VOVJarai - Mơguah lơ 28/7 ƀơi Hà Nội, Khua git gai Ping gah dêh čar ta ơi Tô Lâm nao čuă, git gai mông bưp ƀô̆ mơta mơnuih apăn bruă, ling tơhan Anom pơgang rơnuk rơnua bruă kơđi čar ƀrô djơ̆ tal hơdor glăi 80 thun Hrơi gru grua phiăn juăt Kông ang mơnuih ƀôn sang.

VOV.Jarai-Khua git gai Ping gah dêh čar ơi Tô Lâm rơkâo pơ anăp anai, tơring čar Điện Biên kiăng lăng bruă dưm dăp glăi anih anom mă bruă tui hơdră gong gai dua gưl lĕ bruă jao kơđi čar akŏ phun.

VOV.Jarai-Lơ 28/7/1995, hla kơ mriah pơtŭ kơñĭ hơmâo tol yôl ƀơi Brunei amăng mông ngă lơphet pơmut dêh čar Việt Nam jing ding kơna tal 7 amăng Khul hơdôm boh dêh čar kual Ngŏ dơnung Asia (ASEAN). Amăng 30 thun mut hrŏm, tui tơlơi sem lăng mơng gơyut gơyâo jar kmar, Việt Nam hơmâo ngă hăng glăk pơdah lĕ sa ding kơna gir ngă bruă, gơgrong hăng glăm ba, ƀu pơdơi pơgôp amăng bruă ngă tui bruă jao gru grua mơng kual ASEAN kah hăng ngă lar hyu hơdôm tơlơi truh kih mơng ASEAN.

VOV.Jarai-Tơhan hơđăp Nguyễn Đăng Khoa ƀơi tơring čar Gia Lai, lĕ tơhan amăng Trung đoàn 95, hlâo adih blah wang ƀơi dêh čar Kur, ñu ƀu pơdơi rơbêh 20 thun rơgao hyu ĕp hăng klơi ba glăi tơlang tơleh tơhan djai pơsăn drơi ba glăi pơ plơi pla. Hrŏm hăng pran khăp pap hăng tơlơi dŏ pơmĭn nao ƀing gŏp, 20 thun rơgao ñu pơdah pran hơdor gru grua, hơdor kơ ƀing mơnuih djai pơsăn drơi.

VOV.Jarai-Kơnong tơdơi kơ 20 hrơi mă bruă tui hơbô̆ bruă kơnuk kơna dua gưl gong gai plơi pla, să Ea Bung-sa boh să giăm guai dêh čar tơnap tap hloh tơring čar Dak Lak-hơmâo lu tơlơi pơblih phrâo rơđah biă mă amăng bruă git gai, pơsir bruă mơnuih ƀôn sang tui hăng tơlơi hơmâo sit nik. Nao tơl grup, trun tơl hmua, đing hmư̆ tơlơi pơhiăp mơ̆ng ană plơi pla.....hơmâo djru pơsir tañ hơdôm tơlơi dŏ gun, tơlơi aka ƀu găl, anŏ mơ̆ ngă pơgăn hĭ tơlơi pơđĭ kyar.

VOV.Jarai - Mơguah lơ 24/7, Ping gah să Hòa Phú, tơring čar Dak Lăk pơphun Jơnum ruah khua tal 1, rơwang bruă 2025-2030.

VOV.Jarai - Anom bruă git gai tơhan tơring čar Dak Lăk pơphun Jơnum ruah khua ping gah tal 1, rơwang thun 2025-2030, hăng tơlơi pơtrun: Tơlơi dưi bơkơnar - Gum pơgôp - Rơgơi - Pơplih phrâo - Đĭ kyar”. Nao pơhmư̆ mông jơnum hơmâo 160 čô khua, 21 čô hơmâo ƀing khua gưl prong ruah ngă bruă amăng Khul khua apăn bruă git gai Ping gah hăng 7 čô amăng Khul khua apăn bruă phun Ping gah.

VOV.Jarai - Bĕ tơlơi kơƀah mơnuih apăn bruă ƀơi gưl să, Jơnum min mơnuih ƀôn sang tơring čar Lâm Đồng amra brơi 400 čô mơnuih apăn bruă nao pơ̆ hơdôm bôh gơnong bruă, anom bruă mơ̆ng tơring čar nao djru gưl să.

VOV.Jarai - Čơtlăm tom brơi (24/7), ƀơi Ƀirô mă bruă Gong gai, Khua dêh čar ơi Phạm Minh Chính – Khua Grŭp črâo ba bruă pơgang, pơgăn hlôm hlâo hyuh hyiăn ƀu klă ngă hăng hyu hơduah ĕp mơnuih hmâo tơlơi truh thun 2025 git gai Mông jơnum tal sa mơ̆ng Grŭp črâo ba.

VOV.Jarai-Mơguah sing bring hrơi anai, lơ 25/7, tui hăng mông Hà Nội, Khua git gai pơ ala mơnuih ƀôn sang dêh čar ơi Trần Thanh Mẫn hăng Bơnai ñu laih anun grup khua mua pơprong mơ̆ng Việt Nam nao truh laih ƀơi plơi prong jưh jom Rabat, pơphun čuă sit nik dêh čar pơtao Marok mơ̆ng lơ 24-17/7.