Dua kơčăo bruă anai amra man pơkra mơ̆ng lơ 19/12, him lăng pơkra giong amăng thun 2030, krĕp 100 thun akŏ pơdong Ping gah. Lăi nao dua kơčăo bruă prong mơ̆ng plơi prong jưh jom, tơlơi pơgôp hiăp mơ̆ng ƀing khua pơ ala mơnuih ƀôn sang ƀôn prong tŭ ư biă mă kiăng hơdôm kơčăo bruă anai pơtrut pơsur, ngă găl brơi plơi prong jưh jom đĭ kyar amăng hơdôm thun pơ anăp, biă ñu lĕ gum đĭ rơnoh bơwih ƀong 2 mrô mơ̆ng thun 2026 hăng hơdôm thun pơ anăp dong.

Kơ bruă pơkra jơlan prong hiam ia krông Hồng, tui hăng pô pơ ala Trịnh Xuân Quang, jing kơčăo bruă yom biă mă, djru pơtrut đĭ kyar prong hloh, kơtang hloh kơ bơwih ƀong huă mơnuih mơnam, đĭ kyar anih anom plơi prong jưh jom, hăng hơdôm tơlơi čang rơmang kơtưn prong biă.