VOV4.Jarai-Tlam lơ 23/2, Khua dêh čar ơi Phạm Minh Chính git gai Jơnum lăi pơthâo tơlơi pơtrun akŏ pơjing grup pel ĕp mơng Ding jum kơđi čar, Khul git gai Ping gah thun 2025 hăng Khul apăn bruă Ping gah tơring čar, Ping gah ƀôn prong: Ƀôn prong Hồ Chí Minh, Bình Dương, Bà Rịa-Vũng Tàu.

VOV4.Jarai-Tlâo bơnah tŭ ư tŏ tui ngă dơlăm, djop mơta hăng pok prong ƀiă dong tơlơi rô nao rai kơplah wah tlâo Ping gah, tlâo kơnuk kơna, kjăp tui pran đăo gơnang kơđi čar hăng tơlơi rô nao rai kơplah wah khua mua; ƀuă tŏ tui gru grua gum pơgôp pơlir hơbit kơplah wah tlâo boh dêh čar.

VOV4.Jarai - Gơnong bruă đang hmua hăng pơđĭ kyar ƀôn lan tơring čar Gia Lai hmâo laih hră pơ-ar hăng hră čih anăn mơ-ĭt kơ Gơnong bruă pơphô bruă kơnuk kơna tơring čar, gah bruă 134 čô mơnuih apăn bruă, mơnuih mă bruă čar hăng mơnuih mă bruă rŏng rơkâo pơdơi hlâo kơ thun pơkă ƀudah lui bruă tui hơdră bruă, hơdră pơkă hmâo pơkă amăng Tơlơi pơtrun pơkă mrô 178 mơ̆ng Gong gai dêh čar.

VOV4.Jarai - Čơtlăm mơmot tom brơi (23/2), ƀơi Ƀirô mă bruă Gong gai dêh čar, Khua dêh čar ơi Phạm Minh Chính git gai bruă jơnum kơ bruă tuh pơplai pơdŏng pơkra jơlan tô tơdrŏn rơdêh por Gia Bình, tơring čar Bắc Ninh hăng plơi prong jưh jom Hà Nội hăng pơdŏng anom Logistics ƀơi kual tơdrŏn rơdêh por Gia Bình.

VOV4.Jarai-Mơ̆ng akŏ thun 2025, tơlơi bơwih ƀong huă tơring čar Dak Lak hơmâo lu anŏ kơnăl pơblih klă hiam, ngă atur kơ bruă ngă tui djop mrô pơkă pơđĭ kyar 8%. Lu sang bruă sĭ mơdrô ƀơi tơring čar anai pok prong bruă pơkra ming hăng iâu pơmut lu mơnuih mă bruă apah, ba glăi tơlơi čang rơmang prong kơ tơlơi bơwih ƀong huă.

VOV4.Jarai - Tlam lơ 21/2, Kông an tơring čar Dak Lăk pơphun jơnum Lăi pơthâo hăng brơi hră brơi pơdơi bruă hlâo kơ thun pơdơi lơtret hăng 11 čô khua mua amăng kông an tơring glông hăng anom bruă kơnar hăng tơring glông.

VOV4.Jarai-Amăng 105 boh sang anŏ ƀơi tơring čar Kon Tum hơmâo ruh pơkra glăi sang tơ̆i rơ̆i, sang dŏ jang jai amăng rơwang hrơi tơjuh, đing nao lu hloh ƀơi tơring glông Đăk Glei hăng 38 boh sang hăng tơring glông Đăk Hà 31 boh sang.

VOV4.Jarai-Pơphun sui 5 hrơi, dong mơng lơ 9-13/3, Jơnum ngui kơphê Buôn Ma Thuột tal 9 thun 2025 hơmâo lu anŏ pơplih phrâo pơhmu hăng hơdôm tal pơphun hlâo anun, him lăng pơhưč rơbêh 200 rơbâo tuai čuă ngui.

VOV4.Jarai-Anai lĕ mông pơbưp yôm phăn kiăng kơtưn ƀiă dong tơlơi rô nao rai ha guai hiam klă, giang mah gru grua, ngă hrŏm djop mơta, hơđong kjăp sui thun kơplah wah dua Ping gah, dua kơnuk kơna hăng mơnuih ƀôn sang Việt Nam-Kur amăng rơnuk phrâo.

VOV4.Jarai-Amăng ayuh hyiăng rơ-ơ̆ rơ-ŏt hrŏm hăng angĭn pơ-iă bơyan phang kual Dap kơdư, sa bơyan bơnga pơđao pran jua sit nik trun rai amăng djop plơi pla ƀơi Gia Lai, anai lĕ anih rung răng lơm mơnuih ƀôn sang hmư̆ tui amăng plư ngă soh. Lui hĭ thun blan răng răng ƀu mơ-ak anun, ƀing mơnuih ngă soh hlâo anun glăk gir run kiăng pơplih pơkra gơñu pô, pơjing bruă ngă hmua, pơđĭ kyar bơwih ƀong huă hăng tơlơi čang rơmang phrâo.