Lơ 8/12, Khul khua apăn bruă phun git gai Ping gah tơring čar Quảng Ngãi pơphun Jơnum tal 2, pơtŏng glăi bruă mă thun 2025, pơsit bruă yom phun thun 2026 hăng bơkơtuai, pơsit djŏp bruă yom kiăo tui tơlơi dưi. Thun 2025, tơring čar Quảng Ngãi ječ ameč dưm dăp anom bruă kơnuk kơna, hăng pok pơhai hơbô̆ bruă gong gai 2 gưl, ƀơ ƀrư̆ ngă bruă hơđong, bơbruai yơh; pơphun truh kih jơnum ping gah djŏp gưl hăng Jơnum ruah khua ping gah tơring čar tal 1, rơwang thun 2025-2030.

Thun 2025, prăk pơhrui mơ̆ng gơnam tam ƀơi tơring čar him lăng hơmâo rơbêh 92 rơbâo klai prăk, đĭ rơbêh 10%, jing dong mrô sa amăng kual Dơnung Tong Krah hăng Dap Kơdư; dong tal 6/34 boh tơring čar, ƀon prong amăng dêh čar. Tơring čar ngă klă biă djru ba tơlơi bơwih ƀong hơdip mơda mơnuih ƀôn sang, ngă giong bruă lŏm lui sang dŏ tơ̆i, phŏ; bruă hrŏ trun ƀun rin hơmâo ngă tŭ yua mơn; pơgang lŏn ia, rơnuk rơnua hơmâo bong kjăp; rơnuk rơnua kơđi čar, rơnuk rơnua mơnuih mơnam hơmâo pơhlom./.