Pơtrut tui tơlơi gơgrong akŏ pơdong khul gum pơgôp djuai ania, ƀơi mông Jơnum ruah khua tal sa, rơwang thun 2025-2030, pơphun amăng dua hrơi lơ 16 hăng 17/12, Jơnum min djŏp djuai ania mơnuih mơnam Việt Nam tơring čar Dak Lăk pơsit 6 jơlan hơdră ngă bruă akŏ phun, anăp nao kiăng abih bang mơnuih tŭ ư, pơtrut tui pran mơnuih ƀôn sang amăng rơwang phrâo.

Thun blan rơgao, Jơnum min djŏp djuai ania mơnuih mơnam Việt Nam tơring čar Dak Lăk pơtrut tui tơlơi gơgrong akŏ phun akŏ pơdong khul gum pơgôp djuai ania; abih bang mơnuih ƀôn sang tŭ ư, jing phun atur yom kiăng tơring čar hơđong hăng đĭ kyar amăng rơwang bruă hơmâo lu tơlơi pơplih anom bruă kơnuk kơna, gong gai ƀon lan. Jơnum min djŏp gưl tơring čar Dak Lăk ăt pơdah rơđah tơlơi git gai, kah pơpha bruă mă, iâu pơthưr khul grup, mơnuih mơnam gum djru, wai lăng ba tơlơi hơdip mơda mơnuih ƀôn sang; hmư̆ hing lĕ gum ngă bruă lŏm lui sang dŏ tơ̆i phô̆; iâu pơthưr tañ, kah pơpha prăk djru kơ Mơnuih ƀôn sang pơsir hĭ tơlơi truh lŏn adai ngă, pơhlom djru djơ̆ pô, djơ̆ mông kiăng djru. Mông jơnum ruah khua hơmâo pơsit 6 jơlan hơdră ngă bruă akŏ phun hăng 13 hơnong pơkă rơđah amăng rơwang thun 2025-2030./.