VOV4.Jarai - Pơtrut kơtang ba tơhan nao pơ plơi pla ala [on, djru mơnuih [on sang găn rơgao tơlơi tơnap tap, anai le\ hơdră ngă mơng tơhan kông ang tơring ]ar Daklak pơhrăm pran jua pre kơsung blah, jê| giăm hăng mơnuih [on sang, thâo hluh mơnuih [on sang.

 {rô djơ\ 55 thun Hrơi gru grua tơhan kông ang mơnuih [on sang (20/7), [ing ta gum pel e\p hơdôm bruă mă mơng tơhan pơlih blah ngă tơring ]ar Daklak, gleng nao pơ plơi pla ala [on, ngă tui 6 tơlơi Wa Hồ pơtă pơtăn kông ang mơnuih mơnam Việt Nam.

Amăng lu thun laih, [ơi lu plơi pla, kual ataih asuek mơng tơring ]ar Daklak, rup rap [ing apăn bruă, tơhan pơlih blah ngă, tơhrơi le\ trun amăng lo\n dơlut kor rok, kuăi hơnoh pođoh ia, tơkông kyâo, pơdu\ lo\n pơkra ming ring bruă jơlan glông jing tơlơi juăt [uh laih.

 {ô| mơta lăng kho\p, samơ\ tơlơi tlao rơhmac\ jing mơ-ak biă mă amăng hơdôm bruă ngui ngor, brơi gơnam tam, man pơdong sang djru sang ano\ tơnap tap. Kơnong thun 2016, Tơhan pơlih blah ngă tơring ]ar Daklak pơphun ngă 3 tal ngă bruă prong, hăng 900 c\ô apăn bruă, ling tơhan ngă hro\m, gum djru rơbêh 6 rơbâo hrơi mă bruă.

 Đại tá Hồ Bắc, Khoa Anom bruă Tơhan pơlih blah ngă, Kông ang tơring ]ar Daklak brơi thâo, anai le\ [u kơnong bruă ngă hmua pla pơjing, gum djru mơnuih [on sang đôc\ ôh mơ\ anai le\ bruă pơhrăm tơhan kiăng ngă klă bruă kơđi ]ar:

 “Sa le\ [ing gơmơi pơhrăm brơi tơhan hlăk ai thâo hơdră hơdip mơda, dua le\ pơtô kjăp bruă mă gah kông ang, rơngiao mơng bruă phun le\ kho\m jê| giăm hăng mơnuih [on sang; yua hơkru\ lo\n ia le\ bruă ngă mơng mơnuih [on sang, tơdah hơmâo mơnuih [on sang djru le\, [ing ta amra ngă truh kih.

Giong mơng anun dong, [ing gơmơi thâo to\ng ten bruă [ơi plơi pla, kiăng lơ\m pok pơhai le\ amra juăt, pơsir, ngă hro\m bruă mă kjăp phik’’.

Jing sa c\ô mơnuih kiăo tui nao nao hơdôm tal nao pơ plơi pla ala [on, Trung tá Nguyễn Công An, Khoa Tiểu đoàn-Tiểu đoàn tơhan pơlih blah ngă, Kông ang tơring ]ar Daklak lă\i tui anai: Gah plơi pla kual ataih, kual asuek, do\ hro\m hơdip hro\m, ngă bruă hro\m hăng neh met wa kah, ta thâo [uh abih tơlơi hơdip mơda [ơi anai tơnap tap, kơ[ah hiư\m pă.

 Găn rơgao abih bang tơlơi tơnap tap lơ\m glăi pơ plơi pla, [ing adơi ayong lêng mơ-ak mơ-ai, hur har pran jua lơ\m neh met wa kiăng gum djru.

Yua anun yơh, tơdơi kơ hơdôm tal ba hyu tơhan, tơlơi pơlir hơbit kơplah wah mơnuih [on sang hăng mơnuih apăn bruă, Ling tơhan pơlih blah ngă jai hrơi pơlir hơbit hloh. Trung tá Nguyễn Công An brơi thâo tui anai:

“Ngă tui klă 6 mơta tơlơi pơtô mơng Wa Hồ Kông ang mơnuih [on sang le\, tui hăng kâo pơmin anai jing hơdôm bruă ngă sit nik, to\ng ten biă mă, pơtrut tơlơi hlong ngă mă pô mơng ling tơhan,

 ăt kah hăng gum djru kiăng thâo hluh hơdôm tơlơi tơnap tap mơng mơnuih [on sang kual ataih, kual asuek, kiăng pơlir hơbit hloh tơlơi ngă hro\m kơplah wah mơnuih [on sang hăng ling tơhan kông ang amăng tơring ]ar.

 Dong mơng anun, tơhan thâo hluh rơđah tơlơi gơgrong bruă hăng bruă phun, ăt kah hăng [ơi plơi pla ala [on’’.

Hro\m hăng lu bruă ngă gum drju ană plơi pla, [ing apăn bruă  tơhan ru\i hyu tơring ]ar Daklak pơke\ hro\m hăng hơdôm anom bruă djru mơnuih mơnam pơc\ruh ha rơtuh klăk prăk, ha rơbâo anung gơnam, nao c\uă jơmư tơ`a bla gum djru neh met wa [ơi plơi pla kual asuek, ataih.

 Hơdôm anung gơnam anet đôc\, samơ\ [u kơnong lăi nao prăk kăk đôc\ ôh mơ\ ăt pơdah pran jua kiăng khăp, tơlơi gleng nao mơng  tơhan hăng mơnuih [on sang bưp tơlơi tơnap tap.

Tơlơi gleng nao anun kiăng djru plai [iă tơlơi tơnap tap brơi kơ neh met wa, ngă pơlir hơbit pran jua, pơtrut pơsur abih bang mơnuih [on sang pơgang tơlơi rơnuk rơua dêh ]ar.

Lu thun gleng nao pơ plơi pla ala [on hăng bruă gum djru tơlơi tơnap tap, djru wơ\t tơdah prăk kăk hăng pran jua, gru tơhan pơlih blah ngă tơring ]ar Daklak jing rup juăt [uh, hơmâo neh met wa amăng plơi pla kiăng khăp.

Tha plơi Ama M’tor, [ơi [uôn Hằng Nam, să Yang Mao, tơring glông Krông Bông lăi tui anai:

 “Să Yang Mao lăi hro\m, [uôn Hằng Nam lăi hơjăn, anai le\ kual ataih kual asuek hloh, rin rơpa laih anun tơnap tap biă mă.

 2 thun anai hơmâo tơhan pơlih blah ngă rai gum djru, hyu kor pơđoh ia, ngă agaih ayuh hyiăng glai klô… tum pơ[ut glăi le\,  tơhan rai djru mơnuih [on sang hơmâo pran jua mơ-ak pơlir hơbit, nao pơ pă ăt hơmâo mơnuih [on sang, ngă hro\m hăng hlăk ai, hăng mơnuih [on sang’’.

Hơmâo pran jua kiăng khăp kơ tơhan pơlih blah ngă, ơi Y Dhưn, să Bông Krang, tơring glông Lak, tơring ]ar Daklak brơi thâo:

“Yua gơnang nao tơhan ru\i hyu mơng tơring ]ar hyu kor amăng pơđoh ia, ră anai, hơmâo laih ia rô mut amăng hmua, neh met wa hok mơ-ak biă mă, nao c\oh hmua tơju\ pla…

Dua boh plơi [ing gơmơi [uăn amra ngă hro\m pơlir hơbit bơwih [ong huă, ngă hơđong kjăp tơlơi rơnuk rơnua kơđi c\ar’’.

Trun nao pơ plơi pla, brơi gơnam, mă bruă gum mơnuih [on sang, hơdôm tơhan ru\i hyu blah ngă lăi hơjăn, kông ang tơring ]ar Daklak lăi hro\m, jai hrơi thâo hluh to\ng ten hloh [ơi plơi pla ala [on, thâo hluh tơlơi c\ang rơmang mơng mơnuih [on sang.

Tơlơi khăp nao rai tơhan hăng mơnuih [on sang jai hrơi mơ-ak hloh, đăo gơnang biă mă. Hơdôm bruă mă anai ăt glăk pok prong amăng djo\p khul  tơhan kông ang laih anun jing bruă mă tu\ yua amăng tơlơi hrăm hră, ngă tui gru grua Wa Hồ, ngă tui 6 tơlơi Wa Hồ pơtô tơhan kông ang mơnuih [on sang.

Siu H’ Mai – Siu H’ Prăk: Pô ]ih hăng pôr