VOV4.Jarai - Phrâo anai, Khul hlăk ai să Vụ Bổn, tơring glông Krông Pa], tơring ]ar Daklak hmâo gum  hrom hăng bruă gum djru kual }ư\ Siăng pơsur pơdo\ng tơdrông toa [ơi plơi Thanh Sơn.

 

Tơdrông toa anet samơ\ yôm phăn prong, djru bruă nao rai kơplah wah dua bôh să Vụ Bổn (tơring glông Krông Pa]) hăng să Ia Ô (tơring glông Ia Kar) nao rai gêh gal, pơhlôm hloh amăng bơyan hơjan ia ling dăo.

           

Plơi Thanh Sơn, să Vụ Bổn, tơring glông Krông Pa], tơring ]ar Daklak hmâo 190 bôh sang ano# hăng rơbêh kơ 700 ]ô mơnuih, hăng 6 djuai ania do# hơd^p hrom.

 

Amăng rơwang năng ai `u blan 9 truh blan 11 rim thun đơ đam plơi Thanh Sơn hăng hơdôm bôh plơi jum dar juăt hmâo ia ling dăo guang dar.

 

Bruă nao rai, du\ pơgiăng gơnam tam mă mơng đang hmua măng kual anai hluai tui kơ tơdrông toa pơkra hăng hnal kyâu răm pho\ găn Ia Rớt.

 

Biă `u, amăng bơyan hơjan, ia ling dăo, ia juar ngă bruă nao rai mơng neh wa amăng kual hăng [ing ]ơđai sang hră hu^ rơhyư\t biă.

  

Tơlơi mơ-ak mơng mơnuih [ôn sang plơi Thanh Sơn (să Vụ Bổn) lom tơdrông toa phrâo ngă giong

Yua ataih mơng kual krah să 12 km, nao rai tơnap tap anun neh wa amăng kual khom rơkâo brơi ană bă nao hrăm hră [ơi să Ia Ô, tơring glông Ia Kar.

 

Sit adai hơjan thơ ia ling dăo luh nao, đơ đam plơi pơkiăo mơnuih nao gak [ơi dua bơnah tơdrông toa kiăng ba nao rai ]ơđai nao sang hră.

 

Phrâo anai, Khul hlăk ai să Vụ Bổn hăng Khul djru gum kual }ư\ Siăng hmâo pơ phun pơsur hơdôm mơnuih gum djru pơ]ruh hrom prăk pơdo\ng tơdrông toa [ê tông găn ]roh ia Ia Rớt.

 

Tui hăng ơi Lương Xuân Ớ, Khoa plơi Thanh Sơn, ring bruă khă anet, samơ\ hmâo bôh yôm prong biă.

           

“Dưi hmâo tơlơi lăng ba mơng [ing gum djru prăk [ơi anăp hmâo tơdrông toa pioh nao rai neh wa mơ-ak biă.

 

Hlâo adih lom akă hmâo tơdrông toa, hơdôm hrơi hơjan kơthel lu, biă `u hơdôm bôh sang ano# hmâo ană bă nao hrăm hră khom do# gak lu, biă `u amăng hơdôm hrơi bơyan hơjan, amăng plơi anai kah hăng sang ano# hmâo 4, 5 ]ô ]ơđai ăt khom hmâo sa ]ô mơnuih pơ ala brơi kơ sang ano# anun kiăng nao gak, ba ]ơđai nao rai sang hră.

 

Khom gum djru pơ plih mông gak yua kơ lom ia đ^ khom do# gak na nao kiăng ba ]ơđai găn nao gah kơdih hrăm hră”.

           

Ơi Hà Văn Đề, m[s plơi Thanh Sơn brơi thâo, tơdrông toa anai [u djơ\ kơnong kơ djru m[s hăng [ing ]ơđai hơđong pran jua găn nao rai amăng bơyan hơjan ia ling dăo ôh mơ\, bruă du\ pơgiăng gơnam tam, s^ mdrô gơnam mă mơng đang hmua mơng neh wa amăng kual ăt dưi gêh gal hloh mơn, [u do# hmâo [ing hyu blơi gơnam tam pơgo# noa dong tah.

           

“Hlâo adih akă hmâo tơdrông toa anai bruă mă rai du\ pơgiăng gơnam tam bơyan hơjan [ơi anai kah hăng tơnap tap biă. Dong mơng hmâo tơdrông toa jơlan nao rai klă hloh, m[s bơwih [ong huă, ngă đang hmua, s^ mdrô [u hmâo hlơi go# noa.

 

Mơng hrơi dưi hmâo [ing thâo tơngiă, ]ơmah, lăng ba pơdo\ng brơi tơdrông toa kơ neh wa [ơi anai, lăi hrom [ing ]ơđai nao hrăm hră gêh gal hloh, pơhlôm hloh.

 

Hlâo adih akă hmâo jơlan hơdră anai, rim bơyan hơjan truh Gru\p wai lăng mă pô plơi khom pơkiăo nao mơnuih lăng tui [ing ]ơđai nao sang hră”.

           

Tơdrông toa [ê tông, pơsơi ataih 21 met tô nao rai dua bơnah hang ia Ia Rớt, jing sa amăng hơdôm ring bruă kơ m[s mă yua dưi hmâo “Kơtu hơdrôm hră pơsur bruă hrăm hră [ôn prong Hồ Chí Minh” gum hrom hăng Khul hlăk ai să Vụ Bổn hăng Khul gum djru kual }ư\ Siăng pok pơhai pơdo\ng hăng noa 190 klăk prăk.

 

Ơi Lê Ngọc Tú – Kơ-iăng Khoa Jơnum min m[s să Vụ Bổn brơi thâo, tơdơi kơ rơwang bruă dưi pok pơhai pơdo\ng, Jơnum min m[s să hmâo pơsur laih neh wa pơhư prong dong jơlan m[s nao rai djru hrom gong gai pơdo\ng plơi pla phrâo.

           

“Khul hlăk ai să hmâo pơ phô djru pơdo\ng sa bôh tơdrông toa, nao pơ\ plơi pla pơsit yôm pran jua ba jơlan hlâo mơng khul hlăk ai amăng bruă djru pơđ^ kyar bơwih [ong gêh gal kơ neh wa m[s hăng djru pơhra\m brơi ăt kah hăng djru pơdo\ng plơi pla phrâo [ơi să.

 

Hrom hăng anun, să rơngiao kơ ]ih djă pioh hơdôm khul hlăk ai le\ ăt djru, pơsur mơn neh wa plơi Thanh Sơn pe\ pha lon pơhư prong jơlan nao rai mơng 2 met truh kơ 4 met hăng tuh lon hăng să hmâo djru dong prăk apah măi dru\t djru plơi nao rai gêh gal hloh amăng bơyan hơjan ia ling dăo”.

           

Tơdrông toa Thanh Sơn găn ]roh ia Ia Rớt dưi mă yua amăng tal hơdor glăi hrơi pơdo\ng lon ia, prăp lui mut thun hrăm phrâo, pơjing rai tơlơi mơ-ak kơ hơdôm rơtuh bôh sang ano# [ơi să Vụ Bổn, tơring glông Krông Pa], tơring ]ar Daklak.

 

Bruă mă yôm phăn anai mơng Khul hlăk ai să Vụ Bổn hăng Khul gum djru kual }ư\ Siăng lăp pơ pu\ biă./.

Siu H’ Prăk: Pô ]ih hăng pôr