Anih bơkơtưn mrô 3 hơmâo Anom pơphun bruă mơ̆ng 13 anom bruă ping gah tơring čar, ƀôn prong kual Tong Krah - Dap Kơdư. Yua Anom pơphun bruă Ping gah ƀôn prong Đà Nẵng ngă anih krăp lăng phun. Thun 2023, Anom pơphun bruă ping gah hơdôm boh tơring čar, ƀôn prong amăng kual hơmâo čih pơkra, ngă bruă amăng thun, ruah mă hơdôm bruă yôm phun, čih pơkra hơdră ngă bruă rơđah rơđông tui rim blan, 3 blan ha wơ̆t đah mơ̆ng pơphô bruă, pơphun ngă tui jơlan hơdră hơmâo ba tơbiă.

Bruă hơkrŭ, akŏ pơdong ping gah, pơđĭ kyar mrô mơnuih ping gah hơmâo lăp đing nao, hơmâo laih lu hơbô̆ bruă, hơdră ngă bruă hiam či pơđĭ tui anŏ klă bruă jơnum ping gah. Hơdôm boh tơring čar ƀôn prong pơplih phrâo bruă pơtŏng glăi, apah bơni mơnuih ping gah pơhlôm sit nik, gơñăm nao bruă pel ĕp, sem lăng, pơkra glăi hơdôm tơlơi aka ƀu dưi ngă đah mơ̆ng djơ̆ tơlơi phiăn ba bruă mă mơ̆ng ƀing khua, mơnuih ping gah jai hrơi klă tui.