Amăng mrô prăk tui hăng akŏ bruă tuh pơ alin kơ bruă čar rơnuč thun 2026 yua Khua dêh čar jao, Dak Lak hơmâo mă yua 5.828 klai prăk, dưi ngă djop 67%, dăp mrô 25/34 boh tơring čar, ƀôn prong. Hnơ̆ng ngă bruă ba yua prăk dŏ kaih lĕ yua lu phun ñu ba truh, amăng anun gun yua pơklaih ala lơ̆n duh glăi, ngă hră pơar, prăk duh jia yua lơ̆n hăng hơdôm rơnoh prăk phrâo dưi jao ngă.

Tui hăng tơlơi jŭ yap glăi rơnoh prăk, Gơnong bruă prăk kăk tơring čar Dak Lak dăp 3 jơlan hơdră kiăng pơđĭ tui rơnoh mă yua prăk tuh pơ alin kơ bruă čar năng ai 95%. Amăng anun, tơring čar pơtrut hmar ba yua prăk kăk amăng črăn tuh pơ alin čuk pơkra jơlan rơdêh đuăi hmar, man pơdong sang hră đôm lăm dua gưl ƀơi hơdôm să giăm guai dêh čar laih anun rơnoh prăk mơ̆ng jơlan hơdră dêh čar djru.