Amăng 5 thun rơgao, lu khul grup, ƀing mơnuih amăng gơnong bruă pơtô pơjuăt hơmâo: Khua mir sir ƀơk miđai djop mrô, pơpŭ pri Nai pơtô mơnuih ƀôn sang, Nai pơtô kơhnâo kơhnăk; Khua dêh čar ƀơk hla kơ pơplông mơng Kơnuk kơna, hră pơpŭ; Ding jum pơtô pơjuăt ƀơk hla kơ pơplông mơng Ding jum hăng hră pơpŭ…Tŏ tui hơdôm tơlơi dưi ngă, pơ anăp anai, Ding jum pơtô pơjuăt hơmâo pơƀut pran kơtang abih bang mơng gưl Ping gah, khul grup amăng pok pơhai bruă pơplông, apah bơni.

Gơnong bruă pơtô pơjuăt pơplông pơplih pơčeh phrâo, hrưn đĭ klă amăng pơtô pơjuăt, pơtô brơi mơnuih mă bruă thâo rơgơi, lăp djơ̆ hăng tơlơi rơkâo pơđĭ kyar lŏn ia rơwang thun 2025-2030, mơng anun juh alum, pơsur pran jua ƀing nai pơtô, mơnuih mă bră, ƀing čơđai sang hră gum pơgôp, pơsir hĭ tơnap tap, gir run pơgiong klă bruă jao.