VOV4.Jarai - Tlam lơ 18/6, ƀơi sang bruă Kơnuk kơna, Khua dêh čar ơi Phạm Minh Chính git gai Jơnum đơ đam dêh čar prăp rơmet kơ Tal pơplông abih anih 12 thun 2025.

VOV4.Jarai - Lơ 18/6, Ping gah tơring čar Gia Lai pơphun Jơnum sem lăng, pơsit pơđut hĭ bruă mă mơ̆ng hơdôm ping gah tơring glông hăng akŏ pơdong hơdôm ping gah să phrâo tui hơdră dăp glăi anom bruă kơnuk kơna.

VOV4.Jarai-Tơring čar Gia Lai hlăk pok pơhai tal hyu ĕp lăng, ngă kơđi khut khăt ƀing ngă soh glăi sĭ mơdrô pleč ƀlor, pơkra gơnam sĭ mơdrô ngă mă ča hăng soh glăi tơlơi dưi ngă pô boh thâo ia rơgơi. Tal hyu ĕp lăng anai djru hrŏm ngă hơđong bruă pơgang tơlơi dưi kơ mơnuih ƀôn sang blơi yua hăng pơđĭ tui boh tu yua wai lăng bruă kơnuk kơna.

VOV4.Jarai-Lâm Đồng hơmâo bơtơhmal 39 grup hăng giăm 1.300 čô mơnuih Ping gah ngă soh.

VOV4.Jarai-Mơguah lơ 18/6, ƀơi ƀôn prong Hồ Chí Minh, Khua git gai Ping gah dêh čar ơi Tô Lâm git gai mông mă bruă hăng Khul apăn bruă Ping gah ƀôn prong Hồ Chí Minh, Ping gah tơring čar Bà Rịa Vũng Tàu hăng Bình Dương kơ boh than ngă tui sa, dua bruă jao pơđĭ kyar bơwih ƀong huă mơnuih mơnam, bruă pơjing Ping gah 6 blan rơgao hăng bruă ngă tui hơdôm tơlơi pơtrun, tơlơi klah čun mơng gơnong glông ƀơi 3 boh tơring čar, ƀôn prong.

VOV4.Jarai - Ƀrô djơ̆ tal hơdor glăi 100 thun Hrơi hră pơhing hơkrŭ Việt Nam (21/6), Ping gah Ƀirô pơtrun bruă Quân khu 7 pơphun bưp ƀô̆ mơta Jơnum min pơtô bruă Ping gah hăng pơtô ba mơnuih ƀôn sang, gơnong bruă bôh thâo hăng bơkơjăp drơi jăn hơdôm bôh tơring čar, ƀôn prong, hơdôm bôh ƀirô pôr pơhing, hră pơhing hăng jao hră apah bơni kơ hơdôm khul grŭp, mơnuih.

VOV4.Jarai-Pioh hơdor glăi 100 thun hrơi akŏ pơjing hră pơjing ngă hơkrŭ Việt Nam, tlam anai (17/6), ƀơi plơi prong Kon Tum, Jơnum min mơnuih ƀôn sang tơring čar Kon Tum pơphun bưp ƀô̆ mơta, pơpŭ ƀing čih tơlơi pơhing ba gru hăng jao pri hră pơhing tơring čar Kon Tum tal XIII.

VOV4.Jarai-Ƀơi Ƀirô kơnuk kơna, Kơ-iăng Khua dêh čar ơi Nguyễn Chí Dũng git gai jơnum kơ akŏ bruă klah čun ngă tui tơlơi pơtrun gơnong glông 5 tal XII kơ anom bơwih ƀong sĭ mơdrô kơnuk kơna (tơlơi pơtrun mrô 12-NQ/TW).

VOV4.Jarai-Tlam lơ 17/6, ƀơi Sang hră pơtô bruă kơđi čar dêh čar Hồ Chí Minh, Khua git gai Ping gah dêh čar ơi Tô Lâm hơmâo mông hiăp bit ƀơi anih pơtô hrăm, črâo brơi boh thâo kơ ƀing apăn bruă dưm dăp ngă Ding kơna Khul apăn bruă Ping gah tal 14.

VOV4.Jarai - Amăng mông bơkơtuai, ƀing khua pơ ala lăi pơthâo kơ tơlơi lông ba tơbiă amăng rơwang phrâo, ba tơbiă hơdôm bruă pơsir kơ mơnuih mă bruă pôr pơhing djơ̆ tui tơlơi kiăng pơđĭ kyar.