Đĭ pơhiăp pơđut mông mă bruă, Khua git gai Ping gah dêh čar sa wŏt dong pơsit tong, hơdră djru brơi mơnuih djru hơkrŭ; bruă hyu ĕp, klơi pơƀut hăng hơduah ĕp anăn apăn tơlang tơleh tơhan djai pơsăn drơi jăn lĕ bruă jao kơđi čar yôm phăn biă mă, anai lĕ tơlơi yôm gah pran khăp pap, gru grua hing ang hăng tơlơi hiam klă; anai lĕ pơdah tơlơi glăm ba mơng Ping gah, kơnuk kơna hăng ƀing mơnuih djai pơsăn drơi yua kơ tơlơi rơngai, ngă pô amăng lŏn ia.

Khua git gai Ping gah rơkâo Ping gah kơnuk kơna git gai ječ ameč bruă sem lăng, pơplih pơkra, pơhrua hơdră djru, tơlơi phiăn kơ mơnuih djru hơkrŭ, sit biă ñu hơdôm tơlơi pơkă dŏ gun amăng tŭ yap tơhan djai pơsăn drơi hăng ƀing tơhan rơka rơngiă yua nam rơka ƀuh ruă glăi; tŭ yua ƀing djai pơsăn drơi lơm ngă bruă hơgŏm; hơdôm hră pơ-ar ƀu djơ̆ hăng tơlơi sit nik, sui thun, pơgiong bruă pơsir hĭ hơdôm tơlơi gun hăng hơdră djru brơi mơnuih djru hơkrŭ amăng thun 2026.