Pơ ala kơ khua mua Ping gah, Kơnuk kơna, Khua git gai ping gah ơi Tô Lâm bơni kơ hơdôm bruă hơmâo ngă truh kih prong, hmư̆ hing mơ̆ng tơhan blah ngă Tơhan kual 9 , laih dong, Khua git gai Ping gah kiăng Tơhan kual 9 ăt ngă tui na nao tơlơi pơmin hơdră bruă tơhan blah ngă Hồ Chí Minh, jơlan hơdră pơgang lŏn ia mơ̆ng Ping gah, pơđĭ tui anŏ klă amăng abih bang, pran blah ngă kơtang; akŏ pơdong khul abih bang mơnuih gum pơgang lŏn ia kjăp kơtang, nao hrŏm ngă hơđong rơnuk rơnua mơnuih ƀôn sang; pơƀut akŏ pơjing khul tơhan ngă hơkrŭ, ngă bruă sit nik, rơgơi mơbruă, lăng yom biă pơtŏp hrăm, djă kjăp phao kơtuang, prăp rơmet, kjăp pran blah ngă amăng djŏp tơlơi truh tơdah hơmâo.

Khua git gai Ping gah kiăng ling tơhan Tơhan kual 9 pơphun na nao bruă iâu pơthưr pơtô ba mơnuih ƀôn sang, ngă kjăp tui tơlơi khăp ƀu-eng plah wah tơhan hăng mơnuih ƀôn sang, akŏ pơdong pran khăp kơ lŏn ia kjăp phik.