VOV4.Jarai- Soọng Cô le\ er tơlơi adoh hmư\ mơak biă mă gah djuai ania Sán Dìu [ơi Việt Nam. Anai le\ er tơlơi adoh hrom hăng jua pơtưh pơtruh brơi kơ mơnuih hmư\ tơlơi khăp, ano\ kiăng mơng djuai ania Sán Dìu amăng bruă mă do\ dong [ong huă hrim hrơi, arăng pơdah thâo amăng tơlơi adoh, anih mơ\ dưi djă pioh gru grua kơ djuai ania ană mơnuih ta.

            Tui hăng tơlơi Sán Dìu, Soọng le\ adoh, Cô le\ pơtưh. Er tơlơi adoh hăng tơlơi pơtưh `u nao hrom hmư\ mơak, rơ-un mơai, dưi tơma amăng pran jua mơnuih hmư\ hlơi thâo hluh, pô adoh pơtruh brơi tơlơi `u kiăng pia, ia `u kiăng răo ngă pơhư] pran jua arăng. Djuai ania Sán Dìu ăt hơdor pioh mơn, phun akha kơ tơlơi adoh đưm djuai ania pô. Đưm đă ră hlâo adih, lo\n hăng adai do\ je\ giăm nao rai đu], hơmâo plơi pla anun plơi prong pơdrong asah, do\ gah iao giăm hang ia krông, lăng tơl [uh po# amăng ia krông hiam mơak. Tu\ kơ ha hrơi anun, ơi adai hil, ngă ia krông đ^ blai hang, ia dăo abih ngă djai mơnuih mơnam, hlô mơnong arong aroa]. Amăng plơi anun, kơnong hơmâo [ing bơn dua adơi amai đu] do\ hơdip, gơ`u ta` mut do\ amăng gêt ia krô, ia huăi kơdrăm ôh. Tơl ia thu, lăng djop mơnong djai, ană mơnuih [u hơmâo dong tah anun dua adơi amai gơ`u pơdo\ jing rơkơi bơnai kiăng kơ hơmâo djuai ană mơnuih mơnam jing djuai ania Sán Dìu. Truh tơdơi anai, plơi pla lu mơnuih samơ\ sa kơnung đu], anun yơh đuăi hyu e\p plơi pla pơko\n pơdo\ ung mo# rơkơi bơnai. Kiăng kơ gơyut pơ plơi gah adih dlưh pran jua, gơ`u adoh hăng puăi pơtưh nao rai yơh. Mơng anun hơmâo er tơlơi adoh Soọng Cô hlong truh ră anai.

            Ăt kah hăng lu er tơlơi adoh đưm djuai ania pơko\n mơn, Soọng Cô mơng djuai ania Sán Dìu glăk ]i rơngiă tui laih yua dah tơlơi adoh phrâo rơnuk anai soa tu\ yơh anih do\. Khă hnun, [ơi lu plơi pla amăng kual Hà Phong, Hạ Long, Cẩm Phả hăng Vân Đồn tơring ]ar Quảng Ninh ăt do\ djă pioh đu], laih anun pơđ^ tui tơlơi adoh đưm Soọng Cô amăng tơlơi hơdip mơda hrim hrơi kah hăng gơnam [ong huă pơ]em kơ pran jua tơlơi mơak [u dưi kơ[ah ôh mơng djuai ania Sán Sìu. Ơi Trương Bình Minh, Khoa khul adoh đưm Soọng Cô phường Hà Phong lăi:

            Kâo [uh hơdôm thun hlâo adih, ngă khoa [ut plơi amăng [on prong, anai ăt jing plơi pla mơnuih [on sang djuai ania Sán Dìu do\, anun kiăng ako\ pơjing khul djă pioh adoh soang gru đưm djru kơ ană plơi pla anăm ngă rơngiă h^ ôh gru grua đưm djuai ania pô. Yua kơ anun gơmơi ako\ pơjing khul adoh soang Soọng Cô pha ra hơjăn kơ djuai ania Sán Dìu dưi hơmâo Ping gah kơnuk kơna tu\ yap.

            Hrup hăng er tơlơi adoh sli, lượn gah djuai ania Tày, Nùng laih anun tơlơi adoh sình ca gah djuai ania Cao Lan, Soọng Cô mơng djuai ania Sán Dìu jing tơlơi adoh mơak, tơlơi khăp pơtưh nao rai kơplah wah đah rơkơi hăng đah kơmơi, dưi djă pioh mơng rơnuk anai truh kơ rơnuk pơko\n. Djuai ania Sán Dìu hor adoh Soọng Cô biă mă yua dah `u jing tơlơi adoh je\ giăm hăng ană plơi pla, bruă mă hrim hrơi, puăi tlao mơak, tơpă, lăi pơthâo tơlơi kiăng, boh pia, tơlơi ră ruai mơng mơnuih mă bruă ngă hmua.

            Tơlơi adoh, boh pia amăng tơlơi adoh Soọng Cô huăi hơmâo tơlơi pơgun yua kơ hrơi blan, anih do\, tơlơi mă bruă ôh. Arăng adoh abih ha mlam, abih ha hrơi, lu mlam, lu hrơi mlam tu\ mơn, amăng sang, amăng hmua, pơ anih ngui ngor dưi soh. Yua kơ anun, adoh Soọng Cô jing h^ sa tơlơi [ong huă gah bơngăt jua [u dưi kơ[ah ôh amăng tơlơi hơdip mơda mơnuih djuai ania Sán Dìu. Ơi Tạ Trung Xuân, ding kơna amăng khul adoh Soọng Cô, phường Hà Phong pơ-ư pơ-ang tui anai:

            Boh yom mơng tơlơi adoh Soọng Cô lăi đ^ tơlơi ư ang kơ djuai ania, ngă kơ pran jua mưn kah hăng hơmâo sa ]ơnuh bơnga anet amăng ha po\ bơnga prong lom 54 djuai ania  adơi ayong. Yua kơ anun, khom pơjing rai djă pioh hăng pơđ^ tui, tui hăng Hră pơtrun mơng ding jum kơđi ]ar pơkă, ako\ pơdong atur gru grua Việt Nam hiam mơak djă pioh ia rơgơi tơlơi kơhnâo djuai ania.

            Ră anai, bruă djă pioh pơtô glăi gru grua yom tơlơi adoh Soọng Cô kơnong pok pơhai amăng khul adoh soang lom plơi pla. Khă hnun, hơdôm tơlơi adoh kơnong hrăm  nao rai mơng pô anai adoh, pô adih hmư\ hla tui, djă pioh amăng pran jua, aka [u ]ih pioh amăng hră pơar ôh. Laih dong, [ing thâo adoh lêng kơ tha rơma laih, [ing ]ơđai rơnuk anai djuai ania Sán Dìu [u hrăm thâo hroaih tơlơi pơhiăp djuai ania pô anun yơh hrăm adoh jai kraih tơnap hloh, djă pioh tơlơi adoh anai. Yua kơ anun, er tơlơi adoh anai jai hrơi ]i rơngiă h^ đu].

            Amai Lam Thị Hải kơ-iăng khoa Khul adoh Soọng Cô plơi prong Hạ Long lăi:

            Kâo [uh rơđah yơh gru grua djuai ania anai, anun kâo kiăng [ing ơi yă met wa pô hlơi do\ thâo, khom pơtô glăi kơ ană tơ]ô rơnuk tơdơi djă pioh gru grua đưm anai mơng djuai ania pô, kah hăng er tơlơi adoh Soọng Cô djru kơ tơlơi adoh anai huăi rơngiă h^ soh sel.

            Ră anai, mrô mơnuih adoh Soọng Cô [u lu dong tah. Djop khul adoh soang [u djop ding kơna ngă hrom pioh tu\ yap, kơnong khul adoh soang Soọng Cô [ơi phường Hà Phong plơi prong Hạ Long đu] dưi yap Khul adoh soang gru grua đưm mơng Anom wai lăng khul gru grua hơ\k hơr adoh soang  tơring ]ar Quảng Ninh. Pơ anăp anai, Khul adoh soang Soọng Cô Bình Dân pơ Vân Đồn amra hơmâo Anom bruă wai lăng khul gru grua hơ\k hơr adoh soang tơring ]ar Quảng Ninh tu\ yap mơn, yua dah pơs^t laih lom lơ 18/11. Kiăng djă pioh hăng pơđ^ tui boh yom kơ gru grua adoh soang Soọng Cô khom pơtrut pơsur [ing hlak ai tơdăm dra ako\ pơjing khul adoh soang amăng plơi pla, laih anun hơduah e\p djă pioh, ]ih glăi, in amăng hơdrôm hră, pơkra hơdră adoh soang pơdah kơ mơnuih [on sang hmư\. Ba tơlơi adoh soang anai dưi tơma amăng tơlơi hơdip mơda mơnuih [on sang djop djuai ania [iă kual ]ư\ siăng, kual ataih. Tui anun kah, tơlơi adoh Soọng Cô dưi djă pioh gru grua hiam pha ra hơjăn gah djuai ania Sán Dìu, bra hyu hrom 54 gru grua djop djuai ania amăng dêh ]ar Việt Nam.

                                                                        Nay Jek: Pô ]ih hăng pôr