Ăt kah hăng r^m thun, Tơlơi ngui ngor ngă yang Oc Om Boc, tơlơi pơplông tuah ia song anăn ghe Ngo hơmâo mơ\ng đưm mơ\ng djuai ania Khmer tring ]ar Sóc Trăng thun anai ăt [uh pơ hư] lu mơnuih mơnam, tuai rơnguai hor nao lăng.  Tuai amăng dêh ]ar ta hăng lo\n ia ta] rơngiao, amăng tring ]ar hăng gah rơngiao tring ]ar glăi pơtum pơ tring ]ar Sóc Trăng lăng tơlơi ngui ngor pơplông tuah ia song, [ơing tơdăm dra hlăk ai pơplông tơlơi rơgơi, ai hơtai kơtang laih anun lăng ano\ hiam gru grua boh thâo mơ\ng tơlơi ngui ngor jơnum pơplông tuah ia song. Wo\t tơdah adai pơđiă kơtang yang hrơi dong, samơ\ hơdôm pluh rơbâo ]ô mơnuih do\ do\ng e\p lăng [ơi dua bơnah hang ia krông, lăng arăng pơplông tuah song [ơi ia krông Maspero kiăng pah tơngan ho\k mơak to\m [ing pơplông tuah ia song mơak biă mă. Ơi Phan Văn Giàu, Kơ-iăng Khua Gơnong bruă Gru grua boh thâo Pơ rơguăt drơi jăn hăng }ơkă tuai tring ]ar Vĩnh Long, tuai jak iâu nao jơnum lăng tơlơi ngui ngor  hăng jơnum bơkơtoai MDEC kuăl ia krông Cửu Long tring ]ar Sóc Trăng thun 2014, hơtal dua, `u nao lăng pơplông tuah ia song hăng lăi:

Ta dưi lăi tơlơi mơak pơplông tuah ia ( waih) song kơdok kơdor biă mă, mơnuih [ôn sang do\ do\ng dua bơnah hang ia krông buă mơtam kiăng pah tơngan do\k kơdo\k hăng [ing pơ plông, amăng mông adai pơđiă, tơlơi pơplông le\ amăng ia krông, yang hrơi dong pơđiă kơtang samơ\ mơnuih [ôn sang ăt hok mơak nao lăng lu mơn, arăng [u đuăi [ơ\i mơ\ng anih do\.

Tơlơi ngui ngor pơplông tuah ia song mơ\ng  mơnuih [ôn sang djuai ania Khmer tring ]ar Sóc Trăng thun anai hơmâo 51 grup amăng tring ]ar hăng gah rơngiao kơ tring ]ar nao pơplông hro\m, amăng anun, hơmâo 40 grup tuah ia song  pơplông nao ataih 1.200 met hăng 11 grup pơplông ataih 1000 met. Wo\t dah mrô song nan nao pơplông thun anai aset hloh thun hlâo, samơ\ yua kưo hơmâo tơlơi djru, gleng nao mơ\ng gong gai kơnuk kơna tring ]ar, laih anun tơlơi djru mơ\ng [ing yă phơt ơi yơng [ơi hơdôm pra yang phơt gum hro\m, khul khua mua pơphun tơlơi ngui ngor anai, jing tơlơi pơplông pran kơtang pơ rơguăt drơi jăn amăng ia hơmâo ngă bơmơak laih anun ba glăi tơlơi hok kơdok kơ ană plơi. Ơi Trần Văn Hùng, Kơ-iăng Khua Gơnong bruă Gru grua boh thâo pơ rơguăt drơi jăn hăng ]ơkă tuai tring ]ar Sóc Trăng brơi thâo:

Thun anai bruă mă pơphun tơlơi ngui ngor anai hơmâo prăp rơmet tong ten biă mă, ăt kah hăng dơ\ng mơ\ng hơdră git gai wai lăng. Laih dơ\ng djo\p grup pơplông hơmâo pơto\p hrăm tong ten pha ra hăng tơđar thun. Amăng anun,  boh nik `u hơdră pơplông, thun anai gơmơi pơblih [iă, hơmâo pơplông dưi hăng [u dưi mơ\ng rơvang hơtal sa laih anun hlơi dưi mut rơvang kiăo tui dong kiăng kơ arăng ]om puăng `u djơ\ hloh.

Tơlơi ngă yang ngui ngor Oc Om Boc [udah ngă yang yang blan jing tơlơi ngă yang ngui ngor hơmâo mơ\ng đưm amăng mơnuih [ôn sang djuai ania Khmer kuăl dơnung yu\ dêh ]ar ta. Amăng tơlơi hơdip ngă yang rơbang jing gru grua hiam mơak yom biă mă kơ djuai ania Khmer, yang blan jing ano\ arăng pơpu\ biă mă amăng r^m kơ sang ano\ djuai ania Khmer, r^m kơ plơi pla ala [ôn laih anun tơlơi pơmin ngă yang rơbang tơlơi đăo amăng pran jua. Amăng tơlơi ngă yang Oc Om Boc hơmâo lu hơdră ngă yang arăng pơphun [ơi sang ano\ laih anun [ơi pra yang.

Lu bruă mă pơdah rai gru grua boh thâo ia rơgơi mơ\ng djuai ania Khmer amăng hrơi ngă yang mơak Oc Om Boc kah hăng ngă yang yang blan, ngă yang pơyơr bơnga, ngă yang ru\i hyu pruih ia amăng jơlan glông hăng djă apui kơđen diăn phai lui [ơi jơlan ia krông, hăng pơphun lu tơlơi ngui ngor pơ rơguăt drơi jăn, adoh soang amăng hơdôm hrơi ngă yang anai. Nao pơ tring ]ar Sóc Trăng amăng hơdôm hrơi anai mơak biă mă, kơdok kơdor [uh djă gru kơđom gru grua djuai ania Khmer kuăl ia krông, lo\n dăo gah dơnung dêh ]ar ta ./.

                        }ih poơblang hăng pôr : Nay Jek