VOV4.Jarai - Mơguah tom brơi (lơ 17/6), ƀơi Hà Nội, Sang hră pơtô kơđi čar dêh čar djă anăn Hồ Chí Minh pơphun Jơnum bơkơtưn khăp kơ lŏn ia tal 6 (2025-2030).

VOV4.Jarai - Kơ-iăng khua mir sir yă Võ Thị Ánh Xuân - Kơ-iăng khua tal sa Khul apah bơni mơ̆ng Gơnong dlông, hrŏm hăng 193 čô khua jing mơnuih rơgơi mơbruă bơkơtưn khăp kơ lŏn ia rơwang thun 2020-2025 mơ̆ng Sang hră prong hăng hơdôm boh sang hră kơđi čar tơring čar, ƀôn prong nao pơhmư̆ tom.

VOV4.Jarai - Ping gah tơring čar Kon Tum jao kơ djŏp gưl lăng glăi, ngă giong bruă iâu mơnuih ngă bruă, anih anom, rơdêh, gơnam yua...pơhlôm ba anom bruă gưl să dưi mă bruă sit nik amăng lơ 1/7.

VOV4.Jarai-Amăng tơlơi hơdip phrâo hăng pơđĭ kyar lŏn ia, ƀing mơnuih Ping gah hlăk ai jai hrơi pơdah tơlơi gơgrong ba jơlan hlâo, ba gru amăng djop mơta bruă amăng tơlơi hơdip mơda. Ƀơi tơring čar Dak Lak, lu mơnuih Ping gah hlăk ai ƀu djơ̆ kơnong gir run amăng pơhrăm pô, pơgiong klă hloh bruă jao đôč ôh mơ̆ ăt ngă lar hyu pran jua hur har ngă bruă yua kơ mơnuih mơnam. Mơng plơi pla truh pơ sang hră, mơng anih anom mă bruă truh pơ kual ataih, asuek, ƀing gơñu lĕ ƀing mơnuih glăk pơgôp ngă lar hyu tơlơi pơmĭn klă, kơ pran jua pơjing plơi pla lŏn ia.

VOV4.Jarai - Mơguah lơ 16/6, tŏ tui jơlan hơdră jơnum lok 9, Khua mua pơ ala mơnuih ƀôn sang dêh čar tal 15 hơmâo pơsit brơi Tơlơi pơtrun čih pơkra glăi, pơhrua tui hơdôm tơlơi mơ̆ng Phiah phiăn thun 2013.

VOV4.Jarai-Tlam lơ 16/6, ƀơi Hà Nội, Khua mua apăn bruă ping gah phun Jơnum min djop djuai ania mơnuih mơnam, djop khul grup mơnuih tơpuôl ƀơi gơnong dlông, khua mua apăn bruă phun Jơnum min djop djuai ania mơnuih mơnam Việt Nam, pơphun jơnum bưp ƀô̆ mơta djop sang bruă čih tơlơi pơhing ƀrô hơdor glăi 100 thun hrơi Hră pơhing phrâo hơkrŭ Việt Nam lơ 21/6.

VOV4.Jarai - Mơguah lơ 16/6, Khau git gai Ping gah ơi Tô Lâm ba jơlan khua mua ngă bruă hăng Khul khua apăn bruă Ping gah ƀôn prong Hà Nội kơ bruă pel ĕp Tơlơi pơtrun, Tơlơi tum pơƀut mơ̆ng Ping gah, pơphun Jơnum ruah khua ping gah djŏp gưl hăng dăp glăi anom bruă kơnuk kơna.

VOV4.Jarai - Hluai tui pran jua ngă tui Tơlơi pơtrun pơsit mơ̆ng Ping gah dêh čar kơ bruă pơmut hrŏm 3 bôh tơring čar Lâm Đồng, Bình Thuận hăng Dak Nông, bơkơtuai pơsit jơlan gah pơđĭ kyar bơwih ƀong – mơnuih mơnam tơring čar Lâm Đồng (phrâo) rơwang 2026-2030 hăng hơdôm thun tô̆ tui phrâo dưi pơphun. Bơkơtuai đing nao pơsit abih bang tơlơi hmâo, pơsit tơhnal gal, tơhnal pơđĭ kyar, ba tơbiă hơdôm jơlan pơsit bruă khom ngă hăng jơlan pơsir sit nik pioh prăp lui gru than pơblang hăng mă yua čih pơkra Hră pơ-ar jơnum khua pơ ala Ping gah tơring čar Lâm Đồng (phrâo) rơwang bruă 2025-2030.

VOV4.Jarai - Mơguah lơ 15/6, ƀơi sang bruă pơ ala mơnuih ƀôn sang, Khua git gai pơ ala mơnuih ƀôn sang dêh čar ơi Trần Thanh Mẫn git gai jơnum ngă lơphet 100 thun hrơi hră pơhing hơkrŭ Việt Nam hăng anăn “Tơlơi phiăn, hơdră djru kiăng đĭ kyar hră pơhing hơkrŭ Việt Nam”.

VOV4.Jarai-Tơring čar Gia Lai hơmâo pơphun man pơdong, pơkra ming rơbêh 7.900 boh sang, dưm dưm rơbêh 97% tui tơlơi pơkă amăng jơlan hơdră ruh pơkra glăi sang dŏ jang jai, sang tơ̆i phŏ.