mơta hmâo tơhan pơgang guai lo\n ia tơring ]ar Kontum mă pơko\ng amăng blan 5/2019

Pơsit bah amăng jang jar kơmar Bờ Y le\ bah amăng yôm phăn mơ\ [ing ngă soh gah blơi s^ hot jrao mă tu\ pioh du\ pơgiăng hot jrao mơng dêh ]ar Lao rai pơ\ dêh ]ar Việt Nam, Khul ling tơhan pơgang guai lo\n ia tơring ]ar Kontum gum hrom kơja\p hăng Khul wai lăng bruă rô nao rai hăng dêh ]ar ta] rơngiao [ơi bah amăng jang lom pel e\p gơnam du\ pơgiăng, pơ]rang lăng gơnam tam djă ba mơng tuai mut rai dêh ]ar ta.

Ơi Nguyễn Thanh Hải, Kơ-iăng Khoa Anom wai lăng bruă rô nao rai hăng dêh ]ar ta] rơngiao bah amăng jang guai jar kơmar Bờ Y brơi thâo, amăng bruă gum hrom hăng khul pơgang guai lo\n ia pơgăn hot jrao, anom pioh na nao tơlơi đing nao dlông hloh yap wo\t ană mơnuih hăng gơnam yua pơgiăng kơ bruă anai:

“{ing apăn bruă Anom dưi pơ pha ngă hơdôm bruă mă hmâo bôh thâo, thâo hluh, hmâo tơlơi thâo thăi gah pơ]rang ăt kah hăng hơdôm bruă mă wai lăng tơlơi rô nao rai hăng dêh ]ar ta] rơngiao.

Ră anai [ơi Anom, [ơi hơdôm anih phun barie tơbiă, mut ăt kah hăng amăng kual pel e\p, wai lăng, lăng tui leng kơ hmâo hơdôm bôh măi camera lăng tui bruă ngă hră pơ-ar ăt kah hăng lăng tui lom tuai rơdêh nao rai.

Hrom hăng anun ăt kơtưn mơn khul mơnuih wai lăng [ơi kual bah amăng jang pioh pel e\p tuai rô nao rai”.

Gơnam mă yua mơng gru\p s^ blơi hot jrao

Hrom hăng kơtưn bruă gum hrom kơplah wah hơdôm khul apăn bruă amăng lo\n ia, khul ling tơhan pơgang guai lo\n ia tơring ]ar Kontum ăt pơtrut kơtang bruă thâo tơlơi pơhing gah rơngiao guai lo\n ia pioh pơgăn hot jrao ba do\p mut amăng tơring ]ar.

Dong mơng thun 2017 truh rơnu] blan 5/2019, Ling tơhan pơgang guai lo\n ia tơring ]ar Kontum hmâo pơsit kơdo\ng phă 9 mơta tơlơi hot jrao.

Amăng anun gum hrom hăng khul apăn bruă dêh ]ar Lao phă truh kih lu kơđi tơlơi mă pơko\ng lu hot jrao, kah hăng: Chuyên án 911LV lơ 14/11/2017 mă 2 ]ô mơnuih mă pơko\ng 40 tơla#o heroin [ơi Km59 – Jơlan 18B, gah tơring glông Phu Vông, tơring ]ar Atappư; Kơđi tơlơi 915LV lơ 10/3/2019 mă pơko\ng 3 ]ô mơnuih mă pơko\ng 15.600 asar hot jrao luk lu mơta; Kơđi tơlơi 916LV lơ 7/4/2019 mă pơko\ng 2 ]ô mơnuih pơhrui mă 39.400 asar hot jrao luk lu mơta…

Hăng khul pơgang phun mơng Ling tơhan pơgang guai lo\n ia amăng kơdo\ng [ing ngă soh gah hot jrao , Thượng tá Dư Văn Diệp, Kơ-iăng Khoa pơgang pơgăn hot jrao hăng [ing ngă soh, Ling tơhan pơgang guai lo\n ia tơring ]ar Kontum brơi thâo, hrom hăng pơdo\ng pran jua kơđi ]ar kơ rim mơnuih apăn bruă, puih kơđông ăt glăk pok pơhai mơn lu bruă mă kơdo\ng pơgăn djuai tơlơi soh hu^ rơhyư\t anai:

“{ing gơmơi ngă klă bruă pel e\p phun, e\p jơlan glông, anih [u\t hot jrao kiăng hmâo pơgăn ba glăi bôh tơhnal. Ngă klă bruă pel e\p, wai lăng mơnuih, rơdêh pơgiăng găn nao rai guai lo\n ia.

Lăi pơhing, lăi pơthâo tơlơi phiăn kơ m[s [ơi guai lo\n ia lăng yôm pran jua kơđiăng, kơdo\ng glăi, [om [ing ngă soh gah hot jrao.

Gum hrom hăng khul Kông ang mơng gơyut gum hrom kiăng thâo tơlơi kơdo\ng glăi hăng hơdôm jơlan nao rai, anih [ut [ing ngă soh gah hot jrao mơng Lao rai pơ\ Việt Nam hăng mơng guai lo\n ia mut amăng lo\n ia”.

Tơring ]ar Kontum bơni ta` boh than phă kơđi tơlơi hot jrao mơng Khul ling tơhan pơgang guai lo\n ia

Hăng pran jua pơsit pơgăn bruă blơi s^, du\ pơgiăng hot jrao găn rơgao guai lo\n ia, khul tơhan pơgang guai lo\n ia tơring ]ar Kontum glăk rim hrơi, rim mông gir run hơkru\ pơsir tơlơi tơnap, lăng yôm pran jua kơđiăng ngă giong bruă mă.

Hơdôm bôh tơhnal lăp ]ih djă pioh hơdôm hrơi rơgao le\ pran pơtrut pioh  rim mơnuih apăn bruă tơhan, ling tơhan pơgang guai lo\n ia tơring ]ar Kontum hmâo pran pơsit dong, gơgrong hlâo dưi dong amăng bruă pơgang, pơgăn [ing ngă soh hot jrao djă pioh tơlơi hơđong kơ mơnuih [ôn sang./.

Siu H’ Prăk: Pô ]ih pơblang hăng pôr