VOV4.Jarai- Hro\m hăng bruă wai pơgang lo\n ia, rơnuk rơnua [ơi dua arăt jơlan guai giăm dêh ]ar Lao hăng Kur, ri\m thun ling tơhan pơgang guai [ơi Kontum gir ngă bruă pơtô ba, djru mơnuih [on sang djo\p djuai ania amăng tơring ]ar, biă mă `u le\ kual guai lo\n ia kiăng pơđ^ kyar bơwih [ong, lo\m lui rơmon rơpa.

Dong mơng bruă hyu pơtô blang djơ\ lăp, tơhan pơgang guai Kontum man pơdong, djă bong kjăp pran jua pơlir hơbit mơng mơnuih [on sang [ơi guai lo\n ia.

Ri\m tal [ing apăn bruă tơhan, ling tơhan pơgang guai glăi pơ plơi Đăk Mế, să Bờ Y, tơring glông Ngọc Hồi ngă bruă hyu pơtô blang, iâu pơthưr ană plơi [ơi anai mơ-ak kah hăng hrơi ngui ngor.

Amăng lu bruă djru ană plơi, [ing tơhan lêng djru kih rơmet sang ano\, pong gong war, kih rơmet jơlan nao rai amăng plơi, hyu jơloh amăng bưng, đing pơđoh ia kiăng ia thâo rô…

Yua anun, plơi Đăk Mế kah hăng plơi arăng pơbuh brơi ao phrâo hiam biă mă. Amai Trần Thị Bình, sa c\ô mơnuih amăng plơi lăi tui anai:

‘’Ling tơhan glăi pơ anai djru brơi plơi Đăk Mế. Lăng nao abih bang, [ing tơhan ngă bruă abih pran jua mơtăm yơh. {ing gơ`u keh rơmet jơlan, hyu kor, jơloh amăng bưng pơđoh ia kiăng agaih amăng plơi Đăk Mế’’.

Hro\m hăng hơdôm tal hyu mă bruă iâu pơthưr pơtô ba mơnuih [on sang, [ơi hơdôm puih kơđông rôk dua arăt jơlan guai giăm dêh ]ar Lao hăng Kur, bruă hyu pơtô blang jing bruă ngă ri\m hrơi mơng [ing apăn bruă tơhan, ling tơhan pơgang guai tơring ]ar Kontum.

{u thâo hrơi mlăm, [u thâo hơjan hlim dong tah, lơ\m mơnuih [on sang [ơi hơdôm boh plơi kiăng djru le\ ling tơhan nao pơ[uh [ô| mơtăm yơh.

Dong mơng hơdôm bruă prong kah hăng man pơdong plơi pla phrâo, Pơdong Sang rông, mă yua boh thâo phrâo amăng bruă ngă hmua pla pơjing…truh kơ bruă duăm ruă [u hơmâo mơnuih nao pe\ pơhrui gơnam tam mơng hmua; tom hăng bruă pơdô| rơkơi bơnai lêng hơmâo tơhan pơgang guai soh djru ba.

Mă tơngan uă ia hâ|o rô [ơi drơi jăn lơ\m suk giong lo\n lu bôr, djru ană plơi ngă anih pơdong sang, Thượng uý Bùi Thành Đô, Puih kơđong pơgang guai bah amăng jang jar kmar Bờ Y, tơring glông Ngọc Hồi mơ-ak mơ-ai brơi thâo:

‘’Hrơi anai gum hro\m hăng ană plơi [ơi anai, kâo lăng mơ-ak biă. Hro\m hăng adơi ayong ling tơhan dong [ing gơ`u hơmâo pran jua biă, hur har pran jua ngă klă bruă arăng jao kơ [ing gơ`u’’.

Hro\m hăng djru ană plơi bơwih [ong huă pơđ^ kyar, lo\m lui tơlơi rơmon rơpa, bruă wai lăng tơlơi suaih pral [ơi anai ăt hơmâo Puih kơđong pơgang guai lăng kah hăng bruă kiăng ngă na nao mơtăm yơh.

Lu wơ\t ană plơi duăm [u truh nao pơ Sang ia jrao să [udah Anom khăm tơlơi ruă tơhan mơnuih [on sang ngă hro\m, [ing tơhan apăn bruă, ling tơhan mơng Puih kơđong tơhan [u thâo hrơi mlăm dong tah, gir găn nao amăng rưng rang, ia c\roh hnoh nao tơl sang pô ruă, khăm hăng pơtô brơi hơdră pơjrao tơlơi ruă.

Yua ơi ia jrao tơhan hmao [uh tơlơi ruă ta`, yua anun [u [iă ôh pô duăm ruă suaih duăm, huăi ba truh tơlơi djai bru\.

{rô djơ\ hrơi ngui ngor, hrơi tê|t [udah hrơi gru ling tơhan, Anom git gai tơhan pơgang guai tơring ]ar Kontum lêng pơphun hơdôm tal pơkă lăng tơlơi ruă, [ơk jrao kơ ană plơi.

~u le\ sa c\ô mơnuih juăt duăm ruă rơdăn mơtăm yơh, hơmâo ơi ia jrao tơhan pơkă lăng tơlơi ruă laih anun brơi jrao, yă Đinh Thị Điển, să Bờ Y, tơring glông Ngọc Hồi brơi thâo:

‘’{ing ơi ia jrao [ơi anai mơ-ak biă, pơjrao brơi kơ ta abih pran jua mơtăm. Pơkă lăng tơlơi ruă ăt brơi tui jrao pơtuk, jrao hơđong arăt drah, pơtă kơ ta klă biă. Jing kâo hơdor yơh’’.

Tơlơi truh kih prong hloh amăng bruă pơtô ba mơnuih [on sang hơdôm thun laih rơgao mơng [ing apăn bruă tơhan pơgang guai Kontum le\ djru ană plơi pơplih tơlơi pơmin, hơdră ngă bruă.

Hăng tơlơi pơtô blang ba mơng tơhan pơgang guai, djuai ania Rơ Măm [ơi să Mô Rai, tơring glông Sa Thầy ră anai thâo ngă pơdai ia, pla kơsu, pơđ^ kyar bơwih [ong huă amăng sang ano\ laih; dong mơng pran jua gir hyu iâu pơthưr, pơtô blang mơng ling tơhan pơgang guai Đăk Long, tơring glông Đăk Glei, djuai ania Jeh Triêng amăng să lui laih tơlơi pơhiăn [u hiam mơng đưm hlâo.

Mơ-ak hloh le\ hro\m hăng tơlơi pơ alum pơsur pran jua, djru hmao tlôn mơng ling tơhan pơgang guai, mơnuih [on sang djuai ania [iă [ơi anai khin mă bruă hrưn đ^ hơdip mơda.

Tha plơi Y Pan, djuai ania Brâu, plơi Đăk Mế, să Bờ Y, tơring glông Ngọc Hồi hok kơdok brơi thâo:

‘’Ping gah, Kơnuk kơna gleng nao yơh. Ling tơhan Pơgang guai lo\n ia nao truh pơ plơi pla, nao tơl anih. {ing gơmơi amra ngă bruă gir mă pran pô, hrưn đ^ kiăo hmao tơlơi hơdip mơnuih [on sang kual dơnung. Pla kơphê, kơsu, bời lời, hro\ trun tơlơi rơmo\n rơpa, pơđ^ kyar jai hrơi kơtang hloh’’.

Siu H’Mai: Pô ]ih hăng pôr