Khua dêh čar kiăng Khul wai lăng tơdron rơdêh por jar kmar Long Thành iâu pơthưr ƀing gơgrong tuh pơ alin ngă bruă kơtang hloh “3 ca, 4 kip”, ngă tơhrơi ngă mlăm mơtăm, tui anun kiăng pơtrut pran jua kơtang hloh; kih rơmet anih anom, kuăi dor hăng pla rok ƀơi tong krah lan, gah ngŏ hăng gah yŭ tơdron rơdêh por.

Khua dêh čar kiăng Tơhan kual 7, Ding jum Ling tơhan, pơkiăo nao dong mơnuih mă bruă hrŏm hăng Khul wai lăng bruă pơkra Tơdron rơdêh por jar kmar Long Thành kih rơmet, pơhlom brơi bruă čơkă rơdêh por por nao rai blung a amăng lơ 19/12 anai hiam klă. Khua dêh čar đăo kơnang, hơdôm khul grup, mơnuih bơdjơ̆ nao amra gir hloh dong đah mơ̆ng ngă giong tañ hloh, ba mă yua tơdron rơdêh por Long Thành gưl jar kmar, hơmâo anih anom jơlan pơtrun bơbruai, đĭ kyar bơwih ƀong gah rơdêh por, anih anom rơdêh por tui tơlơi git gai mơ̆ng Khua git gai Ping gah ơi Tô Lâm.