VOV4.Jarai - {rô djơ\ bơyan Tê|t tui phiăn juăt dêh ]ar ta, Anom git gai tơhan Quân khu 5 ako\ pơdong 7 grup nao c\uă, brơi gơnam hăng pơphun lu bruă mă djru hơdôm boh sang ano\ tơnap tap, rin [un [ơi kual ataih yaih c\ơkă tê|t trơi pơđao yâo mơ-ak.

Anom git gai tơhan Quân khu 5 hăng adơi ayong ling tơhan hơmâo [ơk brơi rơbêh 90.000 anung gơnam hăng nua `u 70 klai prăk, brơi kơ [ing am^ Việt Nam sông kơtang; Anih rông ba mơnuih djru hơkru\ lo\n ia; tơhan rơka, tơhan pơdơi bruă thun tha, hơmâo tơlơi ruă [u thâo pơjrao, sang ano\ tơnap, ling tơhan glăk do\ mă bruă pơ kual ataih, asuek, guai lo\n ia, bul pơtâo ia rơs^ [ơi 11 boh tơring ]ar, plơi prong gah kual Tong krah – C|ư\ Siăng…

{rô tal anai, Anom git gai Tơhan Quân khu 5 git gai hơdôm anom bruă iâu rơbêh 700 c\ô adơi ayong ling tơhan nao pơ 37 boh să, plơi pla mơng 24 boh tơring glông, plơi prong [ơi 4 boh tơring ]ar kual C|ư\ Siăng ngui tê|t hro\m ană plơi pla.

                                                               Siu H’Mai: Pô c\ih hăng pôr