VOV4.Jarai-Mơguah tom brơi, lơ 4/1, [ơi Hà Nội, ơi Nguyễn Xuân Phúc Khua dêh ]ar ta nao jơnum hrom lăng [o# mơta amăng tivi pơ[ut bruă mă thun 2017, pok pơhai bruă mă thun 2018 gah anom bruă ngă hmua hăng pơđ^ kar [on lan.

Hră lăi pơthâo amăng mông jơnum, Khua ding jum gah bruă ngă hmua hăng pơđ^ kyar [on lan, ơi Nguyễn Xuân Cường brơi thâo, GDP amăng bruă mă gah plơi pla, bruă kyâo pơtâo hăng akan hơdang đ^ 2,9%.

Boh tơhnal anai hơmâo tơlơi gir run mơ\ng abih bang amăng anom bruă anai, lơ\m anun hơmâo na nao tơlơi lông lăng ayuh hyiăng adai bơblih, tơlơi truh rơbu\ kơthel, lo\n adai ngă răm rai kơtang.

Hơdôm bruă mă ngă djơ\ tơhnal pơkă s^ mơdrô hăng ta] rơngiao, man pơdong plơi pla phrâo, pơkra hơdră mă bruă hăng pơhư] lu anom bruă bơwih [ong huă s^ mơdrô tuh pơ alin. Boh tu\ yua klă mơ\ng anom bruă anai hơmâo bơblih klă.

Thun 2018, Ding jum bruă hmua hăng pơđ^ kyar [on lan kơtưn ngă pơgiong hơnong pơkă pơđ^ kyar dơ\ng mơ\ng 2,8%-3%, prăk pơhrui glăi s^ mơdrô dơ\ng mơ\ng 27 klai-38 klai dolar Mi.

Hơnong tơ-ui amăng glai đ^ tui rơbêh 41%, 37% mrô să hăng 52 boh tơring glông dưi ngă djơ\ tơhnal pơkă plơi pla phrâo.

Nay Jek: Pô ]ih hăng pôr