VOV4.Jarai - Pri pôr pơhing Búa Liềm Vàng tal 4 thun 2019 dưi jao [ơi Sang adôh suang prong Hà Nội.

Anai le\ bruă mă sit nik hơdor glăi 90 thun Hrơi pơdo\ng Ping gah Cộng sản Việt Nam. Thun anai, Gru\p pơphun bruă hmâo mă laih 1 rơbâo 600 mơta tơlơi ]ih.

Hrom hăng hơdôm tơlơi pơhing phrâo amăng bruă pơdo\ng Ping gah kah hăng “pơtrut kơdun glăi tơlơi lui ruh” [udah “bruă mơnuih apăn bruă” le\ bôh yôm phrâo gah pơdo\ng Ping gah tơlơi do\ do\ng [ong huă; ngă tui bruă mă mơng mơnuih [ôn sang gum hrom pơdo\ng Ping gah; [udah pơđ^ kyar gah pơblang bruă pơdo\ng Ping gah dưi hmâo lu tơlơi ]ih pơplông hmâo mă Pri Búa Liềm Vàng thun 2019 lăi nao lu.

Dong mơng mrô yap brơi [uh rơbêh 53 rơbâo 700 ]ô mơnuih apăn bruă, mơnuih ping gah hmâo ara\ng pơsir kơđi gah Ping gah, amăng anun hmâo lu mơnuih khom gơgrong ba kơđi hình sự, rơbêh kơ 70 ]ô mơnuih amăng mrô anun le\ mơnuih apăn bruă, mơnuih ping gah gah Ding jum kơđi ]ar, Gru\p apăn bruă wai lăng, lu hloh amăng hơdôm rơwang bruă mơng hlâo truh kơ ră anai.

Gru\p hyu mă tơlơi pơhing phrâo, Gong phun jua pơhiăp dêh ]ar Việt Nam hmâo ngă tui laih jơlan hơdră “Pơsir tơlơi soh amăng Ping gah – Tơlơi hrăm “koh than hmâo hlăt pioh pơtlaih kơ phun `u”.

Jơlan hơdră nao dơlăm hơduah e\p bôh nik, bôh than ba truh brơi [uh tơlơi ngă soh mơng sa dua ]ô mơnuih apăn bruă, mơnuih ping gah, mơnuih apăn bruă phun [u djơ\ kơnong kơ ngă soh hơdôm tơlơi pơkă, tơlơi pơtrut pơsit, tơlơi ]râo ba mơng Ping gah ôh mơ, `u do# ngă soh gah tơlơi pơmin bruă kơđi ]ar, pran jua, jơlan gah hơd^p mơda, hăng hmâo tơlơi amăng hơdôm hrơi blan sui, đa le\ lu rơwang bruă.

Hmâo hơdôm tơlơi soh le\ yua kơ khul ping gah [u mă bruă kơja\p amăng wai lăng hăng mơnuih ping gah kơ[ah pran jua gơgrong gah kơđi ]ar lom mă bruă ngă tui tơlơi phiăn ping gah.

Pô ]ih tơlơi pơhing phrâo Nguyễn Thị Tuyết Mai, Kơ-iăng Khua Gru\p wai lăng bruă pôr pơhing phrâo (VOV1), Gong phun jua pơhiăp dêh ]ar Việt Nam lăi pơthâo: Jơlan hơdră bâo glăi tơlơi amăng rơnuk blah ayăt Prang, Khua mir sir Hồ Chí Minh hmâo ha tal pơsit pơdjai Đại tá quân nhu Trần Dụ Châu yua kơ tơlơi soh hưp [ong kông ngăn, mă tu\ drah kơtăk mơng adơi ayong ling tơhan pioh bơwih brơi drơi pô `u.

Lăi kơ tơlơi ruă pran jua anai, Khua mir sir Hồ Chí Minh hmâo pioh glăi tơlơi pơtă pơtăn dơlăm mut amăng hơtai pran: “Ta#o [ia\ koh lui sa [e\ than hlăt [ong hloh kơ pioh pơtlaih kơ phun `u mơtah hiam”.

“Wa Hồ lăi truh tơlơi ruă pran jua le\ khom koh lui than samơ\ pioh pơtlaih phun `u mơtah klă hiam hă khom pioh rơngiă lui `u. Ping gah khom rơngiă h^ than hlăt [ong anun pioh phun `u klă hiam hloh.

Tơlơi hrăm [ơi anai le\ bruă mơnuih apăn bruă khom ruah mă [ing mơnuih lăp djơ\ hăng tơdah hmâo mơnuih apăn bruă hmâo soh glăi hăng bruă mă [u djơ\ le\ khă pô anun hlơi hai leng kơ khom gơgrong ba tơlơi bơtơhmal mơng Ping gah, [u hmâo hlơi do\ng amăng tơlơi phiăn tơpă Ping gah hăng do\ng gah rơngiao tơlơi phiăn Ping gah pơkă. Anun le\ hơdôm tơlơi hrăm [ing gơmơi hmâo pơsir amăng tơlơi ]ih.”

Gum hrom ]ih hơdôm tơlơi ]ih: “Pơsir” amăng hluh kơ hơdră ruah mă mơnuih apăn bruă, gru\p mơnuih ]ih tơlơi pơhing điện tử Gong phun jua pơhiăp dêh ]ar Việt Nam hmâo đing nao lăi truh hơdôm kơđi tơlơi bơdjơ\ nao bruă pơsir mơnuih apăn bruă, biă `u le\ [ing hlăk ai apăn bruă, dưi ]ang rơmang le\ “pơjeh mriah” mơng lo\n ia.

Pô ]ih tơlơi pơhing phrâo Kim Anh, Hră pơhing điện tử Gong phun jua phiăp dêh ]ar Việt Nam brơi thâo: hơdôm tơlơi ]ih hmâo pơdah brơi laih mơnuih lăng hơdôm bôh than dơlăm ngă [ing apăn bruă hlăk ai dưi hmâo Ping gah, Kơnuk kơna, mơnuih [ôn sang ]ang rơmang đăo gơnang samơ\ gơ`u [u gưt ngă tui tơlơi ]ang rơmang anun:

“Sa amăng hơdôm bôh than mơng tơlơi anai anun le\ bruă mă yua “Ano# gal ană bă [ing apăn bruă: kiăng “kơtung mă [uk dui đ^” khă gơ`u akă djop pran jua gơgrong, bôh thâo, tơlơi găn rơgao.

Rơgao kơ tơlơi anun, ara\ng do# [uh sa bôh nik dong anun le\ tơlơi pơpu\, mă pran jua tơdruă, đa le\ pơplih nao rai amăng bruă ruah mơnuih apăn bruă.

Anai ăt le\ sa ano# tơhư kiăng “pơsir” amăng bruă mơnuih apăn bruă hlâo kơ Jơnum prong Ping gah hơdôm gưl, anăp nao Jơnum prong Ping gah đơ đam dêh ]ar ta amăng thun 2020.”

Tơlơi [uh rơđah hloh amra [uh mơng hơdôm tơlơi ]ih pơplông mă pri “Búa Liềm Vàng” thun 2019 jing hơdôm tơlơi ]ih djă jă tơhnal phrâo, djơ\ hăng tơlơi kiăng sit nik glăk ba tơbiă hăng bruă pơdo\ng Ping gah, pơtrut kơdun tơlơi lui ruh, bruă mơnuih apăn bruă, pơdo\ng Ping gah amăng do# do\ng [ong huă , ngă tui bruă mơng m[s gum hrom pơdo\ng Ping gah;

Biă `u thun anai hơdôm tơlơi lăi nao pơđ^ kyar kơ pơblang bruă pơdo\ng Ping gah dưi hmâo lu mơnuih ]ih pơplông mă pri Búa Liềm Vàng thun 2019 đing nao lăi nao.

Pô ]ih tơlơi pơhing Trần Bá Dung, Khua Gru\p apăn bruă mă gah Khul mơnuih pôr tơlơi pơhing Việt Nam pơsit tui anai:

“Hơdôm tơlơi ]ih amăng rơwang ruah hrom brơi [uh hơdôm tơlơi ]ih kơ pơdo\ng Ping gah pôr pơhing dêh ]ar ta hăng tơring ]ar, [ôn prong lăi nao abih bang djop mơta mơng bruă pơdo\ng Ping gah.

Anun le\ bruă pơdo\ng Ping gah amăng bruă kơđi ]ar, pơdo\ng Ping gah amăng tơlơi pơmin, pơdo\ng Ping gah amăng ako# pơphun bruă. Bruă pel e\p mơng Ping gah hăng tơlơi do# do\ng [ong huă mơng mơnuih ping gah.

Lu tơlơi ]ih lăng dleh tơnap biă, ]ih kơ tơlơi kơdo\ng glăi hơdôm tơlơi pơ]eh ]a, pơgang phun than tơlơi pơmin mơng Ping gah, pơgang Chủ Nghĩa Mác-Lênin, pơgang Chủ Nghĩa xã hội.”

Bơkơtuai hăng pô hyu mă tơlơi pơhing phrâo Gong phun jua pơhiăp dêh ]ar Việt Nam, ơi Ngô Minh Tuấn, Khua dăp hơdră Hơdrôm hră pơhing Pơdo\ng Ping gah, [irô Pơphun apah pri ]ih tơlơi pơhing phrâo đơ đam dêh ]ar ta kơ pơdo\ng Ping gah – Pri Búa Liềm Vàng tal 4 thun 2019 pơsit, Pri Búa Liềm Vàng thun anai hmâo lăi đ^ laih abih bang bruă pơdo\ng Ping gah ră anai;

Hơkru\ đ^ pran đăo gơnang mơng mơnuih apăn bruă, mơnuih ping gah hăng mơnuih [ôn sang pioh kơ Ping gah, biă `u hmâo djru laih kơ hơdôm gưl khul ping gah hăng hơdôm mơnuih apăn ako# [ơi hơdôm gưl, hơdông gơnong bruă [uh tơhnal yôm phăn mơng bruă pơdo\ng pơkra Ping gah.

Mơng anun mă tu\ hơdôm tơlơi găn rơgao kiăng hrăm tui, [uh rơđah ano# klă kiăng ngă tui, hơdôm tơlơi akă dưi ngă kiăng hơkru\ pơsir hmao tlôn lom ngă tui bruă pơdo\ng Ping gah:

“Yua mơng hơdôm anih hmâo mơnuih ping gah ngă soh yơh djơ\ ano# `u khul ping gah pung kơ [u [uh mơ\, biă `u yua kơ mơnuih [ôn sang hăng mơnuih mă tơlơi pơhing thâo.

Pri Búa Liềm Vàng tal 4 ăt do\ng amăng tơlơi hrom anun, lu mơnuih ]ih tơlơi pơplông hmâo laih hơdôm tơlơi djru ba truh tơlơi pơhing klă biă.

Bơhmu tu `u hăng bôh yôm kơ pơdo\ng Ping gah amăng tơlơi do# do\ng [ong huă mơng rơwang bruă 12, yap wot amăng lăm hăng hơdôm jơlan pơsir, hơdôm tơlơi ]ih pơplông lăi đ^ lu mơta tơlơi Tơlơi pơblang, thâo krăn ăt rơđah rơđông hloh mơn, jơlan pơsir rơđah hloh hăng dưi ngă tui.”

Rơgao 4 tal pơphun pơplông mă pri hră pơhing phrâo đơ đam dêh ]ar ta kơ pơdo\ng Ping gah djă anăn “Búa Liềm Vàng” hmâo pơjing rai laih ano# pơhmăi hyu, ru\ đ^ pran gơgrong amăng bruă pôr pơhing ]ih lăi nao bruă pơdo\ng Ping gah, djru pran kơ [ing mơnuih mă hăng ]ih tơlơi pơhing phrâo, amăng bruă hyu mă tơlơi pơhing, lăi đ^ bôh nik `u, djru e\p [uh hơdôm tơlơi pơsir kơ tơlơi akă gal amăng bruă ruah mơnuih apăn bruă, hrom hăng anun hmâo lu tơlơi pơphun brơi kơ bruă pơdo\ng Ping gah.

Anun ăt le\ tơlơi pơtrut kơtang pioh [irô apăn bruă gum tơngan hrom, kiăng pơdo\ng mơnuih apăn bruă hmâo pran juă klă, thâo mă bruă, dưm kơnar hăng bruă mă, pơsir tơlơi la bruă hăng prăk, la apăn bruă hăng prăk hăng hơdôm tơlơi [u ta#o klă hmâo amăng mơnuih apăn bruă./.

Siu H’ Prăk: Pô ]ih pơblang