VOV4.Jarai - Do\ng amăng krah dlai klô, Sang hră gưl sa Đă Rsal gah plơi Dă M’pô, să Liêng Srônh le\ sa amăng hơdôm bôh sang hră tơnap tap mơng gơnong bruă pơtô pơhra\m tơring glông Đam Rông, tơring ]ar Lâm Đồng.

 

Amăng krah ]ư\ siăng khă do# lu tơlơi tơnap hăng kơ[ah samơ\ hăng pran jua khăp kơ bruă, kiăng kơ [ing ]ơđai sang hră [ing nai ăt pơsit pran jua do# glăi mơn, pơtô brơi bôh hră kơ [ing ]ơđai.

           

Plơi Dă M’Pô pơdo\ng ha jăn amăng krah dlai klô asue\k ataih mơng krah să Liêng Srônh, tơring glông Đam Rông năng ai `u 20 km.

 

Anai le\ anih do# hơd^p mơda mơng rơbêh kơ 200 bôh sang ano# djuai ania Mông rai mơng hơdôm bôh tơring ]ar kual Pơngo\ dêh ]ar ta.

 

Khă kual plơi pla anai do# hmâo giăm truh 20 thun laih samơ\ Dă M’Pô dưi hmâo ara\ng pơanăn le\ plơi lu tơlơi [u hmâo: {u hmâo jơlan, [u hmâo apui lơtr^k, [u hmâo sang ]ơ, [u hmâo glông pôr telephone. Jơlan nao rai tơnap tap, tơlơi hơd^p mơda tơnap tap anun bruă hrăm hră [ing ]ơđai [u hmâo hlơi đing nao ôh.

           

Kiăng dưi nao pơ\ Dă M’Pô, ba bôh hră kơ ]ơđai muai, [ing nai hmâo găn rơgao laih lu tơlơi tơnap, dleh glar rôk hyu [ơi glông jơlan ]ư\ siăng, ]roh ia bôh pơtâo hăng lu tơlơi hu^ rơhyư\t.

 

Hơdor glăi hơdôm hrơi găn hyu dlai klô mu\t amăng plơi Dă M’Pô pơtô nai Bạch Văn Thời, nai pơtô [ơi Sang hră gưl sa Dă Rsal ruai glăi, kiăng nao pơtô djơ\ mông [ing nai khom djă ba dong hơdôm blah sum ao pioh pleh, yua kơ bơyan hơjan pơsah, bơyan pơ-iă le\ [ui hlu\ lo\n bă kơ drơi jăn.

           

“Lom phrâo pơdo\ng pơjing sang hră, [ơi jơlan nao rai [ing nai bưp lu tơlơi tơnap biă, găn rơgao dlai klô ]roh hnoh.

 

Rim wot găn ia mưn [uh kah hăng tơtlaih mơng djai. Yua kơ đ^ song hu^ rơhyư\t biă, biă `u hơdôm hrơi ia ling dăo [ing nai [u dưi găn nao rai hăng rơk^ hăng song khom do# glăi [ơi sang hră.

 

Hmâo [ing nai đa khom do# glăi sa blan. Tơdah đ^ rơdêh thut [ing nai khom dưm truă hriăng hăng hmâo hơdôm anih [u dưi nao rai le\ khom rơbat tơkai 2 km kah mơng truh pơ\ sang hră pioh pơtô”.

           

Sa mông hră mơng nai hăng ]ơđai sang hră gưl sa Dă Rsal

{u djơ\ kơnong kơ jơlan nao rai tơnap tap ôh mơ\ tơlơi pơhiăp bôh pia ăt jing tơlơi tơnap prong hăng [ing nai lom nao pơ\ tô pơ\ Dă M’Pô.

           

Nai Đàm Thị Bài lăi pơthâo, tơlơi tơnap amăng bruă pơtô [ơi anai le\ [ing ]ơđai [u thâo tơlơi Yuan anun nai khom pơhra\m dong tơlơi Mông kiăng pơtô brơi bôh hră kơ [ing ]ơđai.

           

“Amăng anai abih bang [ing ]ơđai le\ djuai ania Mông anun bruă pơtô `u [u amu` ôh.

 

Nai pơtô pơtrut pơsur na nao [ing ]ơđai amăng anih hrăm pơhiăp hăng tơlơi Yuan, hơdư\ [ia\ pơhiăp tơlơi djuai ania pô kiăng [ing ]ơđai thâo thăi hloh.

 

{ing nai rai pơ\ anai hlơi hlơi leng kơ gir run hơduah e\p lăng, hrăm tui dong tơlơi pơhiăp djuai ania Mông kiăng bơkơtuai hăng ră ruai hăng [ing ]ơđai je# giăm hloh”.

           

Ră anai đơ đam plơi Dă M’Pô hmâo rơbêh kơ 300 ]ô ]ơđai glăk tui hrăm hơdôm gưl mơng ]ơđai anet truh kơ gưl 2.

 

Lu `u tơlơi hơd^p mơda hơdôm bôh sang ano# djuai ania Mông [ơi anai hluai tui kơ bruă đang hmua.

 

Anun truh bơyan yuă hơpuă, lu ]ơđai kiăo tui am^ ama nao pơ\ đang hmua.

 

Kiăng [ing ]ơđai pơwo\t glăi hăng anih hrăm, [ing nai khom nao rim tơl sang ano# pơsur, pơanur.

 

Hmâo pô đa, [ing ]ơđai 13, 14 thun glăk nao hrăm hră lui h^ kiăng kơ pơdo# rơkơi bơnai.

 

Lom nai nao hơduah tơ`a lăng le\ [uh tah hơtai biă yua kơ am^ ama ]ơđai [u kiăng ană bă hrăm hră dong tah.

           

Nai Phạm Thị Nguyên, Khua Sang hră gưl sa Dă Rsal brơi thâo, ră anai tơnap hloh le\ sang hră akă hmâo apui lơtr^k anun bruă pơtô pơhra\m mơng nai hăng ]ơđai sang hră ăt bơdjơ\ nao mơn.

           

“Jơlan nao rai ataih, hmâo [ing ]ơđai rơbat tơkai hơdôm mông kah mơng truh sang hră. Gah bôh thâo măi mok yua kơ [u hmâo apui lơtrik [ing ]ơđai [u hmâo ngă juăt lom sang hră [u dưi mă yua hơdră bôh thâo măi mok amăng pơtô pơhra\m.

 

Ră anai yua kơ akă hmâo apui lơtr^k anun măi pưh ha#u akă dưi dưm truă, bơyan pơ-iă hang bruă hrăm hră mơng [ing ]ơđai bưp lu tơlơi tơnap yua kơ ayuh hyiăng pơhang đơi”.

           

Hăng mơnuih phrâo nao do# pơ\ plơi Dă M’Pô lu thun hăng anai, ơi Sùng Seo Giáo mơ-ak bơni, hlâo adih [u hmâo sang hră, ]ơđai muai ha boh plơi kah hăng [u thâo hră, mơng thun 2017 truh ră anai đơ đam plơi hmâo laih 15 ]ô ]ơđai nao hrăm gưl 3, sa dua ]ô ]ơđai hmâo hrăm trung cấp chuyên nghiệp. Lu ]ơđai amăng plơi thâo bôh hră anun bruă ngă hră pơ-ar ăt dưi pơsir mơn.

           

“Hlâo adih akă hmâo sang hră neh wa dleh glar biă yua kơ [ing ]ơđai [u hmâo hlơi pơtô brơi, truh kơ ră anai ană bă dưi hrăm laih bôh hră.

 

Abih bang [ing ]ơđai sang hră ră anai hlơi hlơi leng kơ thâo bôh hră sôh laih.

 

Lom akă hmâo sang hră [ing ]ơđai amăng plơi pơdo# bơnai mơng muai.

 

Ră anai [ing ]ơđai dưi nao hrăm hră `u thâo hluh hloh anun bruă pơdo# rơkơi bơnai mơng muai ăt plai [ia\ mơn”.

           

Khă tơlơi hơd^p mơda [ơi plơi Dă M’Pô do# lu tơlơi tơnap, dleh glar samơ\ hăng pran jua khăp kơ bruă, păp kơ ]ơđai, [ing nai [ơi anai rim hrơi hur har pran jua  găn rơgao dlai klô gơgrong do# glăi [ơi plơi pla, pơtô brơi bôh hră kơ ]ơđai sang hră ană bă neh wa djuai ania Mông amăng krah dlai klô Đam Rông hơkru\ đ^ tơlơi ]ang rơmang nao sang hră./.

Siu H’ Prăk: Pô ]ih pơblang