Pơhiăp ƀơi mông jơnum, Khua dêh čar ơi Phạm Minh Chính lăi dlăm kơ boh than hơmâo ngă amăng bruă lŏm lui sang dŏ tơ̆i phô̆ , “bruă mă hơdeč hmar”, amăng 1 thun 4 blan iâu pơthưr lŏm hĭ rơbêh 334 rơbâo boh sang dŏ tơ̆i phô̆ ƀơi đơ đam dêh čar, jing sang dŏ phrâo hiam biă. Hăng sang dŏ djru mơnuih tơnap.

Khua dêh čar lăi nao hơdôm bruă hơmâo ngă hok kơdok biă mă, lơ̆m mrô pơkă amăng thun 2025 lĕ pơkra giong 100 rơbâo boh sang djru mơnuih tơnap, truh ră anai hơmâo ngă giong hăng rơgao mrô pơkă năng blung. Hăng tơlơi ngă bruă anai, Khua dêh čar đăo kơnang, kaih hloh amăng thun 2028 amra man pơdong giong 1 klăk boh sang djru mơnuih tơnap. Khua dêh čar kiăng đĭ kyar bruă mơdrô lŏn sang đang hmua klă hiam, hơđong; hơmâo lu prăk čan či ngă bruă mơdrô lŏn sang hluai tui sang bruă prăk, hră čan prăk mơ̆ng pô tuh pơ alin, ngă hrŏm kơnuk kơna hăng mơnuih ƀôn sang...Pran jua ngă bruă mơak, ƀrô ngă hơđong nua prăk, prăk kơmlai, ƀrô dưi pơgăn pơđĭ nua ča čot; wai lăng klă nua lŏn dŏ, sang hmua; laih dong akŏ pơjing anih blơi sĭ lŏn sang đang hmua, pơsir hĭ tơlơi dŏ tơnap amăng bruă sĭ mơdrô lŏn sang, đang hmua.