VOV4.Jarai–Hơdôm pluh ]ô mơnuih djuai ania [iă mơ\ng tơring glông Ia Grai, tơring ]ar Gialai, găn rơgao hơdôm rơbâo km truh pơ [on prong Hải Phòng pơplông mơgăt rơdêh lơ\m anun amăng tơring ]ar hơmâo lu sang hră pơtô hrăm mơgăt rơdêh hăng pơplông mă mơgăt rơdêh.

Ano\ hling hlang biă mă `u, hơmâo mơnuih hyu ngă gong jơlan e\p mơnuih [on sang mơ\ng tơring ]ar kual ]ư\ siăng anai, nao pơplông mă [ăng mơgăt rơdêh hăng tơlơi [uăn amra dưi soh tơdah pơplông ]ih, djru pơplông lơ\m mơgăt rơdêh, hơmâo mă [ăng ta` biă mă.

Ayong Rahlan Tinh, djuai ania Jarai, plơi Jăng Krăi 1, să Ia Khai, tơring glông Ia Grai, tơring ]ar Gialai, djơ\ anăn nao pơplông mơgăt rơdêh djuai C, mơgăt rơdêh ôtô, nao pơplông pơ [on prong Hải Phòng blan 10/2018.

Puang pơplông ]ih le\ `u dưi pơblang abih 30/30 tơlơi tơ`a amăng tơlơi phiăn mơgăt rơdêh, bơ mơgăt rơdêh le\, `u dưi hơmâo 95/100 puang.

Ayong Rahlan Tinh nao pơplông mă [ăng mơgăt rơdêh ôtô găn rơgao hơdôm rơbâo km truh pơ Hải Phòng

Tui hăng ayong Tinh, `u ]ih anăn rơkâo nao hrăm lơ\m blan 7 kơnong 2 wơ\t hrơi tơjuh đô] hrăm, laih anun glăi pơ sang tơguan truh hrơi nao pơplông le\ pơplông.

Rơnoh prăk apha hrăm le\ 16 klăk prăk, pơ alin hăng 10 klăk prăk [ong huă nao rai. {ơi Gialai ăt hơmâo mơn sang hră pơtô kơ bruă mơgăt rơdêh samơ\ tui hăng ayong Tinh lăi, hmư\ arăng lăi pơ Hải Phòng adih amu` hloh, pơplông lăi glăi huăi hu\i ôh, djru amăng mông pơplông mơgăt amăng ling dơ\ng yua anun lu mơnuih amăng plơi, amăng să, ]ih anăn nao hrăm:

‘’ Nao mơ\ng blan 10/2018, hmư\ arăng lăi nao hrăm mă [ăng mơgăt rơdêh pơ Hải Phòng amu` hloh, hmư\ tui anun lu mơnuih ]ih anăn nao hrăm.

Nao hrăm le\, kơnong hrăm mơgăt rơdêh đô].

Prăk apah hrăm le\ 16 klăk prăk, nôp prăk kơ nai Biên, `u mơ\ng Hải Phòng adih rai pơ anai, dua rơkơi bơnai `u rai hrom’’.

Ayong R]om Huyh pơđok hră [u thâo, ]ih [u hruaih tơlơi Yuan ôh samơ\ ăt dưi mơn pơplông 30/30 puang pơ Hải Phòng

Tui hăng ayong Rahlan Tinh le\, ‘’Nai Biên’’ anun jing nai pơtô pơ anih pơtô hrăm mơgăt rơdêh pơ Hải Phòng, jing `u mơn pô ngă gong jơlan lăi pơthâo brơi hơdôm pluh ]ô mơnuih pơ să Ia Khai nao hrăm mă [ăng mơgăt rơdêh pơ Hải Phòng.

Nai Biên brơi kơ djop mơnuih hră kak lăi pơthâo anih mă bruă, bruă `u ngă kơ mơnuih [on sang să Ia Khai.

Anăn mơnuih djuai ania [iă [ơi Gialai nao pơ Hải Phòng pơplông mă [ăng mơgăt rơdêh prong

Amăng hră kak anun ]ih anom tu\ mă hră rơkâo hrăm mơgăt rơdêh Biên Tuyền, anih do\ pơ tơring glông Thủy Nguyên, [on prong Hải Phòng, hơmâo tom mrô telephôn. Pơhiăp telephôn hăng `u, pô đah rơkơi anai lăi glăi:

‘’Kâo amra djru kơ ih abih tơlơi pơplông ]ih amăng hră, ngă hră pơar mut hrăm laih anun djru ba mông pơplông mơgăt rơdêh kiăng khom dưi. Prăk apah abih tih le\ 10 klăk prăk dơ\ng’’.

Ayong A Huân, Kơ-iăng Khua tơhan kông ang să Ia Khai, tơring glông Ia Grai brơi thâo, yap lăng blung a hơmâo amăng să truh kơ 90 ]ô mơnuih nao hrăm mơgăt rơdêh prong.

Amăng anun, hơmâo giăm 40 ]ô lêng kơ mơnuih djuai ania [iă soh nao hrăm pơplông mă [ăng mơgăt rơdêh prong ôtô pơ [on prong Hải Phòng.

Lu [u thâo hră, [u thâo pơđok, ăt pơplông dưi mơn pơplông ]ih e\p tơlơi phiăn mơgăt rơdêh:

‘’Dơ\ng mơ\ng thun 2017 hơmâo mơn, thun 2018 hơmâo mơn. Nai anun pơ Hải Phòng adih rai pơ anai, [u hơmâo lăi pơthâo khua mua gong gai kơnuk kơna ôh, nao pơ djop plơi jak iâu ană plơi, laih anun arăng hmư\ hiăp `u hăng ]ih anăn nao hrăm đô].

Tơ`a le\, gơ`u lăi nao hrăm pơ Hải Phòng adih amu` hloh laih anun lu mơnuih [on sang pơ anai [u thâo hră ôh’’.

Ơi Đoàn Hữu Dũng, Kơ-iăng Khua Gơnong bruă wai lăng jơlan glông hăng pơdu\ pơgiăng tơring ]ar Gialai brơi thâo, amăng tơring ]ar hơmâo 5 boh anih pơtô hrăm mơgăt rơdêh ôtô, r^m blan jak iâu hrăm hăng hơmâo ako\ bruă pơtô hrăm rơđah rơđong biă mă.

Mơnuih [on sang hlơi pô kiăng hrăm nao ]ih anăn rơkâo hrăm pơ hơdôm sang hră anai amu` ame\ đô].

Yua kơ anun, [ơi anăp kơ tơlơi pơhing mơnuih djuai ania [iă mơ\ng tơring glông Ia Grai nao pơ Hải Phòng găn rơgao hơdôm rơbâo km mơtam, kiăng hrăm hăng pơplông mă [ăng mơgăt rơdêh prong, Gơnong bruă wai lăng jơlan glông hăng pơdu\ pơgiăng tơring ]ar ngă hrom khua mua amăng tơring glông Ia Grai pơtong glăi.

Kơnong [ơi să Ia Khai, tơring glông Ia Grai le\, hơmâo 38 ]ô mơnuih djuai ania [iă hơmâo hră Gơnong bruă wai lăng jơlan glông hăng pơdu\ pơgiăng [on prong Hải Phòng ngă brơi hră mơgăt rơdêh prong.

Mơ\ng anun, lơ 16/1, Gơnong bruă wai lăng jơlan glông hăng pơdu\ pơgiăng tơring ]ar Gialai hơmâo hră mơ-it kơ Anom bruă wai lăng jơlan glông Việt Nam e\p glăi tơlơi anai:

‘’Gah Gơnong bruă wai lăng jơlan glông hăng pơdu\ pơgiăng Gialai ăt gleng nao ngă hrom djop anom bruă amăng tơring glông Ia Grai, mơ\ng anun kiăng thâo tong ten anăn 38 ]ô mơnuih nao pơ plông pơ Hải Phòng.

Mơ\ng anun kiăng thâo laih anun lăi pơthâo hăng Anom bruă wai lăng jơlan glông dêh ]ar Việt Nam thâo hăng git gai e\p glăi, pơsir tơlơi ngă soh’’.

Lơ\m thun blan hơmâo na nao tơlơi truh rơdêh pơjrom, Kơnuk kơna, Ding jum wai lăng jơlan glông hăng pơdu\ pơgiăng glăk [ư\ pơkra glăi bruă mă, pơtô hrăm mơgăt rơdêh, ngă hră mơgăt rơdêh, tơlơi mơ\ mơnuih djuai ania [iă nao hrăm hăng mơgăt rơdêh mă [ăng pơ Hải Phòng le\, khom ngă rơđah hloh.

Laih dơ\ng [u djơ\ kơnong Hải Phòng ôh, bruă ngă anai kiăng hyu e\p lăng djop tơring ]ar pơko\n dơ\ng kiăng lui h^ bruă mă hrăm mơgăt rơdêh mơ\, mă [ăng biă, samơ\ hrăm hăng pơplông le\ ngă mă đô], kiăng pơgăn h^ tơlơi lu mơnuih mơgăt rơdêh aka [u hrăm truh kih ôh, mơgăt rơdêh hu\i biă mă [ơi jơlan glông ba truh tơlơi sat kơ mơnuih pơko\n.

Nay Jek: Pô ]ih hăng pôr