Amăng mông jơnum, kơ-iăng Khua dêh čar đing tơngia hmư̆, sem lăng hăng pơlăi nao rai, lăi glăi tơlơi tơña, tơlơi rơkâo đĭ mơng mơnuih ƀôn sang bơdjơ̆ nao hơdôm bruă bơwih ƀong huă-mơnuih mơnam, tơlơi hơdip mơnuih ƀôn sang ƀơi ƀon lan. Hăng boh tơhnal kơ biên chế ƀing nai pơtô, kơ-iăng Khua dêh čar lăi pơtong, anai lĕ tơlơi glăm ba mơng ƀon lan, samơ̆ hruă kjăp tơlơi pơkă “hơmâo čơđai hrăm kiăng hơmâo nai pơtô”, pơgang brơi tơlơi dưi hrăm hră hăng klă tui bruă pơtô pơjuăt.

Kơ prăk apah ƀing apăn bruă gưl să, kơ-iăng Khua dêh čar brơi thâo hơdôm tơhnal pơkă, hơdră bruă glăk tŏ tui pơhrua, pơgiong; lơm aka ƀu pơplih pơkra glăi mrô prăk apah phrâo, kơnuk kơna him lăng thun 2026 amra tŏ tui pơplih mrô prăk apah. Kơ-iăng Khua dêh čar pơsit tong Bắc Ninh lĕ sa amăng hơdôm bơnah pơđĭ kyar yôm phun amăng đơ đam dêh čar, kual bơwih ƀong pơprong, pơđĭ kyar kơtang, tơlơi hơdip mơnuih ƀôn sang ƀu pơdơi hrưn đĭ.