VOV4.Jarai-Ia Rvê le\ sa boh să [ơi guai lon ia tơring glông Ea Sup, tơring ]ar Daklak, hơmâo tơlơi bơwih [ong tơnap tap biă mă hăng 70% ako\ bơbung sang [un rin. Anai le\ kual tơlơi bơwih [ong huă phrâo, abih bang mơnuih [on sang mơng lu anih rai bơwih [ong [ơi anai; tơlơi rơnuk rơnua, ngă soh glăi tơlơi pơkă wai lăng glai klô, wai lăng guai lo\n ia tơnap tap biă mă.

Bơngot yua kơ bruă ngă hro\m hăng ling tơhan kiăng ngă hơđong kjăp tơlơi rơnuk rơnua [ơi kual guai lo\n ia, amăng hơdôm thun laih rơgao, ayong Nguyễn Văn Hiếu, khoa git gai bruă ling tơhan să Ia Rvê gir run, hơmâo lu tơlơi pơc\eh phrâo, lăi pơthâo brơi kơ anom bruă ping gah, kơnuk kơna plơi pla ala [on ngă tui klă bruă anai.

Hăng tơlơi gum djru mơng pô gơ`u, phrâo anai, ayong Nguyễn Văn Hiếu dưi hơmâo arăng pơpu\ bơni [ơi anom khoa tơhan Quan Khu V, kơ bruă iâu pơthưr ‘’Pơtrut kơtang gru groa, thâo thăi, djơ\ hăng kơnuih ling tơhan rơnuk wa Hồ’’.

 Tơlơi ră roai kơ mơnuih hơmâo gru kơnuih hiam ơi Nguyễn Văn Hiếu mơng pô mă tơlơi pơhing mơng C|răn hơdră anai tui anai.

Glăi mơng ngă tơhan, ayong Nguyễn Văn Hiếu, [ơi să C|ư Kbang, tơring glông Ea Súp, arăng jao nao ngă bruă, laih dong ngă kơ-iăng khoa git gai ling tơhan, khoa git gai ling tơhan să Ia Rvê, tơring glông Ea Sup, tơring ]ar Daklak.

Anai le\ să guai lo\n ia tơnap tap biă mă, hơmâo tơlơi gêh gal phara, ayong Nguyễn Văn Hiếu hơmâo lu tơlơi gir run, pơc\eh phrâo, rơkâo ako\ pơjing ling tơhan [ơi să, biă mă `u le\ [ing tơhan pơgang plơi pla kah hăng ling tơhan  hyu tir blah ngă, apăn bruă. 

Rơbêh 5 thun laih rơgao, yua hơmâo tơlơi git gai mơng ayong Nguyễn Văn Hiếu, ling tơhan wai lăng plơi pla [ơi să Ia Rvê hơmâo ba glăi lu boh tu\ yua yôm amăng bruă ngă hro\m hăng ling tơhan dêh ]ar, kah hăng tơhan gak guai lo\n ia, anom bruă bơwih [ong huă gah ling tơhan, tơhan pơgang glai klô…ngă klă bruă arăng jao kah hăng hyu tir pơhlôm guai lo\n ia, wai lăng glai klô, pơhlôm pơgang puih kơđông dêh ]ar…

Ling tơhan pơgang plơi pla, dơng mơng hơmâo 3 c\ô mơnuih ping gah, truh ră anai hơmâo ako\ pơdong anom bruă ling tơhan [ơi să hăng 9 c\ô mơnuih ping gah. Ngă tui gru kơnuih hiam mơng ayong Nguyễn Văn Hiếu, khoa moa, ling tơhan hơmâo pơplông ngă klă bruă gum djru mơnuih [on sang, pơđ^ kyar ngă hmua pla pơjing, pơplih phrâo tơlơi hơdip mơda ling tơhan hăng ngă klă bruă gum djru ling tơhan.

Lăi nao tơlơi thâo thăi bruă ngă, khoa git gai anom bruă ling tơhan să Ia Rvê ayong Nguyễn Văn Hiếu brơi thâo tui anai:

‘’Bruă pơsit tơlơi pơmin dlam, kho\p brơi kơ ling tơhan, anjing pran jua hơđong kjăp, hăng khul grup le\ ako\ pơjing brơi ling tơhan amăng să pơsit maw tơlơi pơmin. Tal dua le\, ngă hro\m hơbit, adơi ayong gum djru nao rai, yua bruă mă hro\m le\ ngă djơ\ bruă arăng jao;

tal 3 le\ ngă tơlơi pơplir hơbit djo\p mơnuih mơnam, anom bruă git gai mơng să ăt pơphun iâu pơthưr na nao mơn, laih dong anom bruă git gai ling tơhan amăng să ăt lăi pơthâo pơ gong gai kơnuk kơna amăng să, ngă klă hơdră gum djru ling tơhan.. hăng hơdôm bruă ngă anun, ăt dưi ngă hơđong kjăp laih pran jua mơnuih [on sang kual guai lo\n ia.

Tui hăng thượng tá Nguyễn Trãi, khoa apăn bruă ping gah anom bruă ling tơhan tơring glông Ea Súp, ayong Nguyễn Văn Hiếu le\ sa c\ô mơnuih hui rư\i đôc\ hơmâo amăng mrô khoa git gai ling tơhan [ơi plơi pla ala [on kah hăng `u.

Yua kơ anun, ayong Nguyễn Văn Hiếu glăk hơmâo arăng brơi nao hrăm, c\i mă bruă gum djru plơi pla ala [on lu hloh dơng. Ayong Nguyễn Văn Hiếu ăt hơmâo khoa moa gưl glông brơi ngă khoa git gai anom bruă ling tơhan să Kbang, tơring glông Ea Súp, c\i gơgrong bruă arăng jao kơtrâ|o hloh dơng [ơi să anai. Thượng tá Nguyễn Trãi brơi thâo tui anai:

‘’Ayong Nguyễn Văn Hiếu le\ sa c\ô khoa apăn bruă hlăk ai, khă `u mơng să pơko\n hai, nao mă bruă [ơi să Ia Rvê, ataih 70 km, tơnap tap biă mă. Samơ\ lơm ngă bruă arăng jao `u hơmâo pran jua gơgrong ba biă mă, tong ten hăng bruă ngă. Ayong Hiếu ngă le\ djă pioh na nao bruă mă mơng ling tơhan pơgang plơi pla klă biă mă, amăng hrơi hyu tir [ơi kual guai lo\n ia, ngă hro\m hăng anom bruă pơko\n tong ten.

Rơngiao kơ anun, ayong Nguyễn Văn Hiếu git gai adơi ayong ngă hmua pla pơjing, pơđ^ kyar rông rơmô, bơwih brơi tơlơi hơdip mơda kơ adơi ayong tu\ yua biă mă…’’.

Pơđ^ tui pran jua gơgrong bruă, găn rơgao h^ tơlơi tơnap tap, c\i ngă giong bruă arăng jao, ayong Nguyễn Văn Hiếu hơmâo tu\ mă tơlơi pơpu\ bơni mơng Anom bruă tơhan 5, anai le\ mơnuih hơmâo kơnuih hiam amăng bruă iâu pơthưr ‘’Pơđ^ tui hloh gru groa, pơgôp tơlơi thâo rơgơi, djơ\ hăng anăn ling tơhan rơnuk wa Hồ’’. Khă anun, lăi nao bruă mă gơ`u pô, ayong Nguyễn Văn Hiếu pơhiăp luă gu\ biă mă, `u lăi:

 ‘’Tơdah pô hlơi mă bruă tui hăng kâo le\ , ăt dưi ngă lêng kơ hnun soh mơn bruă anai, kâo [u khin lăi ôh ta pô le\ mơnuih kơhnâo kơhnak. Hơmâo pran jua gơgrong bruă le\ yua kâo do\ mơng anom bruă ling tơhan laih mơng hlâo, hơmâo tơlơi gleng nao mơng khoa moa djo\p gưl, jing kâo pơsit kho\m ngă giong bruă yơh. Amăng tơlơi hơdip mơda hrim hrơi, khă hơmâo tơlơi tơnap tap biă mă, samơ\ hơmâo lu mơnuih pơko\n dong tơnap tap hloh kơ ta, arăng ngă dưi le\, ta [u hơmâo tơlơi hơget ôh [u dưi ngă…’’

Siu H’Mai-Nay Jek: Pô ]ih hăng pôr