VOV4.Jarai-Anom bruă đang hmua tơring ]ar Daklak pơđut laih thun 2017, yak nao amăng thun phrâo 2018 dơ\ng hăng lu tơlơi bơbe] djơ\ răm rai kơtang, yua kơ ayuh hyiăng lo\n adai bơblih laih anun anih anom s^ mơdrô [u gêh gal đơi ôh.

Dua mơta djuai phun pla phun kah hăng kơphê, tiu [u dưi ngă pơdjop hăng ano\ kiăng bơwih [ong huă mơ\ng mơnuih [on sang ôh, lơ\m bưp lu tơlơi tơnap tap anih anom s^ mơdrô, laih anun bơbe] djơ\ mơ\ng tơlơi bơblih ayuh hyiăng lo\n tơnah.

Amăng tơlơi lông lăng anun, phun boh troh [ơi Daklak glăk jing tơlơi gêh gal phrâo, pơgang kjăp nua yom s^ mơdrô hăng tơlơi bong glăi kjăp amăng rơnuk phrâo khă bơblih ayuh hyiăng hai, amra djru hrom hơnong pơhrui glăi kơ mơnuih [on sang ngă đang hmua.

{ing gơmơi bưp ayong Bành Việt Tùng sa ]ô mơnuih [on sang ngă hmua să Ea Kpam, tơring glông }ư\ Mgar, amăng mông hyu bưp mơnuih [on sang pơdrong mơ\ng ngă hmua yua Khua mua git gai kual Dap Kơdư ]ư\ siăng pơphun [ơi tơring ]ar Daklak.

Mông bưp kiăng kah pơpha tơlơi thâo thăi hăng djru hrom duh jia prăk kăk pioh kơ bruă mă [ơi kual Dap kơdư }ư\ siăng pơđ^ kyar hơđong kjăp.

Pha ra hăng mơnuih [on sang pơko\n [ơi tơring ]ar Daklak, ayong Tùng [u ruah kơphê [udah tiu ôh pioh pơđ^ kyar tơlơi bơwih [ong huă sang ano\, `u ruah mă hơdră pla kyâo boh troh.

Tơdơi kơ 9 thun pla hăng wai lăng, truh ră anai sang ano\ `u hơmâo đang boh troh 3 ektar; 500 phun boh [ơr djop mơta, giăm 100 phun boh sầu riêng abih bang lêng kơ amăng thun pe\ boh s^ mơdrô laih.

Yua gêh gal hăng ayuh hyiăng lo\n mơnai glai klô laih anun wai lăng djơ\ hơdră anun phun boh troh đ^ hiam hăng mơboh jor biă mă.

Lơ\m sa thun laih pe\ boh s^ mơdrô, pơhlưh nua prăk tuh pơ alin sang ano\ ayong Tùng do\ kơmlai 1 klai 500 klăk prăk, lu hloh 3 wơ\t mơkrah pơkă hăng pla kơphê hlâo adih.

‘’Kual lo\n pơ anai gêh gal biă mă pla kơphê, tiu samơ\ kâo ruah mă pla phun boh troh.

Tơdơi kơ hơdôm thun, bơblih pơjeh djuai mơnong pla hlong pla boh [ơr hăng boh sầu riêng kâo mơak mơn hơmâo hmăi boh tu\ yua, dua djuai boh troh anai ba glăi ano\ tu\ yua kơ tơlơi bơwih [ong huă lu hloh 3 wơ\t pơkă hăng pla kơphê.

Pla boh [ơr, sầu riêng thun blan blung a gleh glar yơh, sit truh thun pe\ boh laih huăi tơnap kơ bruă răk rem dưm kmơ\k, bruih ia kah hăng pla kơphê, tiu ôh’’.

Hloh kơ pô pơko\n thâo hluh kơ nua yom mơ\ng boh troh ba glăi [ơi lu plơi pla amăng tơring ]ar Daklak le\ djop anom bruă pla boh troh yơh pô thâo hloh.

Ơi Trần Minh Hải, Khua kông ty pơ]ruh ngăn sa ding kơna s^ mơdrô boh [ơr kual }ư\ siăng Dap kơdư, tơring glông Krông Pa], brơi thâo: Tơdơi kơ 4 thun ako\ pơdong hăng mă bruă, truh ră anai, kông ty hơmâo ngă hrom mơnuih [on sang 5 boh tơring ]ar kual }ư\ siăng Dap kơdư pla plah wah amăng đang rơbêh 1000 ektar đang boh [ơr, 80% đơ đam anai boh laih.

Thun 2017, kông ty s^ mơdrô 10 rơbâo tơn boh [ơr djop mơta, sa mơkrah ba s^ mơdrô pơ lo\n ia Hong Kong, pơ dêh ]ar Thụy Điển, Kha], kual Arab….

Ơi Trần Minh Hải lăi pơthâo, boh troh tơring ]ar Daklak dưi pơhno hăng boh troh mơ\ng anih pơko\n, boh nik `u boh [ơr, dưi s^ mơdrô amăng dêh ]ar ta hăng lo\n ia ta] rơngiao:

‘’Kơnong s^ mơdrô amăng dêh ]ar ta pô hơmâo 80 rơbâo tơn hăng s^ mơdrô boh [ơr hơdôm thun pơ anăp hơmâo lu tơlơi ]ang rơmang yua ba nao pơ kual Mi ko#, kual Trung Đông, Kha], Hàn Quốc, Japan hăng hơdôm dêh ]ar amăng kual ASEAN, laih dơ\ng dêh ]ar iao gah Việt Nam blơi boh [ơr lu biă mă’’.

Tui hăng nai prin tha ơi Trương Hồng, Khua anom kơsem min bruă mă boh thâo ia rơgơi ngă hmua kual }ư\ siăng Dap kơdư le\, kual lo\n tơring ]ar Daklak hăng hơdôm tơring ]ar iao gah hơmâo tơlơi gêh gal prong biă mă pioh pơđ^ kyar bruă pla boh [ơr nua yom, hơmâo lu mơnuih hor blơi:

‘’Tơlơi gêh gal [ơi kual }ư\ siăng Dap kơdư pơđ^ kyar djuai phun pla nua yom kah hăng phun boh [ơr, boh sầu riêng hăng hơdôm mơta djuai phun pla kah hăng boh kruăi, boh kuit, boh kruăi dung.

Tơlơi gêh gal anun yua mơ\ng lo\n tơnah hăng ayuh hyiăng. Lo\n tơnah [ơi kual }ư\ siăng Dap kơdư djơ\ hăng lu mơta phun pla boh troh, yua dah [uh ba glăi nua yom kơ tơlơi bơwih [ong huă.

Kah hăng boh [ơr mơnuih ngă hmua pla sa thun pơhrui glăi 1 klai prăk lơ\m sa ektar, kơnong boh sầu riêng dơ\ng mơ\ng 800 klăk prăk truh 1 klai prăk sa thun sa ektar.

Rơngiao kơ anun, [ơi kual }ư\ siăng Dap kơdư pla phun boh kruăi, boh kuit jing biă mă [ơi Daklak kah hăng tơring glông Ea Kar, Ea Sup, {uôn Đôn, ăt jing kah hăng pơ kual Dơnung yu\ adih mơn.

Kơ` pơgi anai, kual }ư\ siăng dưi pơđ^ kyar phun boh troh jing tơlơi gêh gal prong mơn [ơi Việt Nam’’.

Tui hăng tơlơi pơđ^ kyar dưi hơmâo laih, đơ đam phun pla [ong boh [ơi tơring ]ar Daklak ăt glăk pơđ^ kyar ta`, hơmâo hơdôm pluh rơbâo ektar truh thun pe\ boh yap dơ\ng mơ\ng thun 2018.

Tơlơi anun, brơi [uh, boh troh [ơi tơring ]ar Daklak pơđ^ kyar ta` amăng hơdôm thun pơ anăp.

Tơdah gong gai kơnuk kơna hăng anom bruă s^ mơdrô pơsir klă e\p anih anom s^ mơdrô, djru gah bruă pơgang răk lui sui hrơi hloh laih pe\, phun boh troh jing phun pla kjăp djru kơ bruă ngă hmua phrâo [ơi Daklak hrom hăng kơphê, tiu, kơsu…pơjing rai atur kjăp hloh tơlơi bơwih [ong huă.

            Nay Jek: Pô ]ih hăng pôr