VOV4.Jarai - Hơdôm thun rơgao, jơlan hơdră “Sang do# khul mut phung” mơng Khul mut phung tơring ]ar Daklak hmâo djru laih ha rơtuh ]ô mơnuih mă bruă hmâo tơlơi hơd^p mơda tơnap tap pơdo\ng hmâo hơdôm bôh sang do# kơja\p, hơđong tơlơi hơd^p mơda, hơđong pran jua mă bruă.

5 thun hlâo adih, ayong Nguyễn Ngọc Cường, mơnuih khul mut phung Sang bruă wai lăng hăng man pơdo\ng pơkra jơlan nao rai tơring ]ar Daklak do# kơ amai H’ Dung {uôn Krông pơ\ [ôn Tơng Ju\, să Ea Kao, plơi prong {uôn Ama Thuo#t.

Tui hăng phiăn juăt mơng djuai ania Êđê, ayong Cường glăi do# hrom hăng sang ano#, amăng tơlơi hơd^p mơda tơnap tap biă.

Sang ano# hmâo rơbêh kơ 10 ]ô mơnuih mơng 3 bôh sang ano# do# hrom sa bôh sang gơniă kho\p, tơnap tap yua kơ [u hmâo ngăn drăp prăk kak anun [u dưi pơdo\ng sang do# pha.

Amăng mông anun, blan 4 phrâo rơgao, dưi hmâo hơdôm gưl khul mut phung djru 70 klăk prăk mơng jơlan hơdră “Sang do# khul mut phung” hăng hyu ]an ling mơng kơnung djuai dong, sang ano# ayong Cường dưi pơdo\ng laih sang pơnăng xi-măng, bơbung tôl kơja\p hăng abih bang noa `u rơbêh kơ 100 klăk prăk.

“Hlâo adih kâo tơnap tap biă, mă bruă kơ sang bruă hmâo rơbêh kơ 10 thun laih,  pơkra jơlan [ơi djop anih, tơdơi kơ anun do# bơnai do# hrom sa bôh sang hăng am^ ama bơnai, sang ano# tơnap tap, ră anai dưi hmâo khul mut phung djru 10 klăk prăk, gru\p khoa moa Sang bruă djru 10 klăk prăk, khul mut phung tơring ]ar djru 50 klăk prăk hrom hăng tơlơi gum djru mơng adơi ayong kơnung djuai pơdo\ng hmâo h^ sa bôh sang do#.

Ră anai hmâo sang do# hơđong laih gir run pơdo\ng sang ano#, rông ană bă hrăm hră truh kih”.

Khoa pơ ala kơ Khul mut phung tơring ]ar jao “Sang do# khul mut phung” kơ sang ano# ayong Nguyễn Ngọc Cường, mơnuih mut phung Sang bruă Wai lăng hăng Man pơdo\ng jơlan nao rai tơring ]ar Daklak

Glăk gum hrom klă hăng adơi ayong kơnung djuai ngă tui hơdôm bruă mă tu\] rơnu] pioh giong h^ sang do# phrâo mơng pô, ayong Y Tứ Ayun, mơnuih amăng khul mut phung să }ư\ Mgar, tơring glông }ư\ Mgar mơ-ak pran jua lăi pơthâo, sang hmâo noa 65 klăk prăk pơdo\ng [ơi lon prong 60 met kơ rê anai, yua kơ Khul mut phung tơring ]ar Daklak djru mơng keh prăk “Sang do# khul mut phung” hrom hăng tơlơi gum djru mơng mơnuih amăng sang ano# go\p djuai, rơkơi bơnai `u hmâo laih sang do# phrâo kơja\p pơ ala kơ sang pơdo\ng mă ]a ]ot hlâo adih [u djop pioh pơgang pơ-iă 10 thun rơgao.

Dong mơng ră anai, amra [u do# dăng [at a`ing a`ăng dong tah sit truh bơyan hơjan [udah adai pơ-iă mơng bơyan phang.

Ayong Y Tứ Ayun ră ruai, hmâo anih do# hơđong amra djru `u hơđong pran jua mă bruă, pơđ^ kyar bơwih [ong sang ano#.

“Sang ano# kâo hmâo 4 ]ô mơnuih, hlâo adih do# amăng sang pơdo\ng mă jăng jai, hơjan ia [le\, ră anai dưi hmâo khul mut phung tơring ]ar, tơring glông gum djru brơi 50 klăk prăk, sang ano# hyu e\p hmâo 15 klăk prăk dong pioh pơdo\ng sang do# anai.

Kâo bơni biă. Tơdơi anai kâo amra gir run ngă giong klă bruă mă hăng hrưn đ^ pơđ^ kyar bơwih [ong kơ sang ano# kâo”.

Khoa pơ ala kơ Khul mut phung tơring ]ar Daklak hăng gong gai tơring glông nao ]ua\ tơ`a bla sang ano# ayong Y Tứ Ayun, mơnuih amăng khul mut phung să }ư\ Mgar, tơring glông }ư\ Mgar

Tui hăng ơi Y Jone Ktull, Kơ-iăng Khoa Khul mut phung tơring ]ar Daklak, hăng mơnuih mă bruă, mơnuih hmâo prăk pơhrui glăi [ia\, prăk pơkrem pioh [ia\ anun tơnap mơn dưi pơdo\ng sang do# kơja\p. Yua anun, jơlan hơdră “Sang do# khul mut phung” hmâo ba glăi laih bôh tu\ yua klă.

Amăng 5 thun rơgao, hơdôm gưl khul mut phung djru pơdo\ng phrâo laih, pơkra glăi giăm hmâo 650 bôh sang do# kơ mơnuih mơng khul mut phung hmâo tơlơi tơnap kơ sang do#, hăng abih bang noa `u giăm truh 19 klai prăk.

Gơnang kơ jơlan hơdră anai mơ\ lu mơnuih amăng khul, mơnuih mă bruă tơnap tap kơ sang do# hmâo laih sang do# kơja\p hơđong tơlơi hơd^p mơda, mơng anun hơđong pran jua mă bruă djru kơ tơlơi đ^ kyar mơng mơnuih mơnam.

Ơi Y Jone Ktull brơi thâo, pơ\ anăp anai, Khul mut phung tơring ]ar Daklak amra pơtrut kơtang dong jơlan hơdră “Sang do# khul mut phung” kiăng djru mơnuih mă bruă tơnap kơ sang do# hơđong tơlơi hơd^p mơda.

“Jơlan hơdră sang do# khul mut phung dưi ba tơbiă amăng tơlơi pơtrun pơsit le\ rơwang bruă mơng thun 2018-2023 amra djru pơdo\ng phrâo 300 bôh sang do#, pơkra glăi 300 bôh sang do#.

Djru mơng ngăn rơnoh gum hơgo#p mơng mơnuih mă bruă amăng khul hăng iâu pơhrui dong mơng [ing thâo tơngia hăng mơng mơnuih mơnam.

}ang rơmang ngă hiưm hơpă brơi mơnuih mă bruă hơđong anih do#, hơđong bruă mă mơng anun hơđong pran jua gum hơgo#p kơ bruă pơdo\ng lon ia”.

Hơdôm bôh “Sang do# khul mut phung” yua kơ mơnuih amăng khul pô djru mơnuih amăng bruă hluai tui khul mut phung sit nik hmâo pran lar hyu biă.

Khă akă pơsir djop abih bang tơlơi kiăng yua kơ sang do# kơ mơnuih tơnap tap, samơ\ rim sang do# dưi pơdo\ng sit nik ngă ru\ đ^ laih tơlơi ]ang rơmang kơ hơdôm mơnuih mă bruă [un rin [ơi tơring ]ar Daklak./.

Siu H’ Prăk: Pô ]ih hăng pôr