VOV4.Jarai-Mut hrŏm jơlan hơdră ruh pơkra glăi sang dŏ jang jai, sang tơ̆i phŏ mơng Kơnuk kơna, Ding jum kông ang iâu pơthưr pơtrut pơsur hơdôm anom bruă pơgôp, djru brơi tơring čar Dak Nông man pơdong 500 boh sang hăng abih tih nua 30 klai prăk. Ră anai abih tih 500 boh sang hơmâo man pơdong hăng rơbêh 100 boh hơmâo giong laih. Hăng pran jua “Găn rơgao tơnap tap” glăk hơmâo kông ang Dak Nông pơdah tong ten biă mă, ba tơbiă hơnong pơkă amra pơgiong abih bang jao brơi hơdôm boh sang anŏ tui hơdră djru amăng blan 6 anai.

VOV4.Jarai-Ƀơi plơi prong Buôn Ma Thuột, tơring čar Dak Lak pơphun mông čơkă mă Miđai mă bruă mrô I yua Kơnuk kơna Lao jao brơi.

VOV4.Jarai-Mơguah lơ 9/6, ƀơi tơring čar Lâm Đồng, Khua git gai Ping gah dêh čar ơi Tô Lâm git gai mông mă bruă hăng Khul apăn bruă Ping gah tơring čar Lâm Đồng hăng Khul apăn bruă tơring čar Bình Thuận hăng Dak Nông kơ bruă pok pơhai ngă tui hơdôm tơlơi pơtrun, tơlơi klah čun mơng gơnong glông; bruă dưm dăp anih anih mă bruă ƀơi 3 boh tơring čar pơlir hăng bruă pơphun jơnum Ping gah djop gưl.

VOV4.Jarai - Ƀrô djơ̆ tal nao pơhmư̆ Jơnum gưl dlông tal 3 mơ̆ng Sang gum hơbit djop dêh čar kơ Ia rơsĭ ƀơi dêh čar Prang, Khua dêh čar ta ơi Phạm Minh Chính hmâo bưp laih ơi Rodrigo Chaves, Khua mir sir dêh čar Costa Rica.

VOV4.Jarai-Lơ 8/6, Ping gah Jơnum min mă tơlơi pơgôp mơnuih ƀôn sang hăng krăo lăng mơng Khua pơ ala mơnuih ƀôn sang dêh čar pơphun Jơnum tal I, rơwang thun 2025-2030. Kơ-iăng Khua Khua pơ ala mơnuih ƀôn sang dêh čar, thượng tướng Trần Quang Phương nao jơnum hăng git gai mông jơnum.

VOV4.Jarai - Grŭp apăn bruă Ping gah tơring čar Dak Lak phrâo pơphun Jơnum Grŭp mă bruă Ping gah tơring čar tal 33 (pok prong), bơkơtuai, gum pơhiăp kơ hơdôm bôh yôm prăp lui kơ Jơnum Ping gah tơring čar tal 18, rơwang bruă 2025-2030.

VOV4.Jarai - Mơguah tom brơi (8/6), ƀơi Hà Nội, Gong phun jua pơhiăp dêh čar Việt Nam (VOV) pơphun mông pơbưp ƀô̆ mơta hơdor glăi 100 thun Hrơi Hră pơhing hơkrŭ (21/6).

VOV4.Jarai - Amăng mông jơnum abih bang 4 Bơkơtuai kơ prăk kak hăng bơwih ƀong mơtah, pơphun amăng lơ 8/6 ƀơi ala čar Monaco, Khua dêh čar ta ơi Phạm Minh Chính pơtŏng sit, dêh čar Việt Nam jing bơnah gum hrŏm đăo kơnang, amra gum hrŏm hăng jar kơmar amăng gir run pơgang ia rơsĭ.

VOV4.Jarai - Anăp nao pơsit jơlan gah mơ̆ng Ping gah dêh čar kơ pơđĭ kyar bôh thâo phrâo, hơdră phrâo măi mok hăng pơplih mrô, hơdôm bôh tơring čar kual Dap Kơdư glăk pok pơhai klă lu hơdră pơčeh phrâo, lăp djơ̆ hăng bôh nik. Ƀơi Gia Lai, bruă pơphun "Pơtô mrô kơ mơnuih ƀôn sang” hmâo pok phun hăng tơhnal pơkă pơtô bôh thâo hăng hơdră mă yua mrô truh rim čô mơnuih ƀôn sang, rim plơi pla, biă ñu ƀơi kual asuek, ataih. Amăng anun, ƀơi Dak Lak, pơplih mrô dưi pơdah amăng hơdôm tal sang prăk rô hyu truh rim plơi pla djru mơnuih ƀôn sang ngă juăt hăng bruă hră pơ-ar phrâo; hơdôm anom mă bruă hrŏm lĕ mă yua hơdră mă yua măi mok mrô amăng lăi pơhưč hăng sĭ gơnam tam.

VOV4.Jarai-Mơguah lơ 5/6, Khua dêh čar ơi Phạm Minh Chính hăng bơnai ñu hrŏm hăng khua mua pơprong mơng Việt Nam nao truh laih pơ plơi prong jưh jom Tallinn, pơphun nao čuă sit nik dêh čar Estonia tui tơlơi git gai mơng Khua dêh čar Estonia Kriste Michal.