Tui hăng tơlơi lăi pơthâo, rơwang thun 2021-2024 Nghệ An hơmâo rơnoh đĭ kyar giăm 8%, prăk pơhrui yap tui akŏ mơnuih hơmâo 62 klăk 500 rơbâo prăk thun 2024. Amăng 3 thun rơgao, Nghệ An lêng kơ dong amăng grup 10 boh tơring pơhưč prăk tuh pơ alin mơ̆ng čar rơngiao lu hloh amăng dêh čar ta. Kơnong jơlan hơdră djru man pơkra sang dŏ kơ sang anŏ ƀun rin, tơring čar hơmâo man pơkra giong rơdêh 16.000 boh sang, hơmâo 3/4 mrô pơkă; Hơdôm hơdră djru kơ mơnuih hơkrŭ lŏn ia hăng djru mơnuih tơnap tap bơwih ƀong hơmâo ngă na nao, lăng ba tơlơi hơdip mơda, dŏ dong ƀong huă mơ̆ng mơnuih ƀôn sang.

Bruă akŏ pơdong Ping gah hơmâo ngă abih bang: Ngă tañ, hmao kru bruă dưm dăp, ngă hơbôt, pơhrŏ trun mơnuih mă bruă hăng pơđĭ tui boh tŭ yua bruă mă mơ̆ng djŏp khul grup kơđi čar djŏp gưl. Tŏ tui akŏ pơdong, hơkrŭ kjăp grup ping gah, pơđĭ tui mơnuih ping gah amăng kual mơnuih ƀôn sang tui tơlơi đăo, kual ataih yaih hăng amăng anom bơwih ƀong ƀu djơ̆ kơnuk kơna akŏ pơdong...