Tlam lơ 15/12, ƀơi Hà Nội, Khua dêh čar ơi Phạm Minh Chính pơhmư̆ mông ngă lơphet 50 thun akŏ pơdong Jơnum min Guai dêh čar hăng brơi Miđai Mă bruă mrô sa kơ grup mă bruă Jơnum min Guai dêh čar, Ding jum pơtom hiăp. Pơhiăp ƀơi mông jơnum, Khua dêh čar lăi, guai dêh čar jing anih pơ ala yom biă, pơlir hăng anih dŏ dong ƀong huă, hơdip mơda mơ̆ng djuai ania Việt Nam. Khua dêh čar pơsit, bruă wai lăng guai jing bruă akŏ phun mơ̆ng Ping gah, mơnuih ƀôn sang, ling tơhan, hăng pran jua ngă hmua “rim čô mơnuih pơ guai jing sa gong tơmeh hơdip”.

Mơnuih ngă bruă ƀơi guai kiăng thâo hluh dlăm, rơgơi gah gru grua, boh thâo, thun blan hing ang, thâo rơđah anih anom đah mơ̆ng pơsir tơlơi rung răng, pơgang ba tơlơi gêh găl dêh čar ƀơi mông jơnum bơkơtuai hăng ƀơi lŏn tơnah hơmâo sit amăng hră pơ-ar. Khua dêh čar kiăng Jơnum min Guai dêh čar pơhlom klă kơ dêh čar - djuai ania, bong kjăp tơlơi rơngai, dưi wai lăng lŏn ia pô, abih bang kual lŏn, ngă brơi anih hơdip rơnuk rơnua rơngai na nao, hơđong kjăp, akŏ pơdong jơlan guai rơnuk rơnua, ngă hrŏm mơ-ak, pơđĭ kyar kjăp./.