Khua git gai Ping gah brơi thâo, mah phrâo akŏ pơdong, mrô mơnuih dŏ ƀiă, ayuh hyiăng lŏn mơnai ƀu gêh gal, jơlan nao rai tơnap kơplah wah hơdôm bul pơtâo, samơ̆ Thổ Châu ăt jing anih gơnang nao phun, wai pơgang rơnuk rơnua amăng kual ia rơsĭ Yŭ Dơnung hăng kual giăm guai lŏn ia. Pơsit tong tơlơi yôm phara amăng wai pơgang rơnuk rơnua hrŏm hăng tơlơi dưi bơwih ƀong huă, Khua git gai Ping gah rơkâo djop gưl gir run pơjing kual Thổ Châu jing kual bul pơtâo yôm phăn, hơđong kjăp, ngă atur brơi pơđĭ kyar mơng Việt Nam, hăng pran jua “Ƀattô anăp nao kual ia rơsĭ, wai pơgang kual ia rơsĭ, mơnuih ƀôn sang, hơđong lŏn ia”.

Khua git gai Ping gah pơtă tơring čar An Giang gum hrŏm hăng djop ding jum, gơnong bruă pơjing akŏ bruă pơđĭ kyar hơđong kjăp; đing nao man pơkra jơlan glông, kual plơi pla hơđong; sit biă ñu lĕ bơwih brơi bruă gah ia jrao, pơtô pơjuăt, gru grua kiăng mơnuih ƀôn sang, ƀing apăn bruă, čơđai muai kual bul pơtâo.