Đĭ pơhiăp git gai mông jơnum, Khua mir sir ơi Lương Cường rơkâo Ping gah ling tơhan, Ding jum ling tơhan tŏ tui git gai ngă tui klă bruă pơphô bruă brơi Ping gah, Kơnuk kơna kơ ling tơhan, wai pơgang rơnuk rơnua. Gơgrong, hơdeč hmar, hrưn đĭ klă dong amăng kơsem min, lăi pơthâo, hơmâo hơdră pơsir hĭ tŭ yua amăng djop mơta, anăm brơi sư̆ rơbư̆, ƀu hmao thâo.

Laih dong tŏ tui hruă kjăp, ngă tui khut khăt, ba glăi tŭ yua jơlan gah wai pơgang amăng abih bang mơnuih, gum blah ngă mơng mơnuih ƀôn sang, wai pơgang lŏn ia ta amăng rơnuk phrâo, hăng tơlơi pơsit lăng “mơnuih ƀôn sang lĕ phun”; hrưn đĭ ngă klă, tŭ yua wai lăng kơnuk kơna amăng bruă ling tơhan ƀơi djop gưl. Khua mir sir ăt rơkâo Ding jum ling tơhan đing nao pơjing ling tơhan ngă hơkrŭ, kjăp bruă, pơplih phrâo kiăng wai pơgang kjăp rơhuông adai, kual ia rơsĭ, ƀơi guai lŏn ia, amăng lăm lŏn ia, amăng plang internet hăng hơdôm anih akŏ phun.