Jơnum anai pơtong rơđah, thun 2025 lĕ sa thun lu tơlơi lông lăng prong, yua rơnoh pơkă pơđĭ kyar abih bang amăng tơring čar GRDP Dak Lak kơnong pơhrui glăi 6,68% đôč, ƀu djop tui rơnoh pơkă 8% mơ̆ng akŏ thun. Phun ñu lĕ yua bruă ba yua prăk kơnuk kơna tuh pơ alin kơ bruă čar dŏ kaih, rơnang đơi, kơnong 43% đôč pơkă hăng akŏ bruă jao; rơnoh prăk tuh pơ alin amăng bruă abih bang mơnuih mơnam kơnong 82,5%.

Hrŏm hăng anun, tơring čar tŭ tơlơi răm ƀăm kơtang yua kơthel, ia ling dăo ngă ƀơi rơnuč thun. Mah aka ƀu ngă djŏ mrô pơtrun pơđĭ kyar, samơ̆ thun 2025, tơring čar Dak Lak ăt čih pioh rơnoh pơsĭ kyar bơwih ƀong huă ăt đĭ mơ̆n ƀiă. Pơkă hăng thun 2024, prăk pơhrui glăi kơ kơnuk kơna hơmâo 16.490 klai, đĭ tui 17%, prăk sĭ mơdrô hăng tač rơngiao hơmâo 2,8 klai đolar Mi, đĭ tui 26%. Tui hăng tơlơi pơblang glăi anun, khua mua apăn bruă ping gah tơring čar tŭ ư gir run kiăng ngw pơđĭ tui rơnoh GRDP thun 2026 lĕ 10%, djơ̆ hăng rơnoh pơđĭ kyar dua mrô, kiăng pơdah rai bruă mă khut khăt hloh amăng bruă kơđi čar, djru pơtrut rơnoh pơđĭ kyar tơdơi kơ hơmâo tơlơi truh răm  ƀăm lŏn adai ngă.