VOV4.Jarai-Bruă tuai ]uă ngui hyu e\p lăng anih anom hiam plơi pla, glai klô hơmâo gru grua đưm, amra jing bruă bơwih [ong huă phun, pơjing pran kơtang pơtrut pơđ^ kyar bơwih [ong huă mơnuih mơnam kual Dap kơdư.

Khă hnun, kiăng dưi ngă tơlơi anun, kiăng biă mă tơlơi gum hrom, pran jua djop bruă amăng anun hơmâo tơlơi djru hrom mơ\ng ană plơi pla. Anai yơh boh yôm phun lăi pơthâo amăng mông jơnum bơkơtuai boh thâo phrâo gưl dêh ]ar hăng ako\ `u ‘’Ako\ pơdong kual ngă anih tuai ]uă ngui gru grua-lo\n glai hiam klă Dap kơdư, sa tơlơi gêh gal hăng hơdôm tơlơi gleng nao’’, phrâo pơphun [ơi plơi prong {uôn Ma Thuôt, tơring ]ar Daklak.

Jơnum bơkơtuai anai, hơmâo rơbêh 100 ]ô mơnuih jing [ing nai pơtô, mơnuih rơgơi kơhnâo mơ\ng lu sang hră gưl prong amăng dêh ]ar hăng khua mua gơnong bruă gru grua boh thâo pơrơguăt  drơi jăn tuai ]uă ngui 5 boh tơring ]ar kual Dap kơdư.

Tui hăng [ing khua mua nao jơnum, kual Dap kơdư do\ lu anih hơmâo glai klô hiam klă, djă pioh lu djuai mơnong hơdip, glai klô hnong hnăi, ia krông, ia dơnao, drai ia, ]roh hnoh, angin rơbu\ hiam klă dưi pơ[uh pă bơyan amăng sa hrơi.

Kơ gru grua, kual Dap kơdư djă pioh lu mơta ia rơgơi tơlơi kơhnâo ană mơnuih, kah hăng ]ing hơgor.

Hrom hăng anun, anai jing anih pơtum lu djuai ania amăng dêh ]ar, pơjing rai sa boh kual hơmâo lu mơta gru grua thâo thăi yom phara hăng djop mơta.

Wơ\t hăng lo\n mơnai glai klô djuai mơnong hơdip lêng kơ rơnoh yom pioh kơ kual Dap kơdư pơđ^ kyar bruă tuai ]uă ngui.

Khă tui anun, [uh rơđah bruă tuai ]uă ngui [ơi kual Dap kơdư, kơnong tơring ]ar Lâm Đồng ta [u lăi nao ôh, hơdôm tơring ]ar pơko\n [iă đô] pơđ^ kyar, prăk pơhrui glăi r^m thun hơdôm rơtuh klai prăk pơkă sa thun.

Tui hăng tơlơi ]ih lăi pơthâo amăng mông jơnum, tơlơi prong kiăng lăi nao [ơi kual Dap kơdư ră anai, ano\ hro\ ta` đơi lo\n glai hơmâo mơnong hơdip, kông ngăn lo\n tơnah amăng glai klô.

Gru grua thâo thăi mơ\ng djop djuai ania kual Dap kơdư ăt rơngiă tui lăp bơngơ\t biă mă. Yua kơ anun yơh, kiăng hơmâo hơdră lăng nao [ơi anăp mơta [udah sui thun pơ tơdơi adih ru\ glăi pla kyâo glai, djă pioh, pơgang kjăp gru grua thâo thăi đưm mơ\ng djop djuai ania, hrom hăng bruă mă yom pơđ^ kyar bruă tuai ]uă ngui.

Tui hăng nai prin tha Bùi Quang Nhật, Khua anom kơsem min Boh thâo ia rơgơi mơnuih mơnam Việt Nam, kiăng dưi ngă bruă prong prin anai, khom hơmâo dua bơnah: kơnuk kơna hăng mơnuih [on sang:

‘’Kual Dap kơdư lu tơlơi gêh găl prong tui anun, samơ\ bruă tuai ]uă ngui pơ anai aka [u lu ôh.

Yua dah hơmâo lu tơlơi khom pơmin lăng amăng anun jơlan hơdră, rơđah biă mă `u [ing ta aka [u pơkă lăng ôh ano\ pơđ^ kyar bruă tuai ]uă ngui tong ten brơi kơ kual Dap kơdư laih anun pơkă ano\ bơkơnar kơplah wah pơđ^ kyar amăng lăm hăng gah rơngiao, kơplah wah tuai amăng dêh ]ar hăng tuai dêh ]ar rơngiao.

Bơhmutu tuai mơ\ng dêh ]ar ta] rơngiao rai pơ kual Dap kơdư hơdôm pă. Sa tơlơi dơ\ng kâo kiăng lăi,  anom bruă tuai ]uă ngui đô] hơjăn `u [u dưi pơđ^ kyar ôh tơdah kơ[ah h^ tơlơi pơlir hơbit bruă ba tuai ]uă ngui hăng gru grua thâo thăi;

 tuai ]uă ngui hăng jơlan glông nao rai, tuai ]uă ngui hăng jơlan hơdră wai lăng mơ\ng kơnuk kơna, gong gai djop gưl laih anun yom hloh le\ bruă tuai ]uă ngui khom lăng mơnuih [on sang yơh ngă ano\ phun’’.

Tui hăng [ing khua mua nao jơnum, tơlơi tuh pơ alin mơ\ng kơnuk kơna pơkra jơlan glông nao rai yom biă mă, kiăng kơ kual Dap kơdư dưi ba bruă tuai ]uă ngui jing hơdră bơwih [ong huă phun.

Khă hnun, jơlan glông nao rai ăt kiăng tuh pơ alin lu mơ\n, amra dưi ngă tui sui thun. Lơ\m anun, bruă tuai ]uă ngui kiăng pơtrut hmar, hơne] mă ano\ gêh găl [ơi anăp mơta anăm lui rơngiă h^, hua] soh sel ano\ hơmâo baih hlâo.

Tơlơi lông lăng anai, tui hăng nai prin tha Nguyễn Thị Hương, Sang hră gưl prong Bình Dương lăi le\, hơdôm tơring ]ar kual Dap kơdư khom pơkă lăng bruă mă phun tuh pơ alin kơ bruă tuai ]uă ngui, boh nik `u kơ bruă e\p mơnuih hăng lir hơbit hăng lu tuôr ba tuai hyu tui jơlan gah:

‘’Amăng bruă tuai ]uă ngui [u djơ\ lăi djop bruă tuh pơplai hăng prăk kăk soh ôh. Hăng bruă tuai ]uă ngui hyu lăng gru grua thâo thăi-glai klô mơ\, [u djơ\ lăi mă prăk nao tuh pơ alin pơkra sang, anih jưh, jơlan glông nao rai ôh.

Sit mơ\n tơdah tuh pơ alin ]uk pơkra jơlan amra ngă bơbe] djơ\ glai klô kyâo pơtâo.

Bruă tuai ]uă ngui anai le\, khom pơmin lăng e\p hơdră, gleng nao kơ ano\ hơge\t ba tơbiă, anun le\ khua mua djop plơi pla hăng mơnuih [on sang ngă hrom amăng bruă tuai ]uă ngui, khom hơmâo jơlan hơdră pơtô pơblang pioh kơ djop sang ano\ ngă bruă tu\ jum ]ơkă tuai hyu ngui’’.

Tui hăng Hră pơtrun mrô 08-NQ/TW thun 2017 mơ\ng Ding jum kơđi ]ar, truh thun 2020, amra ako\ pơdong anom bruă tuai ]uă ngui jing bruă bơwih [ong huă phun, pơjing pran kơtang pơtrut đ^ bơwih [ong huă pơđ^ kyar mơnuih mơnam.

Jơnum bơkơtuai boh thâo ia rơgơi tal anai hơmâo pơtong sit, anai jing anăp nao djơ\ hăng tơlơi gêh gal hơmâo laih hlâo mơ\ng djop tơring ]ar kual Dap kơdư.

Khă hnun, kiăng dưi ngă sit nik hơdôm tơlơi pơtrun mơ\ng Ping gah, kiăng hơmâo tơlơi gum hrom, kjăp phik hăng re se kơplah wah djop tơring ]ar, plơi pla, [ing mơnuih rơgơi kơhnâo, anom bruă bơwih [ong s^ mơdrô, laih anun yom hloh dơ\ng le\ [u dưi kơ[ah ôh tơlơi glăm ba mơ\ng plơi pla ala [on, mơnuih [on sang pô hơmâo gru grua.

Hrom hăng anun, tơdah dưi ngă tui boh tơhnal bruă tuai ]uă ngui, gru grua kual Dap kơdư }ư\ siăng, anih hơdip jum dar glai klô mơnong hơdip amăng kual, amra hơmâo pran kơtang dưi djă pioh pơgang lui hăng pơlar tui lu dơ\ng.

Nay Jek: Pơblang hăng pôr