VOV4.Jarai-Hrom hăng bruă, khom ngă klă bruă kơđi ]ar, pơgang kjăp tơlơi rơnuk rơnua dêh ]ar, [ing  tơhan kông ang tơring ]ar Daklak do\ ngă klă bruă pơtô lăi, je\ giăm ană plơi, jak iâu ngă tui djơ\ tơlơi phiăn kơnuk kơna, pok pơhai hơbo# mă bruă djru mơnuih [on sang hơmâo boh tu\ yua biă mă, mơng anun gêh gal kơ pơtô lăi tơlơi phiăn kơnuk kơna kơ mơnuih [on sang thâo hluh, pơtrut mơnuih [on sang gum hrom pơgang tơlơi rơnuk rơnua dêh ]ar.

Pô mă tơlơi pơhing Gong phun jua pơhiăp dêh ]ar Việt Nam do\ [ơi kual }ư\ siăng ]ih ră ruai glăi bruă mă hiam bă hăng tơlơi khăp pap hăng man pơdong anih hrăm hră kơ plơi [un rin, [on Yang Reh, să Yang Reh, tơring glông Krông Bông, tơring ]ar Daklak yua anom wai lăng gah bruă ngă hră pơar mut tơbiă hăng dêh ]ar ta] rơngiao Kông ang Daklak pô djru phun.

{on Yang Reh, să Yang Reh, tơring glông Krông Bông, Daklak, hơmâo 188 boh sang ano\ lêng kơ mơnuih [on sang djuai ania Êđê soh, amăng anun hơmâo 137 boh sang ano\ [un rin laih anun 36 boh sang ano\ giăm [un rin. Hơdôm thun laih rơgao, [on Yang Reh hơmâo laih mơn khoa moa djop gưl ping gah, gong gai kơnuk kơna gleng nao, ngă tui lu jơlan hơdră djru ba, samơ\ tơlơi gêh gal, gơnam tam mă bruă, mă yua ăt do\ kơ[ah. {on Yang Reh hơmâo giăm 400 ]ô ]ơđai sang hră gưl sa hăng gưl dua samơ\ khom pơpha hrăm tlam [udah mơguah [ơi sa boh anih hrăm jing sang hră anet hơmâo kơnong 6 boh anih hrăm đô].

Thâo hluh hăng pap yua kơ tơlơi kơ[ah anun, phrâo anai [ing khoa moa, ling tơhan Anom wai lăng gah bruă ngă hră pơar mut tơbiă hăng dêh ]ar ta] rơngiao mơng Tơhan kông ang tơring ]ar Daklak, ngă hrom sang bruă Siêu Thị điện máy Nguyễn Kim {uôn Ma Thuôt laih anun lu mơnuih hơmâo pran jua ]ơmah djru hrom prăk kăk blơi brơi 11 boh rơdêh tang rơwang hăng 21 anung gơnam pơko\n brơi kơ ]ơđai sang hră [un rin gir hrăm hră thâo.

Hrom hăng anun, jơnum anai hlong jao sa boh anih hrăm tơlơi khăp pap, pioh kơ bruă pơtô ]ơđai sang hră [un rin pơ [on anai, hơmâo anih hrăm phrâo kjăp hloh, rơnoh prăk man pơdong 120 klăk prăk. Đại úy Nguyễn Hà Thanh, Khoa tơdăm dra hlăk ai Anom tơhan pơlih ngă hră pơar mut tơbiă hăng ta] rơngiao mơng Anom bruă tơhan kông ang Daklak, brơi thâo, anai le\ bruă mă anăp nao pơ kual plơi pla ala [on, kual ataih tơnap tap, kiăng mơng anun hơmâo pơtô lăi tơlơi phiăn kơnuk kơna, jak iâu mơnuih [on sang ngă tui klă tơlơi pơtrun gum hrom pơgang tơlơi rơnuk rơnua dêh ]ar:

“Bruă mă anăp glăi pơ plơi pla jing bruă mă phun, ngă na nao pioh kơ khul tơdăm dra mut phung laih anun khul đah kơmơi Anom tơhan pơlih wai lăng bruă mă ngă hră pơar mut tơbiă hăng ta] rơngiao kông ang tơring ]ar. Tal anai, [ing gơmơi hrom hăng lu mơnuih pơdrong ]ơmah amăng tơring ]ar hăng gah rơngiao tơring ]ar djru hrom man pơdong sa boh anih hrăm kjăp brơi kơ sang hră gưl sa  [on Yang Reh, laih anun brơi 11 boh rơdêh tang rơwang hăng 21 anung gơnam kơ [ing ]ơđai gir run hrăm thâo. Kơnang kơ bruă mă anai, kơtưn tơlơi je\ giăm, rô nao rai tơlơi gum pơgôp kjăp hloh kơplah wah tơhan kông ang hăng mơnuih [on sang”.

Ngă tui bruă mă jak iâu [ing khoa moa, ling tơhan gah kông ang, lu anom bruă, mơnuih pơdrong ]ơmah hur har ngă bruă anăp nao kơ kual plơi pla djru mơnuih [on sang tơnap tap. Ơi Bùi Dũng, mơnuih pơdrong ]ơmah do\ pơ plơi prong {uôn Ma Thuôt, Daklak lăi:

“Thâo laih mơn tơlơi tơnap mơng mơnuih [on sang, anun ră anai anom bruă gơmơi hăng anom bruă tơhan pơlih wai lăng hră pơar mut tơbiă hăng ta] rơngiao gah tơhan kông ang tơring ]ar laih anun [on Yang Reh pơdong sa boh sang hră anet pioh kơ [ing ]ơđai sang hră tơnap tap hơmâo anih hrăm hơđong [iă. Dưi ngă bruă djơh hăng anai, gơmơi [uh mơak biă mă”.

Hơdôm bruă mă, tơlơi khăp pap mơng adơi ayong khoa moa, tơhan tơhan pơlih gah anom bruă tơhan kông ang Daklak hrom hăng anom bruă s^ mơdrô, hơmâo ngă anun pioh glăi kơ mơnuih [on sang tơlơi khăp pơpu\ hiam klă biă mă. Ơi Y Muôi Niê, khoa [on Yang Reh, să Yang Reh, tơring glông Krông Bông lăi:

“Hrơi anai, hơmâo khul tơhan kông ang glăi djru pơdong sa boh anih hrăm hră pơ [on Yang Reh gơmơi mơak biă mă, bơni kơ adơi ayong tơhan kông ang tơring ]ar. Gơmơi ]ang rơmang tơhan kông ang hăng [ing s^ mơdrô prong ăt gleng rai djru dong gơmơi kơ` pơgi ni anăp”.

Glăi hrom ană plơi pla kual ataih tơnap tap hăng mơnuih [on sang kual }ư\ siăng jing sa bruă mă yom biă mă mơng tơhan kông ang tơring ]ar Daklak, kiăng djru hrom mơnuih [on sang, sang ano\ [un rin, plơi pla tơnap tap hrưn đ^ găn rơgao tơlơi gleh glar, hơđong tơlơi hơdip mơda, gum hrom klă bruă wai pơgang rơnuk rơnua kơđi ]ar, lo\n ia ta.

Nay Jek : Pô ]ih hăng pôr