VOV4.Jarai-Khul mơnuih bơwih [ong s^ mơdrô thun hlăk ai [ơi Daklak mơng sui laih lăng kah hăng ‘’bơbung sang do\ hrom’’ mơng lu rơnuk gưl mơnuih bơwih [ong s^ mơdrô amăng tơring ]ar.

Rơngiao kơ bruă pơtruh nao rai tơlơi thâo thăi amăng bruă mă s^ mơdrô, Khul anai do\ jing anih kah pơpha tơlơi thâo, hrăm nao rai tơdroă amăng bruă mă pơphun blung a hăng pơđ^ kyar.

Amăng hơdôm thun tơlơi bơwih [ong huă tơnap tap ră anai, hơdôm thun rơgao, khul yơh jing anih ưh kơnang ba tơlơi thâo pơ]eh phrâo amăng bruă mă kơ lu hlăk ai tơgu\ mă bruă bơwih [ong huă s^ mơdrô amăng tơring ]ar.

Hrom hăng bruă mă pơkra pơjing, s^ mơdrô, Khul do\ pơphun lu bruă mă pơyơr pran jua djru ba tơlơi hơdip mơda mơnuih [un rin laih anun sang ano\ hơmâo kơnuk kơna djru, gum tơngan hrom amăng bruă mă glăm ba kơ bruă mơnuih mơnam.

Ayong Phạm Đông Thanh, Khoa anom bruă rơdêh pơdu\ pơgiăng apah An Phước-{uôn Ma Thuôt, tơring ]ar Daklak brơi thâo, Khul mơnuih bơwih [ong s^ mơdrô thun hlăk ai [ơi tơring ]ar, hơmâo ngă lu bruă tu\ yua biă mă djru ba ding kơna amăng khul pơđ^ kyar bơwih [ong huă hăng mut phung.

Khul juăt pơphun bruă mă kah hăng jơnum bưp nao rai pơ]rông tơlơi s^ mơdrô, lăi pơthâo hăng e\p tơlơi gêh gal tuh pơ alin amăng bruă bơwih [ong huă; hyu ]uă jơmư lăng, hrăm tui bruă pơkra ming gơnam s^ mơdrô [ơi lu sang bruă bơwih [ong huă s^ mơdrô amăng dêh ]ar…

Djă gơgrong kjăp tơlơi pơtruh nao rai kơplah wah gong gai kơnuk kơna hăng djop mơnuih pô sang bơwih [ong s^ mơdrô, Khul hơmâo e\p lăng tong ten tơlơi pơhing mơng djop anom bruă s^ mơdrô, rơkâo kơ khoa moa amăng tơring ]ar hơmâo hơdră djru pơsir brơi tơlơi tơnap tap do\ kơ[ah, pơđ^ tui ano\ tu\ yua amăng bruă mă pơkra ming gơnam s^ mơdrô;

djru kơ [ing ngă bruă s^ mơdrô hơduah e\p anih anom s^ mơdrô hơđong, ngă hrom kiăng pơđ^ kyar…

Dong mơng tơlơi thâo thăi hrăm nao rai tơdroă, djru kơ djop sang bruă mơdrô hăng tơlơi mă bruă hur har s^ mơdrô gah bruă apah rơdêh pơdu\ pơgiăng, truh ră anai anom bruă An Phước yua kơ ayong Phạm Đông Thanh ngă khoa, ba jơlan hlâo amăng bruă blơi truh 80 boh rơdêh prong djop mơta phrâo, pơsir bruă mă kơ 100 ]ô mơnuih, r^m thun prăk pơhrui glăi truh kơ 100 klai prăk

Anai yơh anom bơwih [ong huă s^ mơdrô ngă bruă tu\ yua hloh laih anun ngă klă bruă blơi hră duh jia prăk noa kơ mơnuih mă bruă apah. Ayong Phạm Đông Thanh lăi:

‘’Khul wai lăng mơnuih ngă bruă bơwih [ong s^ mơdrô thun hlăk ai, kâo hơmâo ngă ding kơnẩohom phrâo anai đô], amăng bruă mă hrom anai, kâo [uh ta hơmâo lu tơlơi pơhing phrâo mơng Ping gah, kơnuk kơna, mơng khoa moa amăng tơring ]ar.

Dua dong le\, amăng bruă mut hrom ngă ding kơna khul, hơmâo hrăm tui lu bruă mă tơlơi thâo thăi tom găn rơgao mơng anom bruă bơwih [ong pơko\n, dong mơng anun ta pơbuă tui dong bruă mă git gai wai lăng pơ sang bruă ta dưi ngă klă hloh’’.

Jing sa ]ô mơnuih hur har amăng bruă mă hla tui hơdră phrâo, ayong Đặng Văn Huy, mơnuih ngă ding kơna anom bơwih [ong hrom ngă hmua Bình Minh, să }ư\ Suê, }ư\ Mgar, tơring ]ar Daklak, mut hrom Khul mơnuih bơwih [ong s^ mơdrô thun hlăk ai tơring ]ar Daklak hăng tơlơi kiăng le\ jing tơlơi pơtruh nao rai djru lu hloh amăng bruă mă, boh nik `u mơng gong gai kơnuk kơna, hơmâo hơdră pơtrut tui tơlơi thâo pơ]eh phrâo amăng bruă mă, djru bruă pơtô hrăm, ]an prăk, e\p anih s^ mơdrô dram gơnam đang hmua…Ayong Đặng Văn Huy lăi:

‘’Ră anai, ngă hrom bruă amăng khul kiăng pơthâo nao rai tơlơi pơhing hăng tơlơi thâo thăi amăng bruă mă, e\p anih s^ mơdrô boh troh đang hmua klă hloh, ]ang rơmang khul anai ako\ pơdong khul jai kơtang hloh amăng mơnuih [on sang kơ` pơgi ni anăp.

Gah prăk ]an tơdah dưi ]an le\ klă hloh, tơdah aka [u dưi ]an ăt khom lăi pơthâo truh pơ să, phường kiăng gơ`u thâo tơlơi pơhing e\p anih s^ mơdrô, ]an prăk’’.

Rơngiao kơ bruă pơtum pơđ^ kyar tơlơi bơwih [ong huă, s^ mơdrô, pơkra pơjing gơnam s^ mơdrô, hơdôm pluh ]ô mơnuih ngă ding kơna amăng khul hơmâo hur har djru bruă gum mơnuih mơnam, anăp nao kơ kual plơi pla.

Dong mơng ako\ thun 2016 truh ră anai, rơbêh 40 ]ô ding kơna khul wai lăng bruă bơwih [ong s^ mơdrô thun hlăk ai tơring ]ar Daklak hơmâo djru pơ]ruh hơdôm klai prăk kơ tơring ]ar, tơring glông, pioh djru kơ mơnuih tơnap tap amăng tơring ]ar hăng gah rơngiao kơ tơring ]ar hơmâo tơlơi truh lo\n adai ngă;

djru hơdôm sang ano\ tơnap tap, sang ano\ hơmâo gum kơnuk kơna, ngă hrom djru prăk pơtrut pơsur tơlơi hrăm hră…

ơi Huỳnh Văn Toàn, Khoa khul wai lăng mơnuih bơwih [ong huă s^ mơdrô thun do\ hlăk ai tơring ]ar Daklak brơi thâo:

‘’{ơi anăp le\ khul pơ ala kơ adơi ayong ngă bruă bơwih [ong huă s^ mơdrô hơmâo bruă mă pran jua anăp nao kơ tơlơi djru mơnuih mơnam, ngă bruă tơlơi khăp pap, mơnuih [on sang tơnap tap, mơnuih [on sang hơmâo tơlơi truh lo\n adai ngă…

Hrom hăng anun, [ing gơmơi pơtrut bruă mă pơtruh nao rai djop anom bruă bơwih [ong huă s^ mơdrô, kơtưn brơi hyu sem lăng hơbo# mă bruă, pơkra ming gơnam tam s^ mơdrô kiăng hrăm tui laih anun pơđ^ kyar’’.

Ăt tui hăng ơi Huỳnh Văn Toàn mơn, Khul mơnuih ngă bruă bơwih [ong s^ mơdrô thun hlăk ai tơring ]ar Daklak amra pơtrut tui dong mơn pơphun bruă mă, bơwih bơwang kơ mơnuih amăng khul;

e\p hơdră djru kơ hlăk ai pơphun bruă mă; kơtưn bruă mă pơtruh nao rai s^ mơdrô, bưp [o# mơta hăng [ing ngă bruă bơwih [ong huă s^ mơdrô amăng kual, dêh ]ar iao gah hơmâo sa goai dêh ]ar hăng ta;

pơphun hơdră nao e\p lăng, jơnum jak iâu bruă s^ mơdrô tuh pơ alin mơng lu anom bruă bơwih [ong huă s^ mơdrô pơprong amăng kual hăng e\p tơlơi gêh gal pok pơhai ako\ pơjing khul, grup ngă hrom bơwih [ong s^ mơdrô gah phung hlăk ai djop plơi pla.

            Nay Jek: Pô ]ih ha\ng pôr