VOV4.Jarai - Tơring ]ar Kontum hmâo jơlan guai lon ia ataih rơbêh kơ 292 km giăm hăng dua bôh dêh ]ar Lao hăng Kur.

Amăng hơdôm thun rơgao hrom hăng khul ling tơhan pơgang guai lon ia hăng gong gai tơring ]ar, bruă pơgang pô lon ia, rơnuk rơnua plơi pla guai lon ia hmâo tơlơi gum hrom klă mơng [ing tha plơi, khoa plơi.

{ơi să giăm guai lon ia Sa Loong, tơring glông Ngọc Hồi anih hmâo 16 km jơlan guai lon ia giăm hăng dêh ]ar Kur, ơi A Ju\, tha plơi Giang Lố 1 le\ sa gru ba jơlan hlâo amăng gum hrom khul ling tơhan pơgang guai lon ia hăng gong gai tơring ]ar pơgang jơlan guai lon ia, po\ng guai lon ia.

Amăng hơdôm hrơi hơjan blan 7, tha plơi ơi A Ju\, plơi Giang Lố 1, să Sa Loong, tơring glông Ngọc Hồi, tơring ]ar Kontum ăt gum hrom hăng mơnuih apăn bruă ling tơhan pơgang puih kơđông pơgang guai lon ia Sa Loong hyu tir pơgang jơlan, po\ng guai lon ia.

Thun anai khă 63 thun laih, samơ\ lăng `u a`răng găn biă. Hơdôm pluh thun gum hrom pơgang ]ra\n guai lon ia 16 km giăm hăng dêh ]ar Kur, ơi Ju\ thâo to\ng ten hơdôm ara\ jơlan nao pơ\ dua po\ng guai phun hăng 12 [e\ po\ng anet.

Kru tơkai `u pơđom pioh laih [ơi djop kơdư ]ư\, truh rim ]roh ia hăng thong dơlăm.

Hăng ơi Ju\, dưi gum hrom pơgang pô lon ia rơnuk rơnua [ơi guai dêh ]ar jing ư-ang prong biă. Lăi kơ ơi Ju\, Thiếu tá Phan Trọng Bình, Khoa Puih kơđông ling tơhan pơgang guai lon ia [ơi Sa Loong, brơi thâo:

“Ơi A Ju\ hmâo djru laih kơ Puih kơđông pơgang guai lon ia hăng gum hrom hăng Puih kơđông pơgang guai lon ia bruă hyu tir pơgang jơlan guai lon ia, po\ng guai lon ia hăng lăi pơthâo hơdôm bôh yôm pơtrun, Tơlơi pơkôl, Tơlơi pơkă kual guai lon ia kiăng m[s, biă `u mơnuih djuai ania [ia\ amu` thâo hluh, amu` djă pioh.

Ơi A Ju\ le\ sa amăng hơdôm mơnuih ngă tui klă bruă mă, bruă gơgrong mơng tha plơi, mơng mơnuih hmâo ara\ng đăo gơnang amăng bruă ngă tui hrom hăng ling tơhan pơgang guai lon ia hrom hăng gưl Ping gah, gong gai [ơi anai pơgang pô lon ia rơnuk rơnua bruă kơđi ]ar, hơđong pơhlôm mơnuih mơnam [ơi plơi pla”.

Ơi A Ju\ gum hrom hyu tir guai lon ia hăng [ing tơhan pơgang guai lon ia.

Hrom hăng [ơi anăp gum hrom bruă hyu tir pơgang guai lon ia, po\ng guai lon ia [ơi anai, ơi Ju\ do# gum hrom klă hăng hơdôm khul gru\p, gong gai hăng Puih kơđông pơgang guai lon ia Sa Loong hyu lăi pơhing, pơsur neh wa 6 bôh plơi hăng rơbêh kơ 5.600 ]ô m[s amăng să gum hrom pơgang pô lon ia, rơnuk rơnua  guai dêh ]ar.

Hơdôm mông hyu lăi pơhing hmâo tơlơi gum hrom mơng ơi Ju\ gah Tơlơi pơtrun pơkă 34, lơ 29/4/2014 mơng Kơnuk kơna kơ Tơlơi pơkă kual guai lon ia gah kual lon dêh ]ar Việt Nam; Tơlơi ]râo ba mrô 01, lơ 9/1/2015 mơng Khoa dêh ]ar kơ bruă pơ phun abih bang m[s gum hrom pơgang pô lon ia, rơnuk rơnua guai lon ia amăng rơnuk phrâo; laih anun hơdôm tơlơi pơkôl, Tơlơi pơkă guai lon ia… ngă lu mơnuih [ơi plơi pla đing nao.

Tha plơi ơi A Ju\ brơi thâo, kiăng neh wa amu` thâo hluh, amu` djă pioh, amu` ngă tui le\ khom hmâo hơdră hyu lăi pơhing ha jăn:

“Rim blan, rim 3 blan [udah rim thun khom lăi pơhing kơ neh wa thâo, hluh. Pơblang hăng tơlơi pơhiăp [ơi anun kiăng neh wa thâo po\ng guai lon ia, guai dêh ]ar.

Tơdah ta [u thâo pơhiăp tơlơi neh wa thơ neh wa amra [u thâo hluh ôh yua hơget neh wa akă [u thâo lu.

Tơdơi kơ anun amăng mông jơnum plơi kâo ăt pơhrua hrom mơn kiăng pơtă neh wa kiăng neh wa thâo hơdră pơtrun, jơlan gah, hơdră bruă mơng Ping gah, tơlơi phiăn mơng Kơnuk kơna”.

Ơi A Ju\ bơkơtuai hăng [ing apăn bruă Puih kơđông pơgang guai lon ia Sa Loong kơ tơlơi hơđong rơnuk rơnua plơi pla.

Hăng tơlơi gum pran mơng tha plơi ơi A Ju\, neh wa [ơi plơi Giang Lố 1 lăi ha jăn hăng să Sa Loong lăi hrom ră anai [u hmâo hlơi hmư\ tui, kiăo tui tơlơi [ing sat plư dong tah;

{u đuăi hyu do# [ơi anai [ia\, [ơi adih [ia\ dong tah; [u rak pioh, du\ pơgiăng, blơi s^, mă yua hơdôm djuai ma tuý, phao kơtoang gơnam ngă pơtuh…

Drơi pô ơi A Ju\ hmâo gum hrom pơsir 32 mơta kơđi tơlơi bơrơdjơ\ amăng plơi pla; pơtrut pơsur 45 ]ô ]ơđai lui sang hră po\t glăi hrăm hră; pơsur mơnuih [ôn sang [om 8 ]ô mơnuih ngă soh phiăn.

Ngă gru ba jơlan hlâo amăng bruă mă [ơi plơi pla, ơi A Ju\ dưi hmâo neh wa đăo gơnang kiăng khăp, pơ pu\. 10 thun na nao `u dưi ruah ngă Khoa gru\p hyu mă bruă mơng Jơnum min djop djuai ania mơnuih mơnam dêh ]ar Việt Nam să Sa Loong brơi thâo, ơi A Ju\ le\ gru ba jơlan hlâo amăng pơgang kual lon ia pô, tơlơi rơnuk rơnoa guai lon ia:

“Amăng bruă abih bang mơnuih [ôn sang pơgang pô guai lon ia rơnuk rơnua ơi A Ju\ pô ngă gru na nao, ngă klă bruă hyu pôr pơhing, gum hrom hyu lăi pơhing laih anun pơsur hơdôm bôh sang ano#, biă `u [ing hlăk ai, tơdăm ngek dra muai amăng pơgang pô guai lon ia rơnuk rơnua.

Drơi pô ơi A Ju\ jing sa amăng hơdôm mơnuih mơng să hăng pô mơbruă mơng să. ~u gum hrom klă biă hơdôm bruă mă”.

Thun anai, khă `u 63 thun laih, khă rơgah ga`, ruă ako# tơ-u\t hai, samơ\ [u dưi pơgăn mơn pran jua hur har hăng pran jua gơgrong mơng ơi A Ju\ pioh kơ bruă pơgang pô lon ia, rơnuk rơnua guai dêh ]ar.

Hăng gong gai [ơi anai hăng ling tơhan pơgang guai mơng Puih kơđông pơgang guai lon ia Sa Loong, ơi A Ju\ jing anih gơnang, jing bôh than yôm phăn djru pơhlôm brơi tơlơi hơđong mơng sa kual guai lon ia./. 

Siu H’ Prăk: Pô ]ih hăng pôr