Pơhiăp ƀơi mông jơnum, Khua git gai Ping gah ơi Tô Lâm pơsit, pơpă hơmâo bruă hơduah ĕp kơđi, pơ anun tơlơi pơkôl pơkă tơpă sit hơmâo ngă, tơlơi đăo kơnang hơmâo pơđĭ tui kjăp, tơlơi phiăn hơmâo pơpŭ. Anun jing tơlơi pơ-ư pơ-ang mơ̆ng 80 thun gru hing ang - 80 thun pơsit tơlơi rơgơi, pơčeh phrâo, pran jua klă, ngă bruă abih pran mơ̆ng ƀing khua hơduah ĕp kơđi hăng Ping gah, Kơnuk kơna wơ̆t hăng Mơnuih ƀôn sang.

Khua git gai Ping gah lăi dlăm, bruă hơduah ĕp kơđi rơnuk anai ƀu kơnong kiăng ƀuh tơlơi soh đôč ôh, ăt jing tơlơi pơkôl pơkă pơƀuh anŏ rơđah rơđông, pơtrut pơplih phrâo, pơgang ba tơlơi hơđong, hăng pran đăo kơnang mơnuih tơpuôl. Hăng tơlơi pơmin lăng nao pơ anăp anun, Khua git gai Ping gah pơsit, bruă Hơduah ĕp kơđi kiăng pơplih abih bang, tui rơnuk phrâo, pơlir bruă hơduah ĕp kơđi nao hrŏm hăng tơlơi đĭ kyar, lăng mơnuih ƀôn sang yơh phun mơ̆ng djŏp bruă mă, anăp nao akŏ pơdong anom bruă kơnuk kơna mă bruă tơpă sit, tŭ yua, yua kơ mơnuih ƀôn sang, bơwih brơi mơnuih ƀôn sang.