VOV4.Jarai - Tlam tom brơi (lơ 23/5), ƀơi Sang bruă Kơnuk kơna, Kơ-iăng khua dêh čar ơi Nguyễn Chí Dũng git gai jơnum kơ bruă kah pơpha gưl ngă bruă, jao tơlơi dưi mơ̆ng Ding jum boh thâo ia rơgơi hăng boh thâo măi mok tui hăng tơlơi phiăn pơphun anom bruă Kơnuk kơna, Tơlơi phiăn pơphun anom bruă gong gai hăng pơphun anom bruă gong gai tơring čar dua gưl.

VOV4.Jarai - Mơguah lơ 23/5, ƀơi Pơsat tơhan djai pơsăn drơi tơring glông Đức Cơ, tơring čar Gia Lai hơmâo pơphun ngă yang hơdor hăng ba pơyua 23 drơi atâo tơhan djai pơsăn drơi hăng ƀing rơgơi kơhnâo Việt Nam, djai pơ lŏn ia Kur amăng rơnuk blah wang.

VOV4.Jarai-Mơguah lơ 23/5, ƀơi plơi prong Buôn Ma Thuột, Jơnum min mơnuih ƀôn sang tơring čar Dak Lak pơphun yôm phăn mông ngă lơphet hơdor glăi 50 thun hrơi gru grua ling tơhan wai pơgang guai tơring čar (23/5/1975-23/5/2025) hăng čơkă mă miđai wai pơgang lŏn ia mrô III.

VOV4.Jarai-Kơ-iăng Khua dêh čar Lê Thành Long mă bruă hăng Ding jum pơtô pơjuăt kơ črăn tơlơi pơtrun kơ bruă pơpha bruă mă mơng gong gai ƀon lan amăng bruă pơtô pơjuăt tui hơbô̆ bruă pơphun gong gai ƀon lan amăng dua gưl.

VOV4.Jarai-Ƀơi plơi prong Đà Lạt, Ding kơna Ding jum kơđi čar, Kơ-iăng Khua dêh čar ơi Nguyễn Hòa Bình phrâo hơmâo mông mă bruă hăng Khul apăn bruă Ping gah tơring čar Lâm Đồng, Bình Thuận hăng Dak Nông kơ ngă tui tơlơi pơtrun Jơnum lok 11 mơng Khul apăn bruă Ping gah dêh čar tal XIII, pơlir hăng bruă pơjing, pơgiong hră pơ-ar, bruă ruah mơnuih apăn bruă. Kơ-iăng Khua dêh čar ơi Nguyễn Hòa Bình pơsit tong: Anai lĕ bruă jao ječ, djop ƀon lan kiăng ngă kiăo tui hơdôm tơlơi pơkă mơng Ping gah hăng Kơnuk kơna kiăng ngă djơ̆, kjăp phik, pơhlôm rơđah rơđông.

VOV4.Jarai-Tŏ tui jơlan hơdră jơnum lok 9, mơguah lơ 23/5, Khua pơ ala mơnuih ƀôn sang dêh čar pơčrông sai ƀơi grup lu boh tơhnal yôm phăn, amăng anun lăng glăi bruă pơhrua boh than ngă tui akŏ bruă pơđĭ kyar bơwih ƀong huă-mơnuih mơnam hăng ngăn drăp kơnuk kơna thun 2024; bruă ngă tui akŏ bruă pơđĭ kyar bơwih ƀong huă-mơnuih mơnam hăng ngăn drăp kơnuk kơna hơdôm blan akŏ thun 2025.

VOV4.Jarai - Khua git gai ping gah dêh čar ta ơi Tô Lâm phrâo hmâo mông mă bruă hăng Jơnum min pel ĕp kơđi tơlơi Ping gah dêh čar ta djă pioh hăng bơni hơdôm bôh than dưi ngă mơ̆ng Jơnum min pel ĕp kơđi tơlơi Ping gah dêh čar amăng bruă pel ĕp, lăng tui hăng tơlơi pơsir mơ̆ng Ping gah mơ̆ng akô̆ rơwang bruă Jơnum tal 13 truh ră anai.

VOV4.Jarai - Khua dêh čar ta iâo pơthưr Khua pơ ala mơnuih ƀôn sang dŏng yua kơtang dong bruă pơplih hơdră pơkă, pơjing phun akha kơjăp pioh lŏn ia pơđĭ kyar tañ, kơjăp phik pơ̆ anăp anai.

VOV4.Jarai - Mơguah lơ 23/5, ƀơi plơi prong Kon Tum, Jơnum min mơnuih ƀôn sang tơring čar Kon Tum pơphun ngă Lơphet bơni, apah pri 113 čô nai pơtô čơđai sang hră hăng 185 čô čơđai sang hră rơgơi hloh thun hrăm 2024-2025.

VOV4.Jarai - Anăp nao Blan mơnuih mă bruă gah đang kơ su hăng blan mă bruă kơ pơhlôm, hơdjă kơ mơnuih mă bruă thun 2025, ƀơi Gia Lai glăk hmâo lu bruă mă bơwih brơi tơlơi hơdip mơda kơ mơnuih mă bruă gah đang kơ su hăng mơnuih mă bruă pơkon.