VOV4.Jarai-Tlam lơ 15/7, Khua dêh čar ơi Phạm Minh Chính hăng ơi Trần Thanh Mẫn, Khua git gai pơ ala mơnuih ƀôn sang dêh čar hrŏm hơbit git gai mông jơnum kơ bruă ngă tui tơlơi pơtrun Jơnum lok 11, khul apăn bruă ping gah dêh čar.

VOV4.Jarai - Tlam lơ 15/7, amăng mông jơnum tal 3 Khul khua pơphô bruă bơwih ƀong APEC (ABAC 3), Khua mir sir ơi Lương Cường hơmâo tŭ jum ơi Hyun Sang Cho - Khua ABAC 2025, Kơ-iăng khua Grup bơwih ƀong prong Hyosung (Hàn Quốc).

VOV4.Jarai - Kơ-iăng khua dêh čar ơi Nguyễn Hòa Bình lăi, mông jơnum ƀu kơnong jing bruă kơđi čar mơ̆ng Ping gah đôč ôh ăt pơjing rai tơlơi hok mơak hơmâo pran jua amăng mơnuih ƀôn sang.

VOV4.Jarai-Kiăng pơhlom brơi jơlan nao rai huăi kơđông amăng bơyan hơjan hlim thun anai, tơring čar Lâm Đồng hlăk ngă tui bruă jŭ yap glăi, čih pioh tum teč djop anih juăt hơmâo lŏn tơhlŏm, ngă kơđông hĭ ƀơi 8 arăt jơlan phun dêh čar hăng jơlan tơring čar, laih dơ̆ng ĕp hơdră pơsir glăi rơđah rơđong.

VOV4.Jarai-Mơguah lơ 15/7, Jơnum min mơnuih ƀôn sang tơring čar Dak Lak pơphun jơlan hơdră “Dak Lak mrô”, kiăng khut khăt ngă tui Hră pơtrun 57 mơ̆ng Ding jum jum kơđi čar brơi pơđĭ kyar boh thâo ia rơgơi, pơčeh phrâo hăng ba yua mrô dêh čar.

VOV4.Jarai-Lăng nao boh tơhnal dưi ngă mơ̆ng ha mơkrah akŏ thun anai, hơnơ̆ng pơđĭ kyar rơbêh 7%, tơring čar Dak Lak pơkă tơhnal pơđĭ kyar abih sa thun lĕ truh 8% pơngŏ, pơhrui glăi prăk duh jia kiăng hơmâo 16.300 klai, rơnoh prăk pơhrui glăi pơkă dưm dưm sa čô mơnuih sa thun mă bruă truh kơ 80 klăk prăk amăng thun 2025.

VOV4.Jarai-Nao jơnum hrŏm ruah khua ping gah ƀơi sang bruă Ding jum pơtom hiăp mơguah lơ 15/7, Khua dêh čar ơi Phạm Minh Chính rơkâo, rơwang bruă pơ anăp, Ping gah Ding jum pơtom hiăp khom kơsung hlâo, ngă gru phun, hur har, mă bruă tŭ yua pok pơhai ngă tui jơlan hơdră pơtom hiăp, rơngai, ngă khua pô samơ̆ khom “ lu bơnah či ngă bruă, lu mơta bruă ngă tui hloh”; jing gơyut gơyâo, bơnah ngă hrŏm đăo kơnang nao rai tong ten hăng djop dêh čar amăng rŏng lŏn tơnah; jing ding kơna hơmâo tơlơi gơgrong ba sit nik hăng jar kmar, yua tơhnal pơkă rơnuk rơnua, ngă hrŏm, pơđĭ kyar.

VOV4.Jarai - Lơ 15/7, Kơ-iăng Khua dêh čar ta ơi Nguyễn Hòa Bình nao pơhmư̆ jơnum hăng pơhiăp črâo ba amăng mông Jơnum khua pơ ala să Đơn Dương, tơring čar Lâm Đồng tal I rơwang bruă 2025-2030.

VOV4.Jarai - Jơnum min mơnuih ƀôn sang tơring čar Lâm Đồng phrâo mă yua tơlơi pơsit pơdŏng Anom pơtrut tuai čuă ngui tơring čar Bình Thuận hơđăp.

VOV4.Jarai-Kiăng pơhưč lu tuai, pơtrut tơlơi bơwih ƀong huă pơđĭ kyar, tơring čar Lâm Đồng hlăk hur har pơtrut kơtang amăng bruă pơblih yua ia rơgơi mrô.