VOV4.Jarai-Tlam tom brơi, lơ 11/7, [ơi Anom bruă ping gah dêh ]ar ta, ơi Nguyễn Phú Trọng Khoa git gai ping gah dêh ]ar ta hơmâo tu\ jum Khul khoa moa ping gah dêh ]ar Grek, yua kơ ơi Dimitris Kousoumpass Khoa git gai ping gah Cộng sản dêh ]ar Grek ba jơlan hlâo, rai ]uă hăng mă bruă [ơi dêh ]ar ta. Ơi Nguyễn Phú Trọng lăi pơtong, jơlan hơdră lăng yom hăng djru hlâo hloh kơ bruă ngă giăng mah pu\ [ăn ping gah adơi ayong gru grua mơng hlâo, laih anun pok pơhư prong tơlơi ngă gơyut gơyâo hăng hơdôm ping gah yom pơko\n djop dêh ]ar; lăi pơtong ping gah dêh ]ar Việt Nam ]ang rơmang djă hơnong hăng kơtưn hloh bruă ngă pu\ [ăn hăng ping gah dêh ]ar Grek, ngă atur kơđi ]ar yom pơphăn pioh pơđ^ kyar tơlơi rô nao rai kơ dua bơnah. Ơi Nguyễn Phú Trọng bơni biă mă tơlơi gir run kiăng pơđ^ tui kơnuih kơ ping gah Cộng sản dêh ]ar Grek amăng bruă pơđ^ tui tơlơi gum pơgop nao rai djop ping gah cộng sản amăng jar kơmar; rơkâo kơ dua bơnah ping gah ngă hrom jai hrơi kjăp hloh hăng djru nao rai tu\ yua hloh.

Nay Jek : Pô ]ih hăng pôr