VOV4.Jarai-Thun 2018, bruă mă pơhlôm hăng pơgăn tơlơi soh [ong kông ngăn hơmâo pok pơhai ngă tui kơtang biă mă;

pơsit tong ten bruă ngă khut khăt amăng kơđi ]ar ping gah, kơnuk kơna ta hăng lu kơđi tơlơi soh prong, hơdră bơtơhmal kơtang, khut khăt mơn hăng [ing khua mua pơprong pơmin dah lui soh, kah hăng bruă [u dưi mă pơkong ôh.

Hrơi anai, lơ 3/2, hơdor glăi tal 89 thun hrơi ako\ pơdong ping gah Cộng sản Việt Nam, [ing ta e\p glăi tơlơi gir run prong biă mă mơ\ng Ping gah ta amăng thun 2018 hăng bruă pơgăn tơlơi soh sat [ong kông ngăn:

Hơdôm hrơi blung a thun 2018, mơnuih soh Đinh La Thăng, Trịnh Xuân Thanh hrom hăng 20 ]ô mơnuih pơko\n ngă soh, arăng ba phat kơđi laih amăng kơđi tơlơi soh ‘’Rong ngă soh glăi tơlơi phiăn kơnuk kơna kơ bruă wai lăng bơwih [ong huă ngă sat truh kơtang biă mă’’ laih anun ‘’{ong kông ngăn’’ [ơi anom bruă group Ia jâo PVN hăng phun kông ty man pơdong gah bruă ia jâo Việt Nam PVC.

Sa tơlơi pơ[uh bruă mă pơgăn tơlơi soh [ong kông ngăn [u hơmâo kom anih pơpă ôh, ako\n phai lui pô hlơi lơi.

Lu kơđi tơlơi soh pơprong, tơnap tap; lu khua mua pơprong mơ\ng ping gah ba phat kơđi, jăm [uah tơlơi soh tui hăng tơlơi phiăn pơtrun. 

Lăp h’ưi le\, hơmâo pô tom ngă khua, mơnuih djru kơ bruă ]ar lu laih, dưi hrăm, kjăp amăng bruă mă, dơ\ng mơ\ng mông tơnap tap.

Samơ\ [ơi anăp kơ tơlơi lông lăng, tơlơi plư hăng prăk kăk, kông ngăn, laih anun lu khua răm [ăm pran jua tơlơi pơmin, hơdip ngă ang, [u tơpă hăng bruă ngă, gơ`u hlong rơbuh đih [ơi anăp tơlơi soh sat ngă.

Kơđi ngă wăn [ai, yong gai [ong prăk hơdôm rơbâo klai prăk, pơkôl nao rai amăng plăng internet mơ\ng sa ]ô khua prong gah tơhan kông ang, khua tơhan pơlih, Phan Văn Vĩnh hăng Khua anom bruă tơhan pơgăn tơlơi soh sat Nguyễn Thanh Hóa, sang phat kơđi tơring ]ar Phú Thọ phat kơđi lơ\m blan 11 thun hlâo, kah hăng sa tơlơi pơhmutu.

Krăo lăng bruă mă pơgăn tơlơi soh [ong kông ngăn thun 2018, Nai tha prin-nai prin tha Hoàng Chí Bảo, ding kơna hơđăp Khul mơnuih rơgơi tơlơi pơtô djơ\ dêh ]ar ta lăi:

‘’Kâo [uh le\, sa tơlơi lăp gleng nao hloh tơlơi [ong kông ngăn, wơ\t [ong kông ngăn anet prong, amăng anun [ong kông ngăn mơnuih [on sang, ngă rơngiă kơnuih hiam, tơlơi tơpă mơ\ng sa ]ô mơnuih ping gah, abih bang kơđi pơprong ba phat giong phrâo anai, [uh ruă pran jua biă mă.

Mơnuih [on sang ăt [uh laih ping gah ta hơmâo bơblih lu bruă mă, pơsit khut khăt tơgu\ kơđi [ing ngă soh [ong kông ngăn, ba phat kơđi pơhaih rơđah rơđong, [u hơmâo lui pô hlơi ôh’’.

Thun 2018, bruă mă pơgăn tơlơi soh [ong kông ngăn, lăp bơni biă. Dơ\ng mơ\ng lơ 1/10/2017 truh kơ lơ 30/9/2018, laih hyu e\p lăng [uh 78 wơ\t ngă soh, 106 ]ô mơnuih ngă soh [ong kông ngăn.

Lơ\m pơsir hră [om kiơng mơ\ng mơnuih [on sang hơmâo [uh 40 tơlơi soh, 87 ]ô mơnuih ngă soh [ong kông ngăn.

Anom bruă tơhan e\p tơlơi soh gah kông ang hơmâo tu\ mă 427 pok hră kơđi, 889 ]ô mơnuih ngă soh [ong kông ngăn; pơsit brơi e\p kơđi tơlơi soh 212 wơ\t, 488 ]ô mơnuih ngă soh.

Lăp lăi nao le\, pơkă hăng thun 2017, mrô kơđi hơmâo [uh, pơsir tơlơi soh [ong kông ngăn lu hloh, biă mă `u mơnuih ngă soh jing khua mua gah ling tơhan, khua mua tơhan kông ang, anom bruă mơ\ mơ\ng anai pơ klôn adih [u khin tơgu\ kơđi gơ`u ôh sit ngă soh glăi.

Tơlơi anai [uh rơđah bruă ngă mơ\ng ping gah ta [u hơmâo kom kơ hlơi ôh, [u hơmâo tơlơi pha ra ôh sit pơgăn tơlơi soh [ong kông ngăn. Ơi Cao Văn Thống, ding kơna Jơnum min pel e\p kơđi gơnong dlông tal 12 lăi:

‘’Tơlơi anun brơi [uh bruă mă khut khăt mơ\ng kơđi ]ar ping gah ta, hơmâo tơlơi git gai mơ\ng khua git gai ping gah dêh ]ar, khua mua apăn bruă ping gah dêh ]ar brơi pơgăn tơlơi soh [ong kông ngăn khom ngă kơtang, [u lui, [u pap kơ pô hlơi ôh, [u hơmâo anih kom, [u hơmâo pha ra ôh.

Kah hăng Khua git gai ping gah dêh ]ar ta lăi: Sit tơpur apui jă laih, djuh krô [udah asăt hai ăt apui khom [ong soh.

{u djơ\ kơnong e\p lăng, pơsir [ing mơnuih ping gah đô] ôh, khua mua ping gah do\ ngă bruă [udah pơdơi abih thun hai, wơ\t khua mua tơhan krên dên sit ngă soh khom pơsir khut khăt, bơkơnar tui hăng tơlơi phiăn ping gah, kơnuk kơna ta pơtrun’’.

Khua tơhan Trung tướng Trần Văn Độ, khua anom bruă sang phat kơđi gah ling tơhan hơđăp, khua hơđăp sang phat kơđi dêh ]ar ta lăi:

‘’Thun 2018 jing thun bruă mă pơgăn tơlơi soh [ong kông ngăn kơtang biă mă, abih bang khă pô hlơi tu\ mơn, mă bruă prong [udah anet, sit ngă soh lêng kơ phat kơđi lăp soh.

Sa thun mă pơkong, tơgu\ kơđi mơnuih ping gah, khua mua pơprong dơ\ng mơ\ng khua apăn bruă ding jum kơđi ]ar pơgu\, laih anun khua mua gah ling tơhan krên dên phat kơđi soh.

Yua kơ anun bruă pơgăn tơlơi soh [ong kông ngăn sa bruă mă ru\ glăi pran jua đăo kơnang mơ\ng mơnuih [on sang pơpu\ kơ ping gah ta, yua dah hlâo adih lu mơnuih ngă sat, rơngiă tơlơi đăo kơnang mơ\ng mơnuih [on sang’’.

Boh tơhnal pơkơdong hăng tơlơi soh sat [ong kông ngăn tơdơi kơ jơnum ruah khua ping gah dêh ]ar ta tal 12 truh ră anai, lăp hơdor pioh le\ thun 2018,  kiăng ru\ đ^ tơlơi đăo kơnang mơ\ng mơnuih [on sang hăng ping gah.

Tơlơi pơtrun mơ\ng ping gah, tơlơi git gai mơ\ng kơnuk kơna dưi ngă ano\ bơnga] amăng mơnuih mơnam; pơjing rai bruă mă ho kơdok kơtang, pơtrut tơlơi gum pơgôp hrom pơtrut đuăi, lui h^ tơlơi sat mơ\ng [ing môt, hlăt dren, kah hăng teng, mun rơnah glăk ngă sat kơ drơi jăn ping gah, kơnuk kơna ta laih anun rung răng ană plơi pla:

‘’Bruă mă pơkơdong glăi tơlơi soh sat [ong kông ngăn thun rơgao, mơnuih [on sang dong yua biă mă, ping gah ta lăi le\, khom ngă tui, khut khăt ngă kơtang.

Tơlơi anai [uh rơđah mơtam amăng mông jơnum lok 9 khua mua ping gah ta phrâo anai. Mơnuih [on sang dong yua hăng đăo kơnang bruă pơkơdong glăi tơlơi soh sat [ong kông ngăn, mơnuih [on sang lêng kơ kiăng thun 2019 ăt ngă kơtang kah hăng anun mơn, pơkiăo đuăi bruă ngă soh sat [ong kông ngăn’’.

Thun 2018 jing thun atur kơ bruă ngă tui Hră pơtrun jơnum tal 12 mơ\ng ping gah ta laih anun hră pơtrun ping gah djop gưl.

Bruă mă ako\ pơdong glăi ping gah, [ư\ pơkra pran jua mơnuih ping gah, dăp bruă ping gah ăt gleng nao hăng pơtrut kơtang, ngă tui hơdôm bruă hơmâo pơphô brơi mơ\ng hơdôm thun hlâo laih.

Dơ\ng mơ\ng ako\ rơwang bruă ping gah tal 12 truh ră anai, kơnong 3 thun, hơmâo 5 ]ô ding kơna ding jum kơđi ]ar glăk ngă khua ăt phat kơđi, 60 ]ô khua mua, mơnuih apăn bruă ping gah gưl dêh ]ar ăt ngă kơđi mơn yua ngă soh tơlơi phiăn.

Hơdôm hrơi rơnu] thun 2018, jơnum lok 9 khua mua ping gah dêh ]ar, pơtrun bruă ding kơna ping gah dêh ]ar, Kơ-iăng khua git gai ping gah [on prong Hồ Chí Minh rơwang bruă thun 2015-2020, anun le\ ơi Tất Thành Cang yua ngă soh ba glăi lu tơlơi răm [ăm prong kơ dram gơnam mơnuih [on sang.

Khua git gai ping gah, khua mir sir ơi Nguyễn Phú Trọng đ^ pơhiăp amăng mông jơnum khua mua ping gah lok 9, tal 12 lăi pơtong ‘’Ruă pran jua biă mă! Samơ\ kiăng ngă tơpă, khut khăt amăng tơlơi pơtrun mơ\ng ping gah, pơpu\ tơlơi phiăn dêh ]ar, tơlơi rơgoh, tơpă, kjăp kơtang hăng kơnuih hiam mơ\ng ping gah laih anun tơlơi ]ang rơmang mơ\ng mơnuih [on sang, [ing ta khom ngă, laih anun ăt amra ngă tui đô] kơ` pơgi ni anăp’’.

Yua kơ anun hăng bruă mă khut khăt kơtang, pran jua, tơlơi pơmin tong ten mơ\ng ping gah, kơnuk kơna, bruă pơgăn tơlơi soh [ong kông ngăn thun 2018 hơmâo djă pioh lu boh tơhnal lăp biă mă, pơjing rai sa tơlơi bơnga] prong amăng mơnuih mơnam.

Bruă ngă anun, amra ngă tui dơ\ng, pơđ^ kơtang amăng thun 2019 kiăng kơ bruă pơkơdong hăng tơlơi soh [ong kông ngăn ba glăi boh tu\ yua prong hloh, lu hloh, djơ\ hăng tơlơi kiăng mơ\ng mơnuih [on sang amăng dêh ]ar ta, đăo sit kơ tơlơi git gai mơ\ng ping gah, kơnuk kơna ta.

Nay Jek: Pô ]ih hăng pôr