VOV4.Jarai-Ngă hrom bruă ‘’Abih bang mơnuih [on sang gum pơgôp man pơdong plơi pla phrâo, plơi prong hiam klă thâo rơgơi, hơdip tơpă đăo hiam’’ mơnuih [on sang đăo Khop amăng tơring ]ar Daklak hur har biă mă bơblih phrâo hơbo# mă bruă, ako\ pơdong plơi pla phrâo.

Tơlơi ]ih mơ\ng Hương Lý, pô mă tơlơi pơhing phrâo Gong phun jua pơhiăp Việt Nam do\ [ơi kual Dap kơdư hơmâo tơlơi ]ih lăi nao kơ tơlơi anun tui anai.

{uh rơđah boh tu\ yua mơ\ng mơnuih [on sang đăo Khop djru amăng bruă man pơdong plơi pla phrâo [ơi Daklak anun le\ tơring đăo Tân Hòa, să Ea Tiêu, tơring glông }ư\ Kuin hăng lu bruă mă djru hrom kah hăng brơi pok jơlan [ơi lo\n hmua, lang sang pô pioh pơkra jơlan plơi pla, djru prăk tuh [êtông pơkra jơlan hăng kơsu go\ drong amăng djop plơi lơ\m tơring đăo.

Ơi Nguyễn Quang Huy, Khua Khul tơring đăo Tân Hòa lăi: Tơring đăo Tân Hòa ră anai hơmâo 1000 boh sang ano\ hăng rơbêh 5.650 ]ô mơnuih, amăng hơdôm thun rơgao mơnuih [on sang đăo Khop ha pran jua, djru ngă tui tơlơi pơkơtưn mă bruă ‘’Abih bang mơnuih [on sang gum pơgôp man pơdong plơi pla phrâo, plơi prong hiam ro# thâo rơgơi, hơdip tơpă đăo hiam’’.

‘’Thun 2019, abih bang mơnuih [on sang đăo Khop Tân Hòa hơmâo pơyơr lo\n ]uk jơlan, pơ]ruh prăk 7 klai pioh tuh simăng ngă jơlan laih anun tuh kơsu go\ drong ngă hiam 10 rơwang km jơlan amăng plơi.

R^m arăt jơlan amăng plơi lơ\m tơring đăo Tân Hòa lăng hiam tui, rơgoh biă mă hơmâo jơlan kơsu go\ drong, tuh simăng anun le\ pran jua hăng prăk kăk mơ\ng mơnuih [on sang amăng tơring đăo Tân Hòa soh gum hrom, ba glăi tơlơi mơak kơ djop sang ano\’’.

Jing mơnuih [on sang đăo [ơi tơring đăo Tân Hòa, plơi Tân Hòa 1, să Ea Tiêu, tơring glông }ư\ Kuin, ơi Hoàng Vinh Sơn thâo hluh rơđah yơh kiăng hơmâo jơlan tuh hăng simăng [ê tông, jơlan kơsu hiam klă rô nao rai le\, hơmâo tơlơi djru ha pran jua mơ\ng mơnuih [on sang đăo Khop amăng tơring đăo.

{u djơ\ kơnong pơyơr lo\n đang pok jơlan plơi đô] ôh, abih bang rơnoh prăk ming pơkra jơlan ăt mơnuih [on sang djru hrom mơ\n, mơnuih [on sang djru hrom pran jua mă bruă, hrơi bruă dưi pơkra jơlan hiam kjăp.

Amăng thun 2019, hăng bruă mă pơkra jơlan tuh go\ drong kơsu 10 km nao rai amăng plơi pla, lăng hiam dơnar hơbo# plơi pla ala [on phara laih amăng plơi Tân Hòa, pơjing rai jơlan glông hiam ro#, rơhaih rơhong:

‘’Mơnuih [on sang tơring đăo thâo hluh mơ\n jơlan hiam, rơhaih rơhong, rơgoh klă djru hrom pơtrut tơlơi bơwih [ong huă mơnuih mơnam, man pơdong plơi pla.

Tơring đăo, nao pơpă, lăng hyu hiam klă soh, amăng anun hơmâo tơlơi pơtô lăi, mơ\ng Khua pơtô đăo Khop amăng tơring lăi brơi, mơnuih [on sang hur har pran jua ngă tui, hơmâo sang ano\ đơ đa djru hrom hơpluh klăk prăk kiăng ngă hrom kơnuk kơna tuh go\ drong pơkra jơlan plơi pla dưi giong h^ hlâo kơ hrơi Noel thun 2019 pioh kơ mơnuih [on sang ]ơkă Noel mơak mơai rơnuk rơnua’’.

{u djơ\ kơnong pơyơr lo\n đô] ôh, djru hrom pơkra jơlan brơi hiam amăng plơi, thun 2019, mơnuih [on sang đăo Khop [ơi tơring ]ar Daklak hơmâo pơtruh kơ 6 klai prăk djru kơ lu  sang ano\ tơnap tap hrưn đ^ amăng tơlơi hơdip mơda.

Boh nik `u, hơmâo man pơdong 29 boh sang khăp pap hăng rơnoh prăk 900 klăk prăk; djru kơ bruă hơdor tơngia tla pran 48 klăk prăk; djru prăk pơsur tơlơi hrăm hră pơar, djru kơ anih hrăm tơnap kơ[ah, prăk hrăm hră truh kơ 3 klai.

Ơi Dương Văn Tuệ, Kơ-iăng Khua Jơnum min gum pơgôp Khul đăo Khop tơring ]ar Daklak brơi thâo, pơ anăp anai, Jơnum min gum pơgôp Khul đăo Khop tơring ]ar Daklak ăt pơtrut ngă tui tơlơi pơkơtưn khăp kơ lo\n ia amăng djop anih mơnuih [on sang đăo Khop tơring ]ar Daklak, djru hrom abih bang mơnuih [on sang ngă tui tơlơi bơblih phrâo lo\n ia, djă hnong tơlơi ngă bruă ‘’Abih bang mơnuih [on sang gum pơgôp man pơdong plơi pla phrâo, plơi prong hiam ro# thâo rơgơi, hơdip tơpă đăo hiam’’:

‘’Pơđ^ tui gru grua thâo djru nao rai, pơtrut tui lu bruă mă mơnuih [on sang đăo, gum hrom tơlơi khăp pap, hur har ngă hrom bruă hơdor tơngia tla pran kơ hơdôm sang ano\ hơmâo djru kơ bruă hơkru\ lo\n ia, sang ano\ hơmâo mơnuih djai pơsăn drơi jăn kơ lo\n ia, djru mơnuih mơnam tơnap hrun đ^ lui rơmo\n ako\n rin’’.

Bruă ngă hrom ha pran jua pơ]ruh prăk kăk hăng hrơi bruă man pơdong plơi pla, anun yơh [o# mơta plơi pla dưi bơblih phrâo kơtang biă mă amăng tơring đăo, anun le\ bruă mă mơ\ng mơnuih [on sang đăo Khop djru hrom man pơdong plơi pla ala [on, kiăng lo\n ia pơdrong asah hiam ro# tui.

Sit mơ\n dưi lăi, tơring đăo Tân Hòa lăi hơjăn amăng djop tơring đăo pơko\n hnun mơ\n [ơi Daklak [uh rơđah lu anih bơnga] yua ngă tui djơ\ tơlơi pơtă pơtăn mơ\ng Khua ơi Khop prong Francis hăng mơnuih [on sang đăo Khop [ơi Việt Nam:

‘’Mơnuih đăo Khop Việt Nam khom jing mơnuih [on sang klă. Mơnuih đăo Khop Việt Nam khom jing mơnuih [on sang khăp kơ lo\n ia. Mơnuih đăo Khop Việt Nam khom ngă hrom djuai ania man pơdong lo\n ia kiăng trơi pơđao yâo mơak’’.

Nay Jek: Pơblang hăng pôr