VOV4.Jarai-{u hơmâo apui lơtrik, [u hơmâo jơlan, [u hơmâo sang hră, [u hơmâo hră ako\ sang hăng [u hơmâo tơlơi djru pơpă ôh mơ\ng kơnuk kơna, anun le\ tơlơi hơdip mơda hơmâo sit nik rơbêh pluh thun hăng anai [ơi sa boh plơi pơ kơ]ong ]ư\ }eng Leng, kual je\ giăm so# hăng 3 boh tơring glông }ư\ Sê, Phú Thiện hăng Mang Yang tơring ]ar Gialai.

 

Tơlơi hơdip mơda do\ hơjăn păn amăng plơi, ngă kơ abih bang ]ơđai muai [ơi anai [u hơmâo pô hrăm hră ôh.

 

Lăng nao pơ anăp adih plơi anai tơlơi hơdip mơda mơmo\t tit tơdah gong gai kơnuk kơna pơ anai [u hơmâo dăp glăi ako\ pơdong plơi pla anih do\ djơ\ hơdră kơ mơnuih [on sang.

 

Kơnong hơmâo sa arăt jơlan đô] dưi nao truh pơ plơi, anun le\ rơbat jơlan amur, jơlan glai đ^ ]ư\ trun ia, tua pơtâo kli pơ rơkă pơrơkưng.

 

Đ^ nao truh pơ kơ]ong ]ư\ dlông năng ai `u 1 rơbâo met, amra [uh 20 boh bơbung sang pơdong [ơi anih lo\n dăo [u prong lơi.

 

Anun le\ plơi }eng Leng, anăn plơi mă anăn }ư\ }eng Leng mơtam.

 

 

Plơi }eng Leng do\ amăng lo\n dăo pơ kơ]ong ]ư\ }eng Leng

 

Djơ\ bơyan bu] hơbơi plum anun amăng plơi kơnong kơ [ing tha rơma hăng ]ơđai muai đô] do\ pơ sang, [ing mơnuih glăk amăng thun mă bruă le\ do\ pơ hmua adih soh.

 

Tui hăng yă Rmah H’Kam, `u do\ pơ plơi anai rơbêh 30 thun laih, tơlơi hơdip mơda mơnuih [on sang plơi }eng Leng jai hrơi tơnap tap, kơ[ah djop mơta, mơnuih jai hrơi lu tui:

 

‘’Tơlơi hơdip mơda pơ anai tơnap tap yơh, djop mơta kơ[ah soh, kơ[ah ia yơh tơnap tap biă mă.

 

Ngă hmua pla pơjing [u hơmâo ia, ia mơ`um ăt [u hơmâo lơi, mơnơi hơgơi [u hơmâo.

 

Mơnuih jai hrơi lu, jai kơ[ah, jai tơnap. Sang ano\ gơmơi kơnong pla hơbơi plum đô], ngă hmua sa blah đang tơju\ pơdai anun [u djop huă tơkuh thun ôh.

 

Hnang blung rai pơ anai, kơnong pluh boh sang đô], ră anai do\ hơjăn sang ano\ gơmơi yơh do\ glăi’’.

 

Yă Rmah H’Kam hăng [ing tơ]ô do\ pơ sang

Plơi }eng Leng hơmâo 9 boh sang ano\ do\ sui thun laih hăng rơbêh pluh boh sang ano\ pơko\n phrâo nao do\, pơdong sang samơ\ nao do\ tui hluai bơyan.

 

Abih bơyan ngă hmua, gơ`u đuăi do\ pơ anih pơko\n bơwih [ong huă.

Sa amăng hơdôm ]ô mơnuih phrâo nao do\ le\ hơmâo Tơru\i. ~u brơi thâo, hlâo adih gơ`u do\ pơ plơi gah yu\ tơkai ]ư\ adih anun, yua kơ [u hơmâo lo\n ngă hmua dơ\ng tah, anun jak ba ană bơnai đ^ nao pơ kơ]ong ]\ư\ }eng Leng anai hơmâo 4 thun laih, laih anun kơnong ngă hmua tơju\ pơdai sa bơyan đô].

Huă asơi hăng a`ăm amăng glai đô]

 

Amăng plơi [u hơmâo mơnuih pơtô hrăm hră, anun yơh abih dua ]ô ană ayong Tơru\i [u thâo hră ôh.

 

Sit duăm ruă, sang ano\ lui hnun yơh gơ\ suaih mă hơjăn. Tơdah duăm kraih, rơngiă mơkrah hrơi kah nao pơ pơjrao pơ plơi giăm hloh, ngă brơi yang, pơ]rang brơi boh mơnu\ djă hla tơpa gai.

 

Tơdah pơjâo lăi [u thâo pơjrao dơ\ng tah, hnun kah ba nao pơ sang ia jrao Phú Thiện:

 

‘’Do\ pơ anih pơko\n [u hơmâo lo\n ngă hmua, rai pơ anai kah hơmâo lo\n ngă hmua pla mơnong mơnuă, mơ\ng hơmâo ano\ [ong ano\ huă.

 

Ană bă [u hơmâo pô nao hrăm hră ôh, pơ anai [u hơmâo sang hră ăt ako\n hơmâo sang ia jrao lơi, duăm ruă nao pơjâo pơ plơi gah yu\ ]ư\ adih anun pơjrao.

 

Tơdah kraih kah ba nao pơ sang ia jrao, ataih biă mă, nao pơ sang ia jrao tơnap biă mă, abih ha hrơi kah mơtruh’’.

 

{ing ]ơđai muai plơi }eng Leng lêng kơ [u thâo hră soh

 

Tui hăng ơi Phùng Trung Toàn, Khua jơnum min să }ư\ A Thai, tơring glông Phú Thiện, mơnuih [on sang plơi }eng Leng le\ hơmâo 8 boh sang ano\ hăng 40 ]ô mơnuih phun `u mơ\ng plơi Trơ\, să }ư\ A Thai, nao do\ dơ\ng mơ\ng thun 2004.

 

Hơdôm do\ glăi mơnuih [on sang mơ\ng plơi pla pơko\n kah hăng mơ\ng tơring glông }ư\ Sê.

 

 Yap tui guai tơring wai lăng, kual plơi }eng Leng ră anai jing glai klô gah plơi prong Ayun Pa wai lăng, laih dơ\ng gah să H’Bông, tơring glông }ư\ Sê hơmâo mơn, pơlir hăng tơring glông Phú Thiện hăng tơring glông Mang Yang.

 

Yua tơlơi hơdip mơda do\ hơjăn păn amăng ]ư\ siăng, anun yơh ană plơi pla kơ[ah djop mơta, [u hơmâo apui lơtrik, [u hơmâo jơlan, [u hơmâo sang hră, [u hơmâo sang ia jrao, [u hơmâo hră ako\ sang, hră rup tut tơngan ta juăt lăi rup kak laih anun gơ`u [u hơmâo tơlơi djru pơpă ôh mơ\ng kơnuk kơna:

 

‘’Pơ dlông anai tơlơi hơdip mơda tơnap tap biă mă, ană bă [u hơmâo hrăm hră, apui lơtrik [u hơmâo, ia [u hơmâo.

 

Laih nao e\p lăng anai, [ing gơmơi amra hơmâo hơdră rơđah rơđong hloh mơ-it đ^ kơ khua mua ping gah hăng jơnum min mơnuih [on sang pơ tơring glông brơi gơ`u e\p lăng djru ba kơ mơnuih [on sang laih anun bruă git gai wai lăng, kiăng pơđ^ tui tơlơi hơdip mơda kơ mơnuih [on sang, ană bă gơ`u dưi nao hrăm hră’’.

Do\ kle\p pơ kơ]ong ]ư\ }eng Leng adih, plơi ‘’5 mơta [u hơmâo’’ mơ\ng mơnuih [on sang Jarai hăng Bahnar [ơi anai jai hrơi tơnap tap, yua dah mrô mơnuih jai hrơi lu, lo\n glai kơniă tui, [u hơmâo anih ngă hmua pla pơjing, [u hơmâo mơnong [ong huă dong tah.

 

Lăp gleng nao dơ\ng, 1/3 mrô mơnuih amăng plơi ră anai jing ]ơđai muai [u thâo hră, kơ[ah tơlơi djru ba ia jrao gun.

 

Tơdah gong gai kơnuk kơna tơring ]ar Gialai, tơring glông }ư\ Sê hăng Phú Thiện [u hơmâo hơdră pơpă ôh pơsir brơi, kơ` pơgi tơlơi hơdip [ing ană bă mơ\ng ană plơi pla pơ anai mơmo\t tit kah hăng kual glai klô pơ ]ư\ }eng Leng mơn.

 

 

Nay Jek: Pô ]ih hăng pôr