VOV4.Jarai - Rơwang bruă Trun tui rơnoh đuăi rơdêh – Sang hră pơhlôm” dưi pơ phô hlâo [ơi plơi prong Pleiku, tơring ]ar Gialai glăk ngă tui ba glăi bôh tơhnal.

Hrom hăng bruă jơlan nao rai găn rơgao [ơi sang hră dưi tuh pơ plai hmâo ako# tlôn, pran jua ngă tui Tơlơi phiăn nao rai [ơi jơlan glông mơng mơnuih rô nao rai [ơi jơlan ăt kah hăng am^ ama ]ơđai, ]ơđai sang hră dưi pơđ^ tui rơđah rơđông. Anai dưi lăng le\ hơdră pơphô pioh pơhư prong.

Do\ng ]ơkă ană [ơi bah amăng war Sang hră gưl sa Nguyễn Lương Bằng, phường Thắng Lợi, plơi prong Pleiku, ayong Trần Minh Đức [uh hơđong pran jua biă lom kual plăng jơlan [ơi anăp bah amăng sang hră dưi tuh pơ plai pơdo\ng hmâo ako# tlôn.

Kual pioh kơ am^ ama ]ơkă ană bă ăt dưi pơkă klă mơn, rơdêh rô nao rai ngă tui djơ\ hnal lăi pơthâo rơnoh đuăi hmar biă `u 40km lom sa mông, ba glăi tơlơi pơhlôm kơ pô:

“Tơlơi anun le\ klă biă kơ ]ơđai sang hră. Lom găn nao rai kual pioh ]ơkă ]ơđai nao rai, lu mơnuih le\ khom tơdu trun rơnoh đuăi kiăng pơhlôm kơ ]ơđai sang hră lom mut tơbiă.

Tơlơi anai ta#o hloh pơhư prong abih bang hơdôm anih anom, abih bang sang hră kiăng djă pioh pơhlôm kơ ]ơđai sang hră hăng am^ ama ]ơđai sang hră ba nao hăng ]ơkă ană bă glăi”.

Tơdu trun rơnoh đuăi rơdêh - sang hră pơhlôm ngă tui ba glăi bôh tơhnal [ơi Gialai

Ơi Nguyễn Văn Tùng, Kơ-iăng Khua Jơnum min m[s phường Thắng Lợi, plơi prong Pleiku brơi thâo, Sang hră gưl sa Nguyễn Lương Bằng giăm jơlan Lê Duẩn ăt le\ jơlan prong 19 dêh ]ar ta, rơdêh rô nao rai lu dong.

Hlâo adih, jơlan nao rai kual sang hră anai truh mông tơbiă mơng sang thơ luk puk.

Lom anun yap wot tơlơi ngă tui phiăn nao rai hai am^ ama ]ơđai [u ngă tui klă ôh.

Samơ\ kơnong kơ rơbêh kơ 1 thun pok pơhai rơwang bruă tơdu trun rơnoh đuăi – sang hră pơhlôm, hăng tơlơi gum hrom mơng gong gai, gơnong bruă wai lăng jơlan nao rai hăng sang hră, tơlơi ngă tui phiăn nao ăt kah hăng am^ ama ]ơđai sang hră hmâo pơplih laih, jing h^ kual pơhlôm [ơi jơlan nao rai [ơi anăp sang hră:

“Dưm truă hnal lăi pơthâo tơdu trun rơnoh đuăi [ơi Sang hră gưl sa Nguyễn Lương Bằng le\ dong mơng hrơi pơkra giong, mă yua truh ră anai djơ\ hăng bruă bơdjơ\ nao klă truh jơlan nao rai.

Tơlơi pơmin mơng m[s pơplih rơđah biă. Lom pok pơhai ngă tui le\ Sang hră Nguyễn Lương Bằng do\ng [ơi glông jơlan Lê Duẩn, gah rơnoh plơi pla ăt gum hrom laih mơn hăng kông ang pok pơhai bruă lăi pơhing, truh ră anai hmâo lu tơlơi pơplih klă biă [ơi jơlan nao rai kual sang hră”.

Ăt le\ sang hră dưi pok pơhai pơphô rơwang bruă “Tơdu trun rơnoh đuăi rơdêh – Sang hră pơhlôm”, yă Nguyễn Thị Nga, Khua Sang hră gưl sa Phan Đăng Lưu să Biển Hồ mơ-ak brơi thâo, jơlan nao rai [ơi anăp bah amăng war sang hră truh ră anai dưi pơplih pơkra klă biă.

Hơdôm hnal lăi pơthâo ăt dưi dưm truă djơ\ mơn. Hơdôm [irô gơgrong gah bruă anai ăt na nao pel e\p, lăng tui bruă ngă tui tơlơi pơkă rơnoh đuăi găn nao rai [ơi sang hră.

Mơng anun, [ơ [rư\ ngă pơplih tơlơi pơmin rô nao rai [ơi jơlan mơng m[s hăng hơkru\ pơsir hơdôm tơlơi akă gal, ano# gun amra ba truh tơlơi pơjrom nao rai bơdjơ\ nao ]ơđai sang hră:

“Mơ-ak biă mă hăng djơ\ pran jua hăng hơdôm bôh tơhnal sit nik mơng rơwang bruă ba glăi.

Sa le\ bah amăng war sang hră dưi pơdo\ng djơ\ hăng jơlan rô nao rai ră anai, rơhaih hăng hmâo hơdôm glông rek, jơlan glông pơkă tui rơnoh djơ\ pơhlôm tui tơlơi pơkă jơlan nao rai.

Rơngiao kơ anun hơdôm hnal lăi pơthâo rơđah, [u djơ\ kơnong kơ djru am^ ama ]ơđai sang hră, ană amôn [ơi plơi pla thâo hluh ôh mơ\ `u do# djru [ing rô nao rai [ơi kual anun ngă tui tơpă dong”.

Hnal lăi pơthâo rơnoh rơdêh đuăi trun 40 km/h

{ơi plơi prong Pleiku, Rơwang bruă “Tơdu trun rơnoh – Sang hră pơhlôm” dưi hmâo Keh prăk pơgăn rơka ruă kual ASIA gum djru hăng pok pơhai pơphô  hlâo mơng blan 4/2018 truh blan 3/2020.

Bôh than kiăng pơdo\ng sa anih anom nao rai pơhlôm hloh jum dar sang hră hluai tui hơdôm jơlan hơdră ngă kah hăng: Pơplih pơkra jơlan nao rai, kơtưn pơtô pơhra\m pơđ^ tui tơlơi pơmin mơng mơnuih mơnam, mă yua tơlơi pơkă tơdu trun rơnoh đuăi rơdêh.

{ơi anăp nao pel e\p [ơi plơi prong Pleiku, yă Trịnh Thu Hà, Kơ-iăng Khua Anom bruă Jơnum min pơhlôm jơlan nao rai lo\n ia ta brơi thâo rơwang bruă hmâo ba glăi laih bôh tơhnal yak blung a lăp djă pioh:

“Gru pơđom pioh truh kih hloh amăng sa thun blung a pok pơhai Rơwang bruă le\ tơdu truh rơnoh đuăi rơdêh mơng 50 trun do# 30 km lom sa mông [ơi jơlan găn Sang hră Phan Đăng Lưu hăng tơdu trun mơng 60 truh 40 km lom sa mông [ơi jơlan găn noa rai Sang hră Nguyễn Lương Bằng.

Tui hăng kâo [uh le\, yak blung a pok pơhai rơwang bruă tui anun le\ truh kih laih hăng hơdôm bruă pơkă ngă amăng sa thun anai”.

Tui hăng tơlơi pel e\p mơng Keh prăk pơgang pơgăn rơka ruă djai bru\ ASIA, rim thun dêh ]ar ta hmâo năng ai `u 1.900 ]ô ]ơđai djai yua kơ rô nao rai [ơi jơlan glông hăng anai le\ bôh than do\ng tal 2 ba truh tơlơi djai hăng ]ơđai muai.

Bơ\ tui tơlơi pel e\p pơkon, lom 100 rơbâo ]ô ]ơđai le\ hmâo năng ai `u 20 ]ô ]ơđai djai yua kơ rô nao rai [ơi jơlan glông, mrô anai [ơi hơdôm bôh dêh ]ar ASEAN le\ rơbêh kơ 7 hăng hơdôm bôh dêh ]ar pơđ^ kyar le\ rơbêh kơ 4.

Kiăng plai [ia\ tơlơi truh hăng ]ơđai [ơi jơlan nao rai, Keh prăk pơgang pơgăn rơka ruă djai bru\ kual ASIA hmâo pok pơhai rơwang bruă “Tơdu trun rơnoh đuăi rơdêh – Sang hră pơhlôm” [ơi 6 bôh tơring ]ar amăng đơ đam dêh ]ar ta hăng Gialai le\ sa amăng mrô hơdôm bôh tơring ]ar dưi ngă pơphô hlâo pok pơhai.

Yă Đinh Kim Phượng, Wai lăng jơlan hơdră Keh prăk pơgang pơgăn rơka ruă, djai bru\ ASIA brơi thâo, hluai tui hơdôm rơwang bruă pơphô hlâo, keh prăk amra pơsur kiăng hơdôm anih anom pơ phun pơhư prong, anăp nao truh tơlơi pơhlôm hloh dong kơ ]ơđai sang hră:

“Tơdơi kơ pok pơhai pơphô hlâo 2 thun ngă tui rơwang bruă [ơi plơi prong Pleiku, Gialai le\ [ing gơmơi ]ang rơmang hmâo sa bôh tơhnal klă hăng dưi pơsur hơdră bruă, [ơi anăp hăng tơring ]ar Gialai amra mă yua hơdôm tơlơi pơsit kiăng tơdu trun rơnoh đuăi rơdêh [ơi hơdôm kual sang hră anih hrăm djơ\ [ơi đơ đam tơring ]ar hlâo, tơdơi kơ anun ngă phun than pioh mă yua amăng đơ đam lo\n ia tơdơi anai”.

“Tơdu trun rơnoh rơdêh đuăi – sang hră pơhlôm” [u djơ\ kơnong kơ tơlơi ]ang rơmang mơng hơdôm khul gru\p pơgang ]ơđai muai jar kơmar, amăng lo\n ia ôh mơ\ `u do# jing tơlơi ]ang rơmang mơng [ing am^ ama ]ơđai sang hră [ơi Gialai dong.

Bruă pơhư prong le\ kiăng biă, yua kơ `u [u djơ\ kơnong kơ pơhlôm brơi kơ ]ơđai sang hră ôh mơ\, `u do# [ơ [rư\ pơjing [ơi rơnuk ]ơđai hăng mơnuih mơnam thâo dơlăm kơ bruă ngă tui tơlơi pơkă kơ rơnoh rơdêh đuăi lom rô nao rai [ơi jơlan glông, kiăng pơhlôm kơ drơi pô hăng djop mơnuih dong./.

Siu H’Prăk: Pô c\ih pơblang