Pri thun anai hơmâo 3.508 tơlơi čih ba pơplông mơ̆ng 125 anom bruă pôr pơhing. Hơmâo lu tơlơi čih lăi nao lu bruă dlăm biă, mă yua klă djŏp măi mok, glông pôr, pơƀuh glăi 80 thun akŏ pơdong hăng pơđĭ kyar mơ̆ng Ƀirô khua pơ ala mơnuih ƀôn sang Việt Nam. Khul čŏm puang hơmâo 6 grup: Hră pơhing in, Hră pơhing điện tử, Por jua pơhiăp, Pơdah rup, Hră pơhing rup hăng Tạp chí hơmâo ngă giong laih bruă čŏm blung a, laih anun ruah mă 90 tơlơi čih pơhing tŭ yua hloh mut tal rơnuč, hơmâo: 15 tơlơi čih pơhing hră in, 20 tơlơi pơhing điện tử, 15 tơlơi pơhing tạp chí, 15 tơlơi pôr pơhiăp, 15 tơlơi pơhing pơdah rup hăng 10 tơlơi pơhing rup.

Hơdôm tơlơi pơhing mut amăng tal rơnuč pơhlom klă, tŭ yua, pơdah djơ̆ boh tơhnal, tơlơi pia, pơƀuh djŏp 3 tơlơi yom phun amăng djŏp mơta bruă mă mơ̆ng khua pơ ala mơnuih ƀôn sang: čih pơkra tơlơi phiăn, krăo lăng hăng pơsit djŏp bruă yom mơ̆ng lŏn ia; laih dong ngă hmư̆ hing akŏ bruă 80 thun akŏ pơdong, pơđĭ kyar mơ̆ng Anom bruă pơ ala mơnuih ƀôn sang dêh čar Việt Nam.