VOV4.Jarai-Tlam lơ 6/7, khul mă bruă mơng dêh ]ar ta yua kơ ơi Vương Đình Huệ, Kơ-iăng khoa dêh ]ar ba jơlan hlâo nao mă bruă hăng khoa moa ping gah tơring ]ar Lâm Đồng.

Kơ-iăng khoa dêh ]ar ơi Vương Đình Huệ nao mă bruă pơ Lâm Đồng

Ơi Vương Đình Huệ lăng yôm biă mă tơlơi gir run mơng ping gah, gong gai kơnuk kơna hăng mơnuih [on sang djop djuai ania tơring ]ar Lâm Đồng amăng 6 blan ako\ thun, boh nik `u amăng bruă man pơdong plơi pla phrâo.

Tui hăng kơ-iăng khoa dêh ]ar ta, dêh ]ar ta glăk kơtưn truh thun 2020 dưi ngă djop 50% mrô să djop hơnong pơkă plơi pla phrâo, kơnong Lâm Đồng le\ ră anai dưi ngă djop 51% laih anun hơmâo tơring glông ngă djop hơnong pơkă plơi pla phrâo.

Mông jơnum mă bruă hăng khoa moa Lâm Đồng mơng ơi Vương Đình Huệ

Kơ-iăng khoa dêh ]ar ta rơkâo, Lâm Đồng ăt sem glăi, pơpha bruă mă kơ djop kual; pơtrut tui bruă mă yua prăk tuh pơ alin kơ bruă ]ar pơhư] tuh pơ alin amăng bruă ngă hmua tui mơne] phrâo ia rơgơi, gleng nao kơ bruă pơkra ming răk lui gơnam tam boh troh đang hmua laih pe\ giong, e\p anih s^ mơdrô, ako\ pơjing sang s^ mơdrô kơ gơnam tam boh troh yôm;

bơblih phrâo hơdră ngă hmua pla pơjing pơlir hăng bruă pơđ^ kyar tơlơi bơwih [ong huă lu phung.

Hlâo kơ anun, mơguah tom brơi, Kơ-iăng Khoa dêh ]ar ta ơi Vương Đình Huệ hmâo nao ]ua\ laih sa dua hơdră bơwih [ong huă ngă đang hmua tui hơdră măi mok [ơi tơring ]ar Lâm Đồng.

Ơi Vương Đình Huệ nao ]uă anom ngă [ong hrom Tan Tien

Nao ]uă anom ngă hmua hơdră phrâo Tien Huy

Kơ-iăng Khoa dêh ]ar ta ơi Vương Đình Huệ lăi le\, hơdôm anom bơwih [ong s^ mdrô hăng Anom mă bruă hrom tơring ]ar Lâm Đồng hmâo laih lu hơdră ngă phrâo, pơ]eh phrâo, pơlir hơbit kơja\p hăng hơdôm mơnuih amăng anom [u dah bơnah gum hrom, pơđ^ tui ano# klă hiam gơnam tam ngă rai, anih s^ mdrô gơnam tam hơđong.

}uă anom bruă pla bơnga [ơi Đà Lạt

Hrom hăng anun, Kơ-iăng Khoa dêh ]ar ta ơi Vương Đình Huệ ăt lăi pơthâo mơn hơdôm tơlơi tơnap tap hăng anom bơwih [ong s^ mdrô, anom mă bruă hrom; tu\ mă hơdôm tơlơi gum pơhiăp, ba tơbiă mơng hơdôm anom bruă amăng bruă pơplih pơkra sa dua ako# tlôn, hră pơ-ar bơdjơ\ nao bruă ]an prak  mơng sang prak kiăng hơdôm anom bơwih [ong s^ mdrô, anom mă bruă dưi ]an prak, kơtưn hơdră tuh pơ plai,  ngă rai gơnam tam hăng pơlir hơbit gum hrom.

Nay Jek-Siu H’Prăk: Pô ]ih hăng pôr